الموضوع: انا خلاص هتجنن ارجوكم محتاج مساعدتكم فانتازيا ولا النترا ولا جيتا

السلام عليكم ورحمه الله و بركاته


كل سنه وانتم طيبين ويارب فى الايام دى كل اللى نفسه فى شىء ربنا يحقق له انا بقالى 3 ايام مش بنام من كتر التفكير لانى محتار فى الاختيار بين 3 عربيات ومحتاج مساعدتكم فيها :

• هيونداى النترا 2012 GLS 2Airbag + Abs السعر 143000 جم
• هيونداى النترا 2012 كاملة السعر 155000 جم
• اسكودا فانتازيا 2012 السعر فى حدود 170000 جم
• جيتا 2012 الله اعلم امكانياتها وسعرها كام ولكن اعتقد انه فى حدود الفانتازيا مع طبعا توقع نزولها خلال الشهر القادم ان شاء الله

فى الحقيقة انا عايز اشترى بعد العيد ان شاء الله وكنت عايز عربية اقعد بيها 5 سنوات على الاقل لانى هشتريها زيرو فطبعا مش هقدر ابيعها على طول لانى هكون معرض لخسارة كبيرة فى اعادة البيع

الفكرة انى عايز اقارن بين 3 عربيات من حيث :
الشكل الخارجى - الشكل الداخلى - الوسع - حجم الشنطة - التسارع من 0 الى 100- السرعة القصوى - الثبات - الكماليات - الصيانه وقطع الغيار - اعاده البيع - الابعاد (الطول, العرض , الارتفاع)- ايهما اكثر شبابية - ايهما اكثر اعتمادية - ايهما اكثر برستيج .

ياريت تساعدونى عشان خاطر الايام المفترجة اللى احنا فيها دى وكل سنة وانتم طيبين .

المشاركة الأصلية كتبت بواسطة samehnoshi

الثلاثة عربيات احلى من بعض بصراحة و ليك حق تحتار, انا منبهر بالالنترا الجديدة وشفتها كذا مرة فى المعارض و الشارع و كل ما اشوفها بنبهر بيها اكتر و هى احسنهم شكلا و اكثرهم شبابية لكن مش اكثرهم فخامة.
فى معرض شغلى عدادات الفولى لودد باليل و كانت تحفة و العربية واسعة جدا و اكيد اوسع من الجيتا الحالية و الاوكتافيا و اقلهم استهلاك للبنزين بنظام eco اللى فيها و اللى بينزل فى عربيات تانية بتكلفة اضافية, واقوى ماتور فيهم.

الشكل الخارجى الالنترا
- الشكل الداخلى الالنترا الفولى لودد احلى من الفنتازيا و الجيتا البيز لاين ( بس لو جيتا او فانتازيا هاى لاين يبقى هما احلى)
- الوسع اكيد النتر (مصنفة mid size and not compact) و بيقولو اوسع من الباسات و النيسان مكسيما
- حجم الشنطة فانتازيا اكيد
- التسارع من 0 الى 100 اكيد النترا و تقطع الاتنين التانين و اى عربية 1600 تانية بس مش تربو
- السرعة القصوى معرفش
- الثبات الجيتا ثم الفنتازيا ثم الالنترا
- الكماليات النترا فولى لودد طبعا لو التانين بيز لاين (اما لو هاى لاين يبقى الالنترا اقلهم)
- الصيانه وقطع الغيار اكيد الالنترا و التاريخ يشهد
- اعاده البيع اكيد النترا
- الابعاد الجيتا الجديدة
- ايهما اكثر شبابية الانترا
- ايهما اكثر برستيج الجيتا و الاوكتافيا طبعا و اخرهم الالنترا
- ايهما اكثر اعتمادية الثلاثة عربيات تاريخهم مشرف
فى حاجة مهمة و هى قوة الصاج و دى اكيد فى صالح الاوكتافيا و الجيتا و عيب كبير فى الالنترا اللى كلها سوك
حاجة كمان جودة الخامات و التقفيل الجيتا و الاوكتافيا افضل بس الالنترا الجديدة الفولى لودد حلوة بردة
الامان اكيد جيتا ثم اوكتافيا و اقلهم النترا بالرغم من ان الالنترا واخدة 5 نجوم فى التصادم بس دى اللى برة.
انا رايى تجيب النترا فولى لودد لو بتقارنها بالالمانى البيز لاين و عيش حياتك و استمتع و بعد فترة تبعها و متخسرش كتير و هكذا ... اما لو معاك ثمن الالمانى الهاى لاين (اوكتافيا 208 الف) يبقى خليك فى الالمانى افضل طبعا
__________________

كلمات اتعبت الملائكه فى كتابة الأجر

حقيقى فعلا انت اخ محترم وانا بشكرك على ردك يمكن انا متفق معاك فى حاجات كتير من اللى انت قولتها وكان فى الحقيقة لى تعليق على الشكل الداخلى بيفرق كتير بين البيزلاين والهاين لاين فى الانترا و الجيتا لكن الفانتازيا يمكن لا وده نتيجة ان الفرق بين البيزلاين والهاى لاين كماليات مش كتير داخليا زى
الكاسيت التاتش ، الفرش الجلد بالكامل وده انا نواى اعمله فى اى عربية هشتريها عند جينز كار , فتحة السقف
خارجيا الزينون و الجنط 16 وباركينج سنسور وكنت برده ان شاء الله لو ربنا كتبلى الخير فى الفانتازيا كنت هشترى الجنط ال16 من ارابكوم

انا فى الحقيقة ميال للالنترا عشان الشكل الخارجى والداخلى ولكن ارجع اقول هشترى عربية ب 143 او 155 الف طب ما ازود شوية واركب فانتازيا خاصة انى هاقسط الفرق لانى معايا 123 الف كاش والباقى هيكون قسط فى اى عربية بحد اقصى 170 الف

الواحد لما بيتجوز مش بيكون محتار زى ما بيشترى عربية جديدة ويمكن انا عندى داء نفسى ابطله هو حبى للعربيات ورغبتى دائما فى التغيير عشان كده عايز اركب عربية مرة واحدة وابطل اشترى عربيات تانى قسط

ياريت نصيحتكم لى جميعا يمكن القرار الجماعى دائما بيكون افضل من القرار الفردى وشكرا مقدما