مشكلة في نيسان صني محيراني

**engamoor** · 30-08-2011 08:35 PM

السلام عليكم ورحمة الله وبركاته على الجميع
اولا انا اشكر جميع القائمين على هذا المنتدى الاكثر من رائع
وجميع الاخوة الافاضل اعضاء قسم نيسان بالاخص
انا عندي مشكلة اتمنى من الله ان تأخذوها بمحمل الجد وهي انا عندي نيسان صني 2002 خليجي اوتوماتيك انا حاسس ان استهلاك البنزين عالي قوي ممكن 7-9 كيلو في الليتر فهل ده معدل كبير قوي ولا انا ببالغ ثانيا العربية عامكلة كيلوهات كتير 250000 كيلو ممكن تكون دي المشكلة ولا ايه وكمان عندي الميه بتاعت القربة بتنقص كل اسبوع بزودها ياريت حد يقولي اعمل ايه واروح فين او على الاقل ابدا إزاي وشكرا
م/عمرو ياسين

**SAMEH_FOUAD** · 30-08-2011 08:54 PM

لو اللتر بيعمل 9 كيلو يبقى كدة المعدل قريب جدا من الطبيعى , ومالوش علاقة عدد الكيلو مترات فى استهلاك البنزين غير بس فى نظافة البوابة , وحالة البوجيهات , وطريقة اسلوب القيادة

بالنسبة لنقص لمياة القربة هيبقى هتلاقى فية عندك تسريب فى احدى الخراطيم اكشف عليهم كويس

ممن توديها لمتخصص يعملك اختبار كبس لدورة التبريد ويعرف التسريب منين

**SonaSteel** · 31-08-2011 12:13 AM

بالظبط كده .... ماشاء الله عليها 250000 كم كتير وشوف انت عملت امتي اخر صيانة
وشيك علي كل حاجة .... الزيت نفسه وفلتر الهوا والبوجيهات و امتي غسلت الريداتير اخر مرة وبتحطله مية خضرا ولا مية عادية ممكن يكون اتسد مثلا والمية بتسخن وبتتبخر
امسك حاجة حاجة
مثلا
الزيت .... في انواع حديثة دلوقتي زي الكاسترول بيقلل درجة حرارة الماتور ده هايفيدك اووي ويريح الماتور.
فلتر الهوا... لو مغيرتوش لازم يتغير علشان العربية تسحب معاك من اقل دوسة بنزين
البوجيهات ... امتي اتغيرت اخر مرة وشوف لو هاتتنضف ولا تغيرها
الرديداتير ... اغسله واكشف علي دورة المية واغسلوه حلو اوووي وحطله مية خضرا.
القتيس ... شوف الزيت بتاعه برده ومتغيرش من امتي وغيره.
هي حاجات بسيطة ومش مكلفة اوي بس هاتحس بتحسن الاداء
وبالنسبة للاوتو وجوه البلد المعدل 9 لتر ده طبيعي الي حد ما ... الزحمة ملهاش كبير
وشوف برده لو ادائك وسواقتك رياضاية ديه بتسح بنزين وكذلك لو رجلك تقيلة.
وفي انتظار رأي باقي الاعضاء
واقعد بالعافية :))

**engamoor** · 31-08-2011 07:55 PM

ياريت يا جماعة حد يتابع معايا لاني المشكلة دي مضيقاني قوي وبعدين العربية كمان 1300 cc

**SonaSteel** · 31-08-2011 08:47 PM

الكبس او غسيل الريداتير ممكن تعمله في اي محطة بنزين ... وغالبا هاتبقي وطنية
انا شوفت الجهاز هناك.
وانت تقريبا مغير كل حاجة ... وزيت الماتور؟؟
بس لو بتحسب السواقة ديه جوه البلد ميبقاش مقياس علي فكرة
ومتابع معاك ان شاء الله

**engamoor** · 04-09-2011 08:30 PM

ده واحد قلي يا جماعة انه ممكن يكون جوان وش السلندر

**SonaSteel** · 04-09-2011 08:39 PM

شوف الزيت لزوجته كويسه ولونه طبيعي... ولا عامل زي الطحينة كده.... لو طبيعي يبقي مش جوان وحاجه في دورة التبريد
كان في موضوع لسه عامله عضو وفيه مشكله شبه ديه.... تابع معاه.
وفي عضو تانب كان بيقول علي ميكانيكي كويس لو مش عايز تروح التوكيل... ابعتله علي الخاص.. وربنا ييسرلك الخير;))

-

الموضوع: مشكلة في نيسان صني محيراني

LinkBack

أدوات الموضوع

عرض

-

-

-

المواضيع المتشابهه

مشكلة محيراني في شيري a11

مشكلة محيراني ومحتاج مساعدة

مشكلة محيراني ؟؟؟

مشكلة محيراني في الدركسيون

مشكلة محيراني في 128

الكلمات الدلالية لهذا الموضوع

المفضلات

المفضلات

ضوابط المشاركة