الموضوع: انا خلاص هتجنن ارجوكم محتاج مساعدتكم فانتازيا ولا النترا ولا جيتا

انا طبعا مش حاعيد الكلام اللي اتقال لأن كل اللي سبقوني عملوا تغطيه وافيه للتلاته لكن انا رأيي توكل علي الله و اشتري الفانتازيا..........و سيبك من المهاترات و الجري ورا الموضه .
الموضه بتروح و تيجي لكن الأصل هو اللي بيفضل موجود و يعيش دايما .

شكرا جزيلا يارجالة انا فعلا كنت ميال للالنترا ولكن فكرت من وجهة نظركم ان لما هركب الالنترا هايقابلنى مشاكل ومميزات من ضمن المشاكل اللى انا متوقعها :

• العربية فيها سوك كتير يعنى اى خبطة او تطبيقة مش هعرف اردها على البارد
• العربية العفشة بتاعتها ctba زى السيراتو وبالرغم من وجود عربيات كتير كده يابانى او اوربى لكن مظهرش شكوى من نشفية العفشة زي السيراتو وانا عشان كده متوقع انهم مش هينزلوا الجنط 17 فى الالنترا فى الوكيل وده زكاء منهم عشان يتفادوا شكوى السيراتو .
• الثبات انا متوقع ان الباور الكهرباء بتاع الالنترا مالوش علاقة بالباورالكهرباء فى العربيات الاوربى زى الباسات و الفانتازيا والجيتا و الفلوانس كلهم باور كهرباء بس ماشاء الله على الطريق الدركسيون تحفة .

انا قولت طيب فى مزايا فى المقابل:

• الشكل الداخلى والخارجى وشبابية وواسعة واعاد البيع.

طب بعد مااجيب الالنترا لو فكرت اخد خطوة للامام عشان اركب عربية افضل وتعتبر نقلة هركب ايه اكيد هركب عربية المانى بغض النظر عن بلد المنشأ وتكون مش غالية يعنى مش هفكر اركب بى ام او مرسيدس فكانت الاجابة مفيش غير 3 عربيات الناس فى مصر بتشتريهم باسات و فانتازيا وجيتا وفى الحقيقة انا شايف ان كماليات الفانتازيا البيزلاين تتفوق عليهم مقابل المبلغ المدفوع فى العربية

طيب اركب الفانتازيا وارجع اقول دى شكلها مش شبابى وعواجيزى زى ماكنت بقارن بين النيسان صنى سوبرصالون والالنترا فى 2008 وفى الاخر بعت النيسان عشان شكلها وانها مش مريحة فى القعدة

عشان كده انا متردد يمكن العقل بيقول فانتازيا لكن العين بتقول الالنترا والتفكير ده هو اللى مطير النوم من عينى فى رمضان

كل سنة وانتم طيبين ويارب تساعدونى بوجهات نظر مختلفة جايز فى ناس لها وجهة نظر مختلفة تغير تفكيرى وفى انتظار ردكم

شكرا

المشاركة الأصلية كتبت بواسطة bob12345

باشا لما سالت علي الجيتا الشكل الجديد قال لي هتبتدي من 200 الف للبيز لاين

الجيتا جماركها اقل من جولف 6 عشان كده انا مش متوقع ان يكون سعرها اكثر من 170 الف فى حالة انها 1.6 dsg لكن لو 1.4 tsi dsg فهتكون فعلا فى حدود 190- 200 الف

المشاركة الأصلية كتبت بواسطة m.alaa92

بص يا باشا انا راى الشخصى ابعد عن القسط و غنيلة اولا عشان ربا و ده حرام ( وكمان العربية مش اساسية) ثانيا لو لاقدر الله لاقدر الله لاقدر الله حصل حادثة ( و الله و الله و الله حصلت حادثة عربية اوبترا زيرو صاحبها لسة مستلمها عملت حادثة العربية بقت توتال لوس و هو بيتنقل الاسعاف بيقول مراتى حتجيب قسط العربية منين يا ريتنى م جبتها قسط ) و حضرتك حصلك حاجة بلاااش حضرتك دلوقتى بتشتغل بعد فترة بقى مفيش شغل حتجيب قسطها منين؟؟؟
ثم ان ف الرينج اللى معاك كاش تقدر تجيب عربية كويسة و زيرو فى التيدا و المازدا 3 و الفلوانس و ممكن تجيب الفانتازيا استعمال خفيف و اديك برضو راكب فانتازيا .

الحل التانى انك تستنى لحد م تجيب تمن العربية و تشتريها كاش

و ده راى الشخصى
ارجو انك متزعلش منى
سلامو عليكو

بالعكس كلام حضرتك يحترم بس للاسف انا اصلا شغال فى بنك ......... وحتى فلوسى الكاش من قروض من البنك بتاعى يعنى كده كده مش فارقة
شكرا لردك واهتمامك