فانتزيا 2011 حاجة غريبة......ياريت كلو يدخل

**Diaby** · 12-12-2011 02:31 PM

المشاركة الأصلية كتبت بواسطة RedBull_30

الاستاذ صاحب الموضوع العدد اللي كان راكب معاكم في العربية اعتقد ان اوزانهم ممكن تكون تقيله بالاضافة ان شنطة العربية اكيد كان فيها حجات كمان تقيلة.
تعرف ان اي صانع سيارات محترمة بيدرس كويس اوي المكان اللي هيحط فيه مكان العجلة الاحتياطية عشان توازن السيارة.
بالاضافة لكل ده العربية محتاجة سوّاق يسوقها و يسيطر عليها .. هي مش بتعمل كل شيء لوحدها

لا يا باشا كانت اوزان خفيفة وبعدين يتهيألى ده ملوش دخل والشنطة كانت فارغة
ياباشا السواق اللى بتتكلم عليه ده مش غشيم وبيسوق من فترة وكان معاه بى ام e39 مرتين وسواقته العادية 180/200 ومحصلش حاجة غير المرة دي

المشاركة الأصلية كتبت بواسطة eng f3lix

حضرتك قولت ان صاحبك داس فرامل بس مش جامد
معنى كدة ان ال abs مشتغلش

مكنش في داعى ان الايه بي اس يشتغل الارض مكنش عليها حاجة وبعدين عربيات كتير من غير ايه بي اس اصلا مش فيها ومشتغلش ومبتعملش كده

المشاركة الأصلية كتبت بواسطة inspiron

طيب تقول إيه علي اللي ماشي بيها في طريق مصر إسماعيلية علي سرعة 200 كم وفجأة تطلعله عربية مقطورة من نقطة عامية.........وضرب فرامل والعربية متهزتش من حارتها مللي واحد يمين أو شمال.

طيب بلاش..نقول إيه علي اللي عمل تيست لنظام التعليق بتاعها بأخد أقسي غرز علي سرعة 160-170 كم والعربية وشها بيتحرك مع ظهرها.وبكامل السيطرة.

طيب بلاااااش...نقول إيه علي اللي ماشي بيها بسرعة 100 الساعة 5 الفجر رايح الجيش و علي ملف صلاح سالم السخيف اللي كلنا عارفينه أمام حديقة الأزهر.وياخد الملف بالسرعة دي وإذا بالعربية والعربيات اللي وراها يعدو علي بقعة زيت علي السرعة دي وتكون النتيجة زحلقة هيونداي إلنترا وتلبس في الرصيف وأيضا زحلقة هوندا سيفيك بعرض الطريق...في حين إن الفانتازيا كملت والـتراكشن كنترول+mpa قام بوظيفته ولا كأن في حاجة حصلت.ولما وقفت للناس أطمئن عليهم كانوا هيتجننوا ليه هي بالذات متزحلقتش.

كل ده من عربيتي الفانتازيا 2010....سيارة تستحق الإحترام....برجاء مراجعة سيارة صديقك

مهو ده اللى اعرفه على العربية دي وكنت هشترى وحدة 2006 من سنة او اتنين وندمت انى مجبتهاش لانى بحبها جدا وده اللى مجننى ازاى عربية زى دي تعمل كده وبنسبة لعربية صاحبى دي والله عربية زيرو لسه هيكون فيها ايه

**inspiron** · 12-12-2011 04:47 PM

المشاركة الأصلية كتبت بواسطة yasserelsayad

لا تعليق على ايه دا رأى وانا حر انت زعلان ليه ؟؟!!!
وبعدين لو مستخصر ترد على السؤال خلاص مفيش مشكلة عادى يعنى

لا تعليق علي اسلوبك بردو

المشاركة الأصلية كتبت بواسطة yasserelsayad

شكرا يا باشا على ردك واقرى الرد اللى انا رديت عليه فى الاول وهتعرف ايه دخل السيفيك

طيب MBA يعنى brake booster .. بس على فكرة كل دا مشتقات من الـ ESP يعنى لو الـ ESP موجود يبقى كل الsystems دى موجودة

وتقريبا الMBA دا بقى موجود فى معظم العربيات الجديدة دلوقتى بس تحت مسميات مختلفة ومش معروف اوى على فكرة يعنى فى السيراتو اسمه BAS ودا اختصار لـ Brake assist system وفى بى ام مثلا اسمه DBC وهوندا اسمه BA تقريبا.

الmba غير bas غير dbc

بعيدا عن ده و ده فخليني اقولك علي العربيات اللي سوقتها في جميع الظروف لفترات في خلال عامين

اوبل فيكترا 98 ، سكودا اوكتافيا 98 ، كيا سيراتو 2009 هاي لاين ، هوندا سيفيك 2008 vti ، بي ام دبليو 523 individual e39 ، سكودا فانتازيا 2010 اول فئة وكيل.

طلع البي ام من الليلة طبعا،.
العربيتين الاعلي ثباتا في كل دول السيفيك والفانتازيا، طيب مين الاعلي في الاتنين من واقع اختبار للعربيتين بعمل مناورات علي سرعة 160 فيما فوق ... الفانتازيا
السيفيك مهما كان باخد الغرزة علي السرعة دي وانا مش مطمن. في حين الفانتازيا باخد نفس الغرزة علي نفس السرعة ولا في الدماغ، وش العربية بتوجه مع ظهرها ، فاهم وصفي ده ؟ و ده بيرجع لخاصية مش موجودة في السيفيك اسمها active steering ممكن تروح علي جوجل حبه تقرا عنها.
ثم خليني اقولك ان الاوكتافيا ملكة الغرز في فئتها علي مستوي السرعات، وممكن الاخ محمد عباس يوضحلك النقطة دي كويس ويحكيلك انا وهو عملنا ايه في شارع الهرم بالعربيتين اوكتافيا a5 وفانتازيا،،،، خيطناه من اوله لاخره.

في النهاية غير مقبول المقارنة بالافضلية في الثبات بين الكوري والياباني مع الالماني.

**ashouhdy** · 12-12-2011 05:12 PM

الراجل داخل عايز توضيح راح كلة اتحمق على عربيتة !!!!!!!

**Kareem.ElAraby** · 12-12-2011 10:28 PM

متابع

**Astra200** · 12-12-2011 11:26 PM

ضغط الأطارات كان كام ؟؟

**Astra200** · 12-12-2011 11:41 PM

ال MBA هو Mechanical breaking assistance و ده بيضاعف ضغطة القدم حتي تبدو قوية للوصول بالفرامل لأقصي قوة ومن ثم يتم تشغيل ال ABS

ال ABS لازم لازم يشتغل لأن الدوسة القوية علي الفرامل حتتسبب في ايقاف العجل عن الدوران ( رغم ان السيارة مازالت مندفعة ) و من ثم يحدث التز حلق -- وقوف العجل عن الدوران يعطي اشعار لل ABS فيقوم بالعمل
(يعني ال ABS مش بيشتغل بس لما يكون في الأرض حاجة تزحلق -- هو ما بيشوفش -- هو بيشتغل لما العجل يقف عن الدوران - وقوف العجل عن الدوران بيفقد فاعلية الفرامل لأان الفرامل أعلي قوة ليها عند الضغطة الأولي علي الديسك -- وكمان نظرية عمل ا لفرامل هي تحويل الطاقة الحركية الي طاقة حرارية -- تمتص عن طريق الديسك وليس عن طريق احتكاك الكاوتش في الأسفلت -- علشان كده الفرامل القوية تستلزم ديسك كبير و مهوي من الداخل ( تحس ان الدسك مفرغ من جوة علشان مساحة المعدن تبقي أكبر مايكون فتعمل كمشع للحرارة -- فكل ما يحصل احتكاك علي الديسك يتم امتصاص طاقة الحركة بفاعلية أقوي - ناهيك عن القدرة في التحكم في المقود والعجل في حالة دوران جزئي

أرجو ان أكون قدرت أوضح يعني ايه MBA و يعني ايه ABS

**Astra200** · 12-12-2011 11:44 PM

ال MBA هو Mechanical breaking assistance و ده بيضاعف ضغطة القدم حتي تبدو قوية للوصول بالفرامل لأقصي قوة ومن ثم يتم تشغيل ال ABS

ال ABS لازم لازم يشتغل لأن الدوسة القوية علي الفرامل حتتسبب في ايقاف العجل عن الدوران ( رغم ان السيارة مازالت مندفعة ) و من ثم يحدث التز حلق -- وقوف العجل عن الدوران يعطي اشعار لل ABS فيقوم بالعمل
(يعني ال ABS مش بيشتغل بس لما يكون في الأرض حاجة تزحلق -- هو ما بيشوفش -- هو بيشتغل لما العجل يقف عن الدوران - وقوف العجل عن الدوران بيفقد فاعلية الفرامل لأان الفرامل أعلي قوة ليها عند الضغطة الأولي علي الديسك -- وكمان نظرية عمل ا لفرامل هي تحويل الطاقة الحركية الي طاقة حرارية -- تمتص عن طريق الديسك وليس عن طريق احتكاك الكاوتش في الأسفلت -- فكل ما يحصل احتكاك علي الديسك يتم امتصاص طاقة الحركة بفاعلية أقوي - ناهيك عن القدرة في التحكم في المقود والعجل في حالة دوران جزئي

أرجو ان أكون قدرت أوضح يعني ايه MBA و يعني ايه ABS

**Mostafa** · 13-12-2011 01:43 AM

المشاركة الأصلية كتبت بواسطة Mahmode

أنا معايا العربية وهيا بسم الله ما شاء الله ثبات و أمان وشد ومفيش الكلام اللي متقال ده خالص. طبعا في الأول والآخر مهما العربية كان فيها أنظمة أمان كل شيئ وارد لأي سبب كان من الشارع ولا من السواق ولا عيب في العربية. بس أنا أنصح صاحب العربية بالكشف عليها. حتى لو جديدة وارد يكون فيها عيب مصنعي ولا قطعة غيار مش مضبوطة. وربنا يحفظنا.

والله يا باشا عندك حق ... راجع كده الموضوع ده و قوللي رأيك

http://www.nilemotors.net/Nile/254471-2012.html

-

-

الموضوع: فانتزيا 2011 حاجة غريبة......ياريت كلو يدخل

LinkBack

أدوات الموضوع

عرض

-

-

-

-

المواضيع المتشابهه

اوكتافيا فانتزيا 2011

سؤال لمالكى فانتزيا 2011!

اوكتافيا فانتزيا 2011 للبيع!

فرش جلد لعربيتى فانتزيا 2011

فكره جديده ياريت نبقى مع بعض كلنا و ياريت الكل يدخل

الكلمات الدلالية لهذا الموضوع

المفضلات

المفضلات

ضوابط المشاركة