فانتزيا 2011 حاجة غريبة......ياريت كلو يدخل

**Diaby** · 10-12-2011 11:19 PM

السلام عليكم ورحمة الله وبركاته
انهاردة كنت مسافر مع واحد صاحبى لبورسعيد وهو معاه فانتازيا 2011 مانيوال وكانت فيها حوالى 4 افراد و3 اطفال العربية ما شاء الله زيرو المهم واحنا بعد رشيد بشوية ماشيين 160/170 وعربية نقل قدامنا راح مديلو راح فتحلنا سكة واحنا خلاص بنعدى راح حدف علينا مرة وحدة راح طبعا صحبى دايس فرامل بس مش جامد كان بيهدى مرة واحدة العربية فقد السيطرة عليها بقت زى الرجيحة رايحة جاية تحدف شمال على الجزيرة يجيبها يمين تحدف على العربية النقل يجبها شمال تحدف وفضلت كده شوية عبين ما لمت نفسها وكل ده بيحصل العجلتين الشمال اترفعو بقت ماشية على عجلتين انا كل ده مش مصدق اللى حصل ازاى دي فاناتزيا وتعمل كده لو عربية كورى كانت عملت كده وللطف ربنا بينا لو كان جه على الجزيرة او النقل كانت قلبت بس برضو صاحبى سواق كويس مش جديد وكان بيسوق باسات وبى ام بيقولى اول مرة تحصل معاية كده كنت ادوس فرامل تقف على طول وبالنسبة للى حيقول العربية فيها حاجة العربية زيرو ومش عيب سواق

**eng.m7md.ali** · 10-12-2011 11:45 PM

غريبة جدا
العربية دي حجر وفراملها حلوة جدا
ممكن تكون شوية رمل او زيت على الطريق عملو الحركة دي

**Diaby** · 11-12-2011 12:10 AM

لا يا باشا مكانش في وحتة لو في اومال الايه بي اس وكل انظمة الفرامل دي بتعمل ايه

**eng.m7md.ali** · 11-12-2011 12:34 AM

حضرتك قولت ان صاحبك داس فرامل بس مش جامد
معنى كدة ان ال abs مشتغلش

**inspiron** · 11-12-2011 01:08 AM

طيب تقول إيه علي اللي ماشي بيها في طريق مصر إسماعيلية علي سرعة 200 كم وفجأة تطلعله عربية مقطورة من نقطة عامية.........وضرب فرامل والعربية متهزتش من حارتها مللي واحد يمين أو شمال.

طيب بلاش..نقول إيه علي اللي عمل تيست لنظام التعليق بتاعها بأخد أقسي غرز علي سرعة 160-170 كم والعربية وشها بيتحرك مع ظهرها.وبكامل السيطرة.

طيب بلاااااش...نقول إيه علي اللي ماشي بيها بسرعة 100 الساعة 5 الفجر رايح الجيش و علي ملف صلاح سالم السخيف اللي كلنا عارفينه أمام حديقة الأزهر.وياخد الملف بالسرعة دي وإذا بالعربية والعربيات اللي وراها يعدو علي بقعة زيت علي السرعة دي وتكون النتيجة زحلقة هيونداي إلنترا وتلبس في الرصيف وأيضا زحلقة هوندا سيفيك بعرض الطريق...في حين إن الفانتازيا كملت والـتراكشن كنترول+mpa قام بوظيفته ولا كأن في حاجة حصلت.ولما وقفت للناس أطمئن عليهم كانوا هيتجننوا ليه هي بالذات متزحلقتش.

كل ده من عربيتي الفانتازيا 2010....سيارة تستحق الإحترام....برجاء مراجعة سيارة صديقك

**dado_256** · 11-12-2011 05:21 AM

اكيد فى حاجه غلط او هو داس فرامل جامد وقالك انه مداسش جامد

**yasserelsayad** · 11-12-2011 05:43 AM

لو المانيوال مفيهاش
ebd فا اللى حصل لما داس فرامل وهو بيحاول يفادى النقل اللى رمت عليه العربية ظهرها راح منه

**yasserelsayad** · 11-12-2011 05:58 AM

المشاركة الأصلية كتبت بواسطة inspiron

طيب تقول إيه علي اللي ماشي بيها في طريق مصر إسماعيلية علي سرعة 200 كم وفجأة تطلعله عربية مقطورة من نقطة عامية.........وضرب فرامل والعربية متهزتش من حارتها مللي واحد يمين أو شمال.

طيب بلاش..نقول إيه علي اللي عمل تيست لنظام التعليق بتاعها بأخد أقسي غرز علي سرعة 160-170 كم والعربية وشها بيتحرك مع ظهرها.وبكامل السيطرة.

طيب بلاااااش...نقول إيه علي اللي ماشي بيها بسرعة 100 الساعة 5 الفجر رايح الجيش و علي ملف صلاح سالم السخيف اللي كلنا عارفينه أمام حديقة الأزهر.وياخد الملف بالسرعة دي وإذا بالعربية والعربيات اللي وراها يعدو علي بقعة زيت علي السرعة دي وتكون النتيجة زحلقة هيونداي إلنترا وتلبس في الرصيف وأيضا زحلقة هوندا سيفيك بعرض الطريق...في حين إن الفانتازيا كملت والـتراكشن كنترول+mpa قام بوظيفته ولا كأن في حاجة حصلت.ولما وقفت للناس أطمئن عليهم كانوا هيتجننوا ليه هي بالذات متزحلقتش.

كل ده من عربيتي الفانتازيا 2010....سيارة تستحق الإحترام....برجاء مراجعة سيارة صديقك

هو ايه الـ mpa دا معلش ؟؟؟ وبعدين فى رأى معلش متزعلش منى يعنى السيفيك عامة اثبت من الاوكتافيا واحسن فى المناورة ولو انا enthusiastic driver اكيد هختار السيفيك.
وكمان اعلى فئة فيها ESP ودا مش موجود فى الاوكتافيا الوكيل .. مش عارف بالنسبة للخليجى ايه بقى.

الموضوع: فانتزيا 2011 حاجة غريبة......ياريت كلو يدخل

LinkBack

أدوات الموضوع

عرض

فانتزيا 2011 حاجة غريبة......ياريت كلو يدخل - انشر الموضوع فى :

-

-

-

-

-

المواضيع المتشابهه

اوكتافيا فانتزيا 2011

سؤال لمالكى فانتزيا 2011!

اوكتافيا فانتزيا 2011 للبيع!

فرش جلد لعربيتى فانتزيا 2011

فكره جديده ياريت نبقى مع بعض كلنا و ياريت الكل يدخل

الكلمات الدلالية لهذا الموضوع

المفضلات

المفضلات

ضوابط المشاركة