مقارنة مع شوية أسئلة بين التيدا السيدان فئة قليلة والصنى الهاى لآين

**SonaSteel** · 30-07-2011 03:35 AM

المشاركة الأصلية كتبت بواسطة ahmed.tv

لو فاضى تعالى بكرة السبت او الاحد انا فى مدينة نصر .. واعتقد ان حضرتك معاك رقم تليفونى .. كلمنى وتعالى اقابلك واخلصك من الحيرة دى على الطبيعة .. لان الكلام العملى حيكون افضل ومقنع

والتيدا اليومين دول معقول عليها عروض .. لان الصنى غالية اليومين دول .. واللى حيحجز الصنى بالسعر القديم حيستلم نص شهر 9
واللى عاوز صنى دلوقتى زود 2000 جنيه على تمنها القديم ..
والتيدا بكل فئاتها عليها خصم 4500 جنيه

التيدا اقدر اعملك مقارنة على الطبيعة واوريك الفرق على الطبيعة عشان تصدق سنتى سنتى وملى ملى بينها وبين الصنى

والتيدا قطع غيارها بره التوكيل بقة زى الرز وزى الصنى بالظبط .. قطع غيار زيرو وكمان استيراد

تقفيل التيدا افضل بمراحل من الصنى

ماتور التيدا اغضل واحدث واقوى من الصنى

استهلاك التيدا افضل من الصنى

مشاكل التيدا اقل بكتير من الصنى .. واعتقد انك قعدت واتفرجت فى القسم وشوفت مقارنة بمشاكل الصنى .. معلش بقا لازم اتكلم .. طالما دخلنا فى مقارنة بين الاتنين

خامات وتقفيل التيدا افضل من الصنى بمراحل

العزل اللى الكابينة فى التيدا ومتسمعش الدوشة بره ولا صوت الماتور افضل من الصنى بمراحل

صوت الماتور فى التيدا افضل من الصنى

العزل اللى مرشوش تحت العربية فى التيدا اكبر واوسع .. يعنى مرشوش عزل فى اماكن كتير من تحت العربية عكس الصنى .. فى بعض الاجزاء .. مش زى التيدا .. وده شوفته بعينى وورهونى المهندس فى السبع

الباور فى التيدا افضل بمراحل فى الصنى .. باور كهرباء وبيتقل على سرعات ..بعد ال120 .. ومفيش مشكلة فى ولا بيعمل مشاكل ولا الكلام بتاع الاشاعات ده ..

تسارع وعزم التيدا اقوى من الصنى

فرق اول فئة فى التيدا عن الصنى السوبر صالون .. الابانوس والجنوط والمخادع اللى قدام وورا .. وطبعا الابانوس فى الصنى شكله بشهادة الناس مش قد كدا .. والجنوط امرها سهل .. ممكن تجيبها من بره .. والمخادع بردوا امرها سهل

هاااااااااااااااااااا نقول كمان ولا كفاية

انا مكنتش عايز اعمل مقارنة عشان مزعلش ملاك الصنى منى

وبعدين على الطبيعة لو جيت كمان حعملك مقارنة اكبر من دى عملى .. وافرجك الفرق يستاهل ولالا

+1111111111111111111111111111111111111111111111111 111
هي المقارنة متزعلش لان الصني في شريحة والتيدا في شريحة تانية خااااااااااااالص
واللي امكانياته متوصولش للتيدا .... يبقي الصني طبعا
لكن كمقارنة بين التيدا والصني باااااااااااااطل ههههههههههههههههه
انا معايا صني ومينفعش مينفعش اقول ان الصني اعلي فئة من التيدا يابو حميدد ........ استغفر ربنا يابني ههههههههههه
بص انا لما قعدت في عربية احمد ماشاء الله لا قوة الا بالله .... كل تفصيلة في العربية ليها لازمة وحاجات بسيطة كده عاجباني
يعني مثلا
الدرج التابلوه لنا بيتفتح .... فيه نور بينور في الدرج نفسه
ولما الشنطة بتتفتح في نور صغير بينور في وحده الاضاءة اللي فوق السواق.
ده غير بقي اللوك بتاع الابواب لما تمشي علي سرعه معينة واول م اتدوس فرامل...... حاجة جميلة جدا جدا لما تفتح العربية بريموت تدوس تكة واحده يفتح بابا السواق ... وتكتين يفتح باقي العربية .. ونفس الموضوع للشنطة.
والبارو الكهربا ... ديه مش قليلة
ده غير شياكة العدادت والتابلوه ... ماشاء الله
وغير اللى ذكره احمد فى باقى التفاصيل المهمة التانية
وبرده في الاخر ديه اذواق .... وربنا يكرم الناس كلها ان شاء الله

**mff_629** · 30-07-2011 04:44 PM

تيدا طبعا
و خاصةً لو أتو زي ما بتقولو
توكل على الله

**abou_ruqi** · 30-07-2011 04:59 PM

go for tiida and enjoy
احمد تي في نسى يقولك ان التيدا كنبتها اللي ورا اوسع من الصني
والاهم في كل شئ ان اليابان وقفت انتاج الصني من سنة 2005 ولسه التيدا بتنتج لحد النهاردة هناك

امضاء مالك قديم للتيدا

**Ahmed.TV** · 30-07-2011 07:57 PM

المشاركة الأصلية كتبت بواسطة maxayma

بس خلاص الحمد لله استقريت و حجزت التيدا امبارح من السبع الفئة الاعلى (البلس) و كمان هاتشباك لانى بصراحة شايفها اشيك كتير من السيدان و من جوة الاتنين واحد الاختلاف الوحيد فى حجم الشنطة هو اصغر شوية بس الكنبة اللى ورا ممكن تعدل بالظبط زى الكراسى اللى قدام طهرها بيرجع لورا و الكنبة كلها ممكن تطلع لادام او ترجع و فى الحالة دى تبقى كبر كمان من شنطة السبدان انا لما حسبتها كدا لقيت الهاتشباك احلى و استايل برده لان شكلها من ورا احلى كتير من السيدان و من جوة مافيش اى فرق دا غير فرق الثبات على السرعات اكيد فى صالح الهاتشباك يعنى لو ناوى على التيدا كمان بص على الهاتشباك مش هتخسر حاجة و ربنا يوفقك و يهدينا للصالح جميعا

و كل سنة و انتوا طيبين و لو فى اى نصائح علشان الاستلام ياريت ما تبخلوش على اخوكوا و اشوفكوا قريبا على القهوة ان شاء الله

ياترى حجزت التيدا الهاتش باك البلس بكام فى السبع