الفرامل والغيار الخامس

**ahmed04** · 25-11-2011 05:03 AM

ازيكو يا جماعه كل سنه وانتم طيبين
انا معايا رينو لوجان 2011
لاحظت فيها
ان الفرامل بحس انها ضعيفه حبتين انا لسه مغير تيل فرامل الفرامل كانت جامده لمدة يومين بعد كده خفت تانى يا ترى ايه الحل اعملها ايه علشان تبفى على الشعره على طول

وبالنسه للغيار الخامس بحس انه بيبطىء العربيه مش بيدى الغيار حقه حاسس ان فيه مشكله وفى ناس قالتلى انه عيب فنى فى العربيه بيتصلح فى التوكيل

والف شكر يا جماعه واسف على الاطاله

**wassim_nasser** · 25-11-2011 10:51 AM

والله يا باشا هى الرينو بشكل عام لها طبع خاص ف السواقة لازم تتعود عليه الاول .. يعنى مثلا الدبرياج ناعم جدا عن باقي العربيات بشكل ملحوظ .. الفرامل مش خفيفة ولا حاجه بس مشوار دواسة الفرامل طويل يعنى تلت المشوار ف الفاضى يعنى عشان توقف العربية لازم تدوس جامد .. وعلي اي حال لو الفرامل مش عاجباك روح التوكيل خليهم يدوها رجلاش وهاتلاقيها فل معاك .. أما موضوع الغيار الخامس فانت مش هاتحس بتأثيرة غير ف 3 حالات :
انك تكون عامل اكتر من 1000 كيلو
انك تدي الغيار بعد سرعة 100 كم/ ساعة
ان الطريق مايكونش مطلع عشان ده بيعمل حمل جامد ع الموتور و بيقلل عدد لفاته

**gebreel** · 25-11-2011 05:04 PM

الفرامل طالما جديدة هتلاقيها لسة بتطبع استنى شوية و لو لسة مش عاجباك خليهم في التوكيل يظبطوهالك

بالنسبة للخامس فمتنقلش عليه بدري علشان عزم العربية ميقلش حمل على الرابع شوية و بعدين هات الخامس هتلاقي الدنيا معاك كويسة ان شاء الله الفكرة كلها انك بتدي الغيار بدري