انا بشكر كل من رد عليا بس انا فى الحقيقة كنت بقارن الفانتازيا والالنترا مع الجيتا الشكل الجديد اللى لسه هاتنزل انا بحثت شوية على النت ولقيت
الالنترا (السرعة القصوى 195 كم ، التسارع 11.6 ثانية )
الفانتازيا (السرعة القصوى 184 كم، التسارع 14.1 ثانية )
الجيتا الله اعلم لانى متوقع ينزولها بفتيس dsg وموتور 1.6 زى الفانتازيا والجولف 6
الكماليات :
الالنترا فيها 0باركينج سنسور زيادة بس عن الفئة اللى انا عايزاجيبها فى الفانتازيا لكن الفانتازيا فيها كماليات اكثر
الجيتا البيزلاين بتكون مفيهاش بلوتوث ، مالتى فنكشن , تعتيم مرايات , سنسور مطر زى الفانتازيا البيزلاين لكن فى المقابل مقاس الاطارات بيكون 16 طاسات , الفانتازيا 15 طاسات
حجم الشنطة فى الفانتازيا 580 لتر فى الجيتا الجديدة 510 لتر
قاعدة العجلات فى الجيتا الجديدة اكبر ب 8 سم من الفانتازيا
طول العربية فى الجيتا اكبر ب 5 سم من الفانتازيا
الالنترا قاعدة العجلات فيها 2.70 سم ودى الاطول فيهم ولكن حجم الشنطة الاصغر بين 3 عربيات
كل ماتقراء كتير وتفهم كل مامشكلتك بتزيد عند الاختيار فى الشراء لانى شخصيا لقيت ناس بتشترى العربيات من غير ماتعرف عنها اى حاجة ولابتعمل مقارنات زينا وعشان كده قرار الشراء بيكون اسرع لانه عند عدم وعى كامل
الخلاصة انا حاسس انى الالنترا فعلا اشيك من بره ومن جوه وبها كماليات مش بطالة ولكن هى بتلعب فى فئة السيراتو فى مصر ويمكن تكون دخلت فى فئة جديدة فيها مازدا 3 ، تويوتا كورولا ، هوندا سيفيك
لكن الجيتا والفانتازيا فى فئة الاوبل فيكترا ويعتبروا بداية الفئات المحترمة فى العربيات الالمانى بغض النظر عن بلد الصنع سواء مكسيك , تشيك, المانيا
المشكلة انى حاسس ان الفانتازيا احسن فى قرار الشراء لكن الالنترا شبابية اكثر زى السيراتو كده اول مانزلت خليت ناس تبيع هوندا سيفيك وتجيبها او كانت الناس لما بتشوفها فى الشارع بتقول ايه العربية الجامدة دى لكن دلوقتى بقيت عادية
يمكن انا عندى تجربة شراء قبل كده وهى انى اشتريت نيسان صنى سوبر صالون 2008 زيرو وبعد ماجيبتها بدل ما اجيب النترا 2008 وده عشان الامان والكماليات اكثر بعتها لانى كنت بحس انى عجوز مش شاب عنده 31 عام اى نعم انا متجوز وعندى طفل لكن كنت بحس ان لون العدادات بتعتها وشكل الطابلوه مخلينى مكتئب كل يوم وانا راكبها خاصة بعد فترة 6 شهور من الشراء بعد ما زاهوة العربية بتروح عشان كده انا خايف اغلط نفس الغلطه تانى واجيب عربية شكلها بتاعة راجل كبير عشان الكماليات والامان وده اللى مخلينى متردد وبعمل صلاه استخاره كل يوم وربنا يكرم
انا مستنى تعليقاتكم اللى ممكن تفيدنى فى الحقيقة
المفضلات