سؤال لمالكى فانتزيا 2011!

**gental_man** · 23-05-2011 08:06 PM

السلام عليكم
حد ياجماعة بيسمع صوت بعد الغيار لل دى او الار وكذالك بعد ماتشيل رجلك من الفرامل اى صوت غير تغيير صوت الموتور نتيجة الغيار شكرا جزيلا جزاكم الله كل خير

**KHALED AYMAN** · 23-05-2011 08:10 PM

يا ريت شرح اكتر..
صوت زى ايه ؟؟
وبيحصل امتى بالظبط

**gental_man** · 23-05-2011 08:15 PM

متشكر لاهتمام حضرتك انا اما اجى ادى الغيار لل r او d العربية بتزق لورا او بترجع لورا بس العجل مبيتحركش وبسمع صوت زى حكة او تزييقة صوت ملحوظ واما بشيل رجلى من الفرامل بسمع صوت وام افرمل بسمع صوت بس مبسمعوش لما امور العربية على n مع العلم العربية جديدة عاملة لسة 460 كيلو جزاك الله كل خير

**KHALED AYMAN** · 23-05-2011 08:18 PM

طيب عشان ابقى فاهم كويس ..
فى كده مشكلتين
1-لما بتنقل على r بتحس ان العربيه رجعت لورا (وشها بينزل لتحت و ضهرها بيعلى ..صح كده؟؟ )
2-صوت تزييق وانت بتشيل رجلك من على الفرامل ..وفى صوت لما تفرمل (يا ريت توضح الصوت ده اول ما تدوس فرامل ..ولا طول ما انت مفرمل )

**gental_man** · 23-05-2011 08:37 PM

متشكر لاهتمامك
1-تمام زى ماحضرتك قولتك وكذالك لما ادى الغيار لd بحس العربية بتزق لقدام.بعد ماادى الغيار اسمع صوت تزييقة وحكة بس مبسمعوش لما بغير على n
2-لا الصوت عند الفرملة وعند اما اشيل رجلى انما لو حاطط رجلى على الفرامل فترة مفيش صوت. شكرا جزيلا

**KHALED AYMAN** · 23-05-2011 08:42 PM

المشاركة الأصلية كتبت بواسطة gental_man

متشكر لاهتمامك
1-تمام زى ماحضرتك قولتك وكذالك لما ادى الغيار لd بحس العربية بتزق لقدام.بعد ماادى الغيار اسمع صوت تزييقة وحكة بس مبسمعوش لما بغير على n
2-لا الصوت عند الفرملة وعند اما اشيل رجلى انما لو حاطط رجلى على الفرامل فترة مفيش صوت. شكرا جزيلا

العفو يا باشا ..
1-الزقه لادام وورا دى عاديه ..دوس بس انت فرامل كويس و انت بتنقل ..لان الى بيحص انك لما تنقل ..قوه الموتور بتوصل للعجل و فى نفس الوقت انت مفرمل ..فبتحصل الحركه دى ..متقلقش ...
التزييقه دى فى بدايه ما تيجى تطلع ..وانت بتشيل رجلك من على الفرامل(صح ولا انا غلطان؟؟ ) ..دى لان التيل ماسك الطنابير ..وفى نفس الوقت الموتور بيزق الطنبوره او العجله عاوزها تتحرك ...

2-الصوت الصبح بدرى وهى العربيه بارده صح ؟؟

**gental_man** · 23-05-2011 08:52 PM

اة تمام صوت الفرامل والعربية لسة بتسخن الصبح ولسة متحركتش كتير انما لصوت الحكة بعد الغيار بلاحظها عالطول بعد الغيار لو ركزت جامد اما فى الجو هادىء بيبقى واضح زى صوت حديدة حكت فى الارض

**KHALED AYMAN** · 23-05-2011 09:40 PM

بصراحه مسمعتش الصوت ده قبل كده ..
لكن عموما تعشيقه الترس بيكون ليها صوت و ده شىء طبيعى
المهم العربيه فى نقلاتها و مشيها فى حاجه ؟؟
وحط فى اعتبارك كمان ان العربيه لسه جديده ربنا يباركلك فيها ..وملينتش ..فطبيعى تسمع بعض الاصوات
عموما انا هحاول اركز و اسمع الصوت الى بتقول عليه

**gental_man** · 23-05-2011 10:14 PM

متشكر على الرد واهتمامك وربنا يبارلك سلام عليكم

**maj** · 23-05-2011 11:19 PM

افادتوني يا جماعة بحواركم ده ربنا يباركلكم

الموضوع: سؤال لمالكى فانتزيا 2011!

LinkBack

أدوات الموضوع

عرض

-

-

-

-

المواضيع المتشابهه

سؤال لخبراء فانتزيا

فانتزيا 2011 حاجة غريبة......ياريت كلو يدخل

اوكتافيا فانتزيا 2011

اوكتافيا فانتزيا 2011 للبيع!

فرش جلد لعربيتى فانتزيا 2011

الكلمات الدلالية لهذا الموضوع

المفضلات

المفضلات

ضوابط المشاركة