الموضوع: تقييم شامل من توب جير" للقشقاي والسبورتج" لا يفوتكم

المشاركة الأصلية كتبت بواسطة ahmedhawas

رمضان كريم عالكل ، وكل عام وانتم بخير.
عندي تعليق بس على كلام حضرتك : أنا شايفك كررت الجملة دي كذا مرة: " ان قشقاي 1600 عندهم نازلة 138 حصان مش 118 حصان زي اللي عندنا"
مين اللي قال الكلام ده ؟؟ التقرير مقالش كده ويرجى قراءة التقرير بعناية ، ولو متأكد من كلامك ياريت تجيبلنا الجملة دي.

وفي نفس الوقت : ضمنيا في الكلام اتقال ان سبورتاج هتنزل بمواتير أصغر من 2000 سي سي فيما بعد.
لكن الريفيو متعملش على ال 1600 وده واضح في التقرير.
وبالتالي ممكن تلغي من التقرير حتة ال performance وال running cost ، لكن باقي البنود واضح جدا تفوق القاشقي فيها.

و رمضان كريم

لا هى صياغة الكلام هى اللى مكانتش مظبوطة .. انا قصدى يعنى ان التقرير مش على الـ1.6 اللى عندنا لكن مركز على الموتور 138 والتانى الى 148 حصان بتاع رينو .. لكن فيه بس كلمة 1.6 ومفيش اى معلومات تانية ولا حتى تعليق عليه .. نفس الكلام فى السبورتاج كل كلامه على الـ2.0 وان هيكون فيه موتور اصغر بس مجبش سيرته ولا حتى قال 1.6 ولا 1.8 مثلا وبنزين ولا ديزيل زى اللى بتكلموا عليه ولا اى معلومة عنه غير انها مش هتكون بدفع رباعى.

وبعدين فى حاجات كتير فى التقرير مش ماشية مع بعض
يعنى القشقاى واخدة فى الشكل انها more cool عن السبروتاج ؟؟ طيب نقول كلاسيك ماشى
وبعدين واخدة فى الـ practicality اعلى من السبورتاج باردوا وبيتكلموا فيها عن القشقاى +2 ودى مش عندنا .. مع ان السبورتاج اكبر واوسع على سبيل المثال شنطة السبورتاج (564 لتر) وشنطة القشقاى (410 لتر).

بالنسبة للاستهلاك واداء المواتير فأكيد ملوش لازمة لانه بيتكلم على مواتير ديزل ومختلفة عن بعض تماما وكمان دفع رباعى غير كدا ان السبروتاج مانيوال.

وكمان وتنساش ان القشقاى عندهم من 2007 يعنى التقرير دا هتلاقيه معمول من 2007/2008 لكن السبورتاج من 2010/2011 ..

بالنسبة للهاندلينج انا طبعا مقدرش اقول مين احسن لانى ولا سوقت دى ولا دى واعتقد بارضوا كل الناس هنا نفس الكلام إلا فى بعض الناس ركبت القشقاى .. لكن الناس اللى ركبت السبورتاج 2.0 .. ايه اللى عرفك انها نفس الاداء مش ممكن تكون اوحش مثلا فى اعتبار انها مش دفع رباعى زى الـ2000 سى سى .. واظن محدش بيروح يشترى حاجة غير لما يعرف عنها كل شئ ويركبها وهو الوحيد اللى فى ايده القرار انه يشترى انهى عربية.

تقارير توب جير ممكن تاخد بيه عادى لكن حط فى دماغك انه مينفعش تقارنهم ببعض ولا حتى تشوف تقييم كل تقرير وتقرر على اساسه انهى افضل وكمان انهم متحتزين فى بعض الاحيان لكل ما هو بريطانى وضد كل ما هو امريكى واسيوى فى احيانا وساعات المانى كمان ويا سلام لو اتفرجت على حلقة فيها مقارنة بين عربية بريطانية فى وسط العربيات التانية هتفهم انا اقصد ايه.

فى الاخر انا ولا تفرق معايا العربيتين زى ما قولت قبل كدا لكن انا بتكلم فى نقطة مقارنة التقارير ببعض والنقطة اللى صاحب الموضوع ركز عليها اوى وهى فى الاساس مش صح اصلا وهو فهم غلط من كلام التقرير.

وطبعا صاحب الموضوع يشكر باردوا عشان تعب ودور عشان يجبلنا التقارير دى.

ورمضان كريم وكل سنة وانتم طيبين