ابدأوا اتعاملوا مع صنايعية وماتخافوش .. بس استنضفوا.

**Egyzizo** · 24-10-2011 10:57 PM

امبارح بليل الزجاج الخلفى يمين علق ، بقى بيفتح بس ، ومش راضى يقفل ، أحاول معاه يمين شمال مافيش فايدة ، طبعاً أنا اتنكدت ، لأن العربية كده هتبات والإزاز مفتوح ولازم أدبر نفسى الصبح أطلع على التوكيل علشان يصلحوه (100 كيلو سفر)، ويا ترى هعمل ايه فى الحجز والذى منه.

دى أول أفكار جات على بالى .. بس شوية كده وقلت مابدهاش أشوف كهربائى هنا ، ورحت فعلاً لكهربائى كويس ، فك المفتاح ودخله الورشة عمل فيه حاجة (تقريباً تنضيف) وركبه والموضوع خلص فى ربع ساعة بـ 10 جنيه ..

ده كان أول تعامل ليا بره التوكيل والحمد لله عدت على خير.

جمدوا قلبكم .. العربية بسيطة

**wael30003** · 24-10-2011 11:00 PM

والله رافوا عليك انا لو مكانك كنت رحت التوكيل انت كده

**wael30003** · 24-10-2011 11:01 PM

ربنا يحفظها لك

**bayoumisoft** · 24-10-2011 11:19 PM

الحاجة دى بسيطة مش محتاجة الوكيل

**Egyzizo** · 25-10-2011 04:29 AM

الحمد لله طلعت بسيطة علشان جات فى المفتاح ، بس لو كانت المشكلة فى المكنة كانت هتبقى مشكلة .. بس بغض النظر عن حجم المشكلة، أنا كنت شايل هم الفك والتركيب ، لأن اللى هيفك علشان يطلع المفتاح، أول مرة يشتغل فى العربية دى ، فهتبقى الدنيا ضلمة بالنسبة له فممكن يكسر سنة بلاستيك واللا حاجة ، أو مايعرفش يركب تانى زى الأصل ، ودى حاجة كانت هتزعلنى جداً ، بس الحمد لله طلع عفريت.

**ahmadmidop** · 25-10-2011 11:18 AM

على فكرة ساعات بيبقى في صنايعية بره ماشاء الله احسن من بعض المتخلفين اللي في التوكيل ..... اناكنت اتعرضت لأن طرمبة البنزييين وقفت خااااالص ... العربية مش هتمشي وانا في دمياط وعشان اروح التوكيل في القاهرة لازم ااقطر العربية بقى هههههه .... كلمت التوكيل اسألو على الطرمبة 600 جندي ولسه هسافر وبتاع .. العربية على فكرة فيات باليو ومش منتشرة فامحدش هيفهم فيها ... هيا لما وقفت ما كنتش اعرف المشكلة فين اصلا جبت ميكانيكي بس ربنا يصلح حااالو طلع معلم اول حاجة شاف الفلتر وضغط البنزين وعرف انها الطرمبة وجاب واحدة وركبها حتى غير الموتور بسسس .. وكان اول مرة يشتغل في العربية دي ... بس بيقولي شبه الالماني .... ودي كانت اول مرة اعمل حاااجة بره التوكيل وكان هيجلي شلل ساعتها من الخوووف هههههههههه ..... يلا الحمدلله

**Abdm** · 25-10-2011 12:23 PM

الحاجة أم الآختراع وأكيد أى واحد هيمر بالتجارب دية والعربية تعطل عند بيتة أو فى أى مكان هيضطر غصب عنة يدور على صنيعى كويس بقدر الآمكان علشان ما يبوظش حاجة ميكانيكى أو كهربائى أو عفشجى والكلام دة بالنسبة لكل العربيات لآن جميع التوكيلات بعيدة حتى لو ساكن فى القاهرة والتوكيل فى القاهرة بردة العربية لما تعطل لو عايز توديها التوكيل ما فيش حل غير أنك تقطرها . فأسهل حل أنك تدور على أى صنيعى جنبك بيفهم ويكون قريب منك . التوكيل بينفع لو العربية مش عطلانة ومركونة فى حتة وممكن تمشى بيها لغاية التوكيل أو فى الصيانات الدورية فقط .الا لو التوكيل كان محترم وبعتلك عربية أنقاذ على حسابة وبردة لو حصل هيكون فى أوقات العمل الرسمية فقط
والله الموفق والمستعان

**aelhossan** · 25-10-2011 12:35 PM

حصلت معايا عشان البنات عندي بيطنططوا علي الزراير اللي ورا
وعملوها في التوكيل ببلاش

**akerima** · 25-10-2011 01:13 PM

المشاركة الأصلية كتبت بواسطة aelhossan

حصلت معايا عشان البنات عندي بيطنططوا علي الزراير اللي ورا
وعملوها في التوكيل ببلاش

انا بس عجبني التوقيع بتاعك فقلت اذيدك من البيت شعر

من اهم عيوب اللوجان اللي بتتكتب دلوقت علي بعض النتديات

العربية كومباكت (اكنها اول عربية يعملوا فيها اختراع الكومباكت دا وبقي عيب)

كالون المفتاح في الباب مش في الاكرة زيها زي ال 128 (مع ان ال 128 مفتاحها في الاكرة انا مش فاهم دا عيب ازاي)

لونها بهتان مش اسود (عشان هي فعلا مش سودا هي فراني غامق ولو بصينا علي الاسود بتاعها حتلاقية اسود من اي حاجة سودا)

علي سقفها اريال (اية التخلف دا هو فية عربية دلوقت علي سقفها اريال دا شيء عجيب)

عفشتها ناعمة قوي ودا جايز -يمكن يخليها مش ثابتة زي عربيات تانية عفشتها ناشفة تكسرلك ضهرك عشان الثبات

ودي كانت بعض العيوب الشائعة في اللوجان

واللي مخلياها فعلا عربية زبالة

الحمد لله الذي هدانا وما كنا لنهتدي لولا ان هدانا الله

**zkralla** · 25-10-2011 01:22 PM

حصلت معايا نفس الحركة
كنت فى مرسى مطروح ودخل رمل من رجلين اولادى جوه الزارير فمبقاش لا يفتح ولا يقفل
رحت لكهربائى فك الزراير الاثنين بتوع الازاز الى ورا ونضفهم وركبهم تانى وخد 20 جنيه وبرضه الموضوع ما اخدش ربع ساعة
المشكلة ان الكلام ده كان الساعه 3 فجرا وكان الكهربائى فاتح

الموضوع: ابدأوا اتعاملوا مع صنايعية وماتخافوش .. بس استنضفوا.

LinkBack

أدوات الموضوع

عرض

ابدأوا اتعاملوا مع صنايعية وماتخافوش .. بس استنضفوا. - انشر الموضوع فى :

-

-

-

-

-

-

المواضيع المتشابهه

صنايعية أوبل في 6 أكتوبر

صنايعية التكييف

احسن صنايعية اوبل في مصر

دليل صنايعية التكيف

الكلمات الدلالية لهذا الموضوع

المفضلات

المفضلات

ضوابط المشاركة