الموضوع: تجربة ولم تتم

ترموستات الكوع الميكانيكى عندى ملغى
ولاننا داخلين على الشتاء والعربية هتحتاج فترة طويلة للتسخين
وكمان التغير فى درجة الحراره وانا ماشي على سرعات وفى وش الهواء او جوه البلد
وده مش حلو للموتور
ومش حلو لاستهلاك البنزين كمان

فقلت اشترى الترموستات واركبه
واشتريته ب 40 جنيه روسي













وبعد ما فكينا عند الميكانيكى
لقينا مقاس الفوهة مختلف بين الكوعه الفاضيه اللى راكبه وبين فتحة الترموستات
ولفيت وملقتشي غير النوع ده
وبالتالى رجع الوضع على قديمه -- من غير ترموستات --

اللى زعلنى بعد ما رجعت البيت انى ليه ما فكرتش وانا عند الميكانيكى
عن امكانية تغيير الخرطايم الكاوتش وبالتالى نركب الترموستات !!!!!!!!!!!

هو كان فى فرق يجى 4 ملى اقل حاجة بسيطه بين فتحة الترموستات والخرطوم
واعتقد القفيز مش ممكن يمنع تسريب المياه مهما ربطنا علية
خصوصا ان الوضع العادى ان تدخل الفتحة فى الخرطوم بالضغط الجامد

عموما
انا رجعتها النهارده وسالته على اى نوع تانى -- وهو بيقول ال لادا لها نوع واحد اللى هو ده

وقلت له نشوف انواع الفيات زى ال132 او 131 و 124
وقال لى كل اللى عنده كوعه فاضيه من غير ترموستات بداخلها