انا كمان كنت حيران زيك و يمكن اكتر على الاقل انت بتفكر بين عربيتن انا بقى فكرت فى كل العربيات اللى فى السوق تقريبا (بونتو ايفو - جين 2 - سيراتو - الاكسنت rb - الابيزا - البولو الجديدة) و فى الاخر فكرت فى التيدا و لقيت بصراحة فيها مزايا كتير عن العربيات اللى فكرت فيها اللى و بصراحة مش لاقيلها عيب ممكن يبعدنى عنها زى العربيات اللى فكرت فيها و فى ضوء احتياجتى من العربية يمكن العيب الوحيد من وجهة نظرى هو شكل العربية الكنز شوية من برة فقط لانها من جوة حاجة تانية هى بس تبان كده مع ان ده كمان ممكن نعتبره ميزة بالذات فى شوارعنا يعنى عربية كنزة و قصيرة شوية من برة لكن من جوة حاجة تانية دى اكبر من العربيات اللى اكبر منها من برة اقصد
بس خلاص الحمد لله استقريت و حجزت التيدا امبارح من السبع الفئة الاعلى (البلس) و كمان هاتشباك لانى بصراحة شايفها اشيك كتير من السيدان و من جوة الاتنين واحد الاختلاف الوحيد فى حجم الشنطة هو اصغر شوية بس الكنبة اللى ورا ممكن تعدل بالظبط زى الكراسى اللى قدام طهرها بيرجع لورا و الكنبة كلها ممكن تطلع لادام او ترجع و فى الحالة دى تبقى كبر كمان من شنطة السبدان انا لما حسبتها كدا لقيت الهاتشباك احلى و استايل برده لان شكلها من ورا احلى كتير من السيدان و من جوة مافيش اى فرق دا غير فرق الثبات على السرعات اكيد فى صالح الهاتشباك يعنى لو ناوى على التيدا كمان بص على الهاتشباك مش هتخسر حاجة و ربنا يوفقك و يهدينا للصالح جميعا
و كل سنة و انتوا طيبين و لو فى اى نصائح علشان الاستلام ياريت ما تبخلوش على اخوكوا و اشوفكوا قريبا على القهوة ان شاء الله
المفضلات