الزيت بيقل في عربيتي ايه الهبل ده !!

**party_0000** · 14-09-2011 01:41 AM

السلام عليكم
بركن عربيتي 320-2010 عامله 10 الاف كيلو

وخير اللهم اجعله خير الاقي مديني alarm ان الزيت على ال min وقال ايه لازم ازود لتر زيت!!
وده اسمه ايه يارجاله ده ان شاء الله ؟!!
انا طبعا كنت مسافر ومش هينفع اروح التوكيل اشيل واحط عليهم
حد عنده فكره الهبل ده معناه ايه غير ان المكنه اكلت زيت بالهنا والشفا عليها ؟

**titos_81** · 14-09-2011 02:30 AM

ممكن حضرتك تكون بتقرص جامد على العربيه و ده بيخلى الزيت ينقص او ممكن يكون عندك حاجه بتخر و كمان ممكن نوع الزيت اللى انت حاطه خفيف زى الكاسترول اللى انا بستعمله و برده بينقص معايا كل فتره مع القرص
على الموتوربعكس الموبيل 1 مكنش بيعمل معايا كده شوف حضرتك حاجه من دول ويا رييت تقولنا ايه اللى تم

**zegna** · 14-09-2011 02:33 PM

القرص علي الموتور مالوش علاقة دي مواتير بي ام يعني مصممة عشان تقرص عليها حضرتك لازم تراجع التوكيل لان العربية موديل حديث 2010 فطبعا مش طبيعي انك تزودلها زيت مستحيل حتي لو بتعمل اية في الموتور

**sanhory** · 14-09-2011 02:44 PM

معلومة كل المواتير الاسبورت بتاكل زيت عالهاي ار بي ام , لو قرصك كتير يبقى ده طبيعي

**farahat** · 14-09-2011 03:25 PM

هشام باشا ، إنت لسة برضه قلقان من الموضوع دة ؟!!
مش احنا كنا اتفقنا إن الموضوع بسيط وعادي ، يعني إنت عندك العربية فيها الزيت دة من تاريخ الانتاج يعني من أكتر من 18 شهر ، والطبيعي بتاع الزيت التخليقي يتغير بعد سنة حتى لو ما إستعملتوش عشان الخصائص بتاعته بتتغير وبيفقد اللزوجة وبالتالي سهل يتبخر .
ثانياً الزيت دة هو إلي استخدم أثناء فترة التليين ، ودي طبيعي بيحصل فيها فقد قليل في الزيت نتيجة لأن البساتم مش بتكون لسة محكمة مع الشمايز ، وبالتالي البخر بيكون أكتر في أول كام ألف كيلو .
ثالثاً حضرتك راكن العربية ومش بتستعملها غير في الاجازات لم تنزل مصر ، وبيكون في سفر ، يعني سرعة عالية وحر وصيف ، يعني تبخير زيادة وإستهلاك زيادة للزيت .
رابعاً المؤشر عندك بيقول انها يدوب عند بداية النقص (ذي ما كنا اتكلمنا )، ودة أول واحد من 3 مستويات محتملة للزيت ، يعني هيكون ناقص عندك من نص كيلو إلى كيلو بالكتير ، ودة طبيعي مع الاستهلاك دة والظروف دي إلي عندك دي ، ومش هو دة الطبيعي

والنتيجة إن عشان تحكم صح لازم تكون بتستعملها طبيعي ومن غير الظروف المختلفة دي (فترة طويلة من غير تغيير مع تليين مع سفر ) ، وبعدين تحكم .

تقبل تحياتي

**party_0000** · 15-09-2011 02:15 AM

ياباشا انا مقلقش من حاجه طول مانتا معايا

**farahat** · 15-09-2011 02:52 AM

المشاركة الأصلية كتبت بواسطة party_0000

ياباشا انا مقلقش من حاجه طول مانتا معايا

يا هشام باشا احنا معانا ربنا احنا الاتنين

**yasserelsayad** · 15-09-2011 03:06 AM

المشاركة الأصلية كتبت بواسطة party_0000

السلام عليكم
بركن عربيتي 320-2010 عامله 10 الاف كيلو

وخير اللهم اجعله خير الاقي مديني alarm ان الزيت على ال min وقال ايه لازم ازود لتر زيت!!
وده اسمه ايه يارجاله ده ان شاء الله ؟!!
انا طبعا كنت مسافر ومش هينفع اروح التوكيل اشيل واحط عليهم
حد عنده فكره الهبل ده معناه ايه غير ان المكنه اكلت زيت بالهنا والشفا عليها ؟

متفكرنيش انا انهارده نزلت عشان خارج لقيت بقعة زيت صغيرة تحت العربية طبعا كان هيغمى عليا :(
شوفت فى الـ iDrive كل حاجة تمام ومستوى الزيت عادى مش ناقص بس كلمت التوكيل وهروح بكرا ان شاء الله اشوف ايه الحوار دا بقى.

**Grendizer** · 18-09-2011 07:50 PM

السلام عليكم ياشباب
والله انا كمان عندي نفس المشكلة وعربيتي BMW316ia وروحت التوكيل علشان أزود الزيت بعد 8000 كيلو بس !!!! تخيلو!!!
ولما عملت مشكلة في التوكيل جالي مدير الصيانة وهو انجليزي وقاللي ان الموضوع ده عادي في الBMW
وان كل المواتير الجديدة بتاكل زيت !!!! وقاللي شكلك كده حتيجي تاني عند 16000 كيلو علشان انت سواقتك جامدة !!!!!
طبعاً لازم تبقى سواقتي جامدة , طب ما أنا راكب BMW ولا أنا راكب آيه بالظبط!!!
انا طبعاً استغربت جداً جداً (على فكرة أنا أول مرة أركب BMW) بس كنت راكب قبلها جولف 5 - 2000CC وكانت زي الفل ولا عمري زودت زيت ولا حاجة ولاعمري فتحت الكابوت أصلاً

الحاجة المحزنه بالفعل أنك راكب BMW وهي كانت حلمي أني أمتلك عربية منها بس دلوقتي نزلت في نظري جداً خصوصاً أنك تضطر كل شوية تزود زيت!!!!
آسف للإطالة بس حبيت أشاركم حالتي
shame on you BMW

-

الموضوع: الزيت بيقل في عربيتي ايه الهبل ده !!

LinkBack

أدوات الموضوع

عرض

الزيت بيقل في عربيتي ايه الهبل ده !! - انشر الموضوع فى :

-

-

-

المواضيع المتشابهه

الزيت بيقل ومفيش دخنه ولا تسريب في اوكتافيا a5

العربيه عزمها بيقل لما اغير الزيت

ليه العزم بيقل ؟

الزيت بيقل

تحديث لمشكلة الزيت في عربيتي

الكلمات الدلالية لهذا الموضوع

المفضلات

المفضلات

ضوابط المشاركة