الموضوع: تقييم شامل من توب جير" للقشقاي والسبورتج" لا يفوتكم

المشاركة الأصلية كتبت بواسطة horas3000

يا زعيم كون اني قلت ان فيه بعض التحيز ده مش معناه اننا مناخدش بيه
هما برضه رايهم مش غلط و مش من عادتهم يعلوا او يجاملوا عربيه و هي مش كويسه
و يا باشا ما عاش اللي يخرسك اتكلم و قول اللي نفسك فيه
اومال الثوره اتعملت ليه عشان الكل يتكلم و محدش يسمع هههههه



اولا يا زعيم يا ريت تهدي نفسك شويه
مش عارف ليه حاسك منفعل كده احنا بنتناقش عادي

فورد اوروبا يا زعيم شركه مستقله و هي تعتبر شركه تابعه لفورد امريكا
و بص هنا كده و انت تعرف انا قصدي ايه

Ford of Europe - Wikipedia, the free encyclopedia

اما موضوع الرينج فيا باشا انا زي حلاتك عايش في الكويت و سبق لي ان سقت العربيه و قارنتها بعربيتي كمان يعني كلامي مبني علي تجربه مش كلام مرسل و لا حاجه
و يا ريت تعمل بنصيحتك و تخش منتدي خليجي و تشوف كلامهم عنها او ابسط من كده خش شوف اسعار المستعمل منها و شوف الريسيل بتاعها ازاي بياخد غطس و مبيقبش تاني
و مش عايز بقي اعقد اجيبلك في لينكات و حوارات عشان ده مش موضوعنا زي ما قلت

فخد الامور ببساطه كده و اديك قلتها لا انت و لا احنا مساهمين في نيسان و لا في كيا
و اعتقد ان النقاش كله كان علي التقييم مش علي العربيات

و اخيرا و ليس اخرا رمضان كريم

لا بالعكس مفيش انفعال ولا حاجة انا قلت مش مستاهلة حد يزعل عشان حاجة كل الموضوع استغراب

واذا كنت سقت الرنج ومش عاجباك ففقي ناس مش عاجباهم البورش كايين اذواق وكل واحد ليه رايو

ده حتى الفولكس توارج في خلايجة كتير بيخافو منها عشان حاجات ليها دخل بالتكنولوجيا

لكن انا اللي بقولو عن غالبية عظمى خليها 60 في المية يا عم من الي شفتو وعاشرتو وناس بتفهم وعندها معارض تاجير وانت عارف يعني اي معارض تاجير في الخليج

ممكن يكون في مشاكل اكيد كل شيء وارد فيه عيوب واخطاء دواسة بنزين التويوتا وحوادث الانفينيتي و لسه من قريب ساحبين 2 مليون عربية هوندا ده عير الهيونداي السوناتا الجديدة لو تفتكر كان فيها بلاوي سودا

الكيا سول اول ما نزلت كان بيحصل حريق في العربية بسبب السماعات وفنط المنتدى وحتلاقي
الكيا سورنتو كان نفس الموضوع

الجيب رانجلر ممنوعة من دخول الصين لان في مشكلة فيها تؤدي لحدوث حريق وده خبر شفتو برضو في احد المواقع ولو دورت حتلاقيه

وانت عارف عيوب الكروز و الجولف 6 اللي ظهرت

يعني من الاخر مفيش حاجة 100% وكل حاجة بتبقى فيها عيوب يا اما عيوب كمالية اللي احنا بنتناقشو فيها

شكل وسرعة واعتمادية

يا اما عيوب صناعية وتنقسم لعيوب خطير وعيوب بسيطة


منافسات الشركات الان وصلت لدرجةانهم بداوا ينفخو السيارة على حساب عيوب الصناعة

بس في بعض الشركات ما زالو على نفس منهجهم

وكلامي وكلامك عن الرينج كل واحد ليه وجهة وليس مبنيه على واقع

بالنسبة لاعادة البيع مهي البي ام دبليو 750 اشتريها النهاردة في الامارات تبعها بعديها باسبوعين ارخص 100 الف درهم

اي حاجة اوروبي لازم تنخسف في الخليج

ما عدا الياباني في الخليج ليه سعرو وانت عارف اسعار المستعمل هناك عاملة ازاي

ومعلش يا اخي على طريقتي بس انا طريقتي الطبيعية كده

اتمنى متكونش زعلتك