سؤال عن فلتر البنزين بتاع الصني؟

**highspeed** · 07-01-2012 10:45 AM

انا لسا شاري صني مستعملة 2007 وعايز اغير فلاتر وسيور وزيوت بس سمعت ان فلتر البنزين مبيتغيرش الا بالطرمبة نفسها!!! هل الكلام ده صح؟ وهل في بديل للموضوع ده علشان متهيألي ان الطرمبة سعرها غالي شوية....؟
افتولي بعد اذنكم احسن انا لسا جديد عندكم وجاي من عند الميجان طاااااازه

**amdd** · 07-01-2012 11:58 AM

انا كمان معايا 2005 وكنت عايز رد لنفس السؤال لانى عايز اغير فلتر البنزين ...
بس فى ناس قالت ارفع الكنبه الخلفية هتلاقى مكان الطلمبة كلها وتحاول تشوف لو الفلتر ينفع يخرج منها ولا الطلمبة متبرشمة لو متبرشمة يبقى لازم نغير الطلمبة كلها للاسف ...
الكلام ده عرفته من حد فى المنتدى بس لسه مجربتوش فعلى ..والله اعلم

**M.Nabeeh** · 07-01-2012 12:48 PM

بلاش تتكلموا في الموضوع ده علشان نفسيتي بتتعب

**Dr'AhmZZong** · 07-01-2012 04:17 PM

بس يا باشا الطرومبة والفلتر اللي فيها بيتغيروا على 200 ألف كيلو ولا حاجة .. 170 ألف لو أنت مطلع عنيها .. متقلقش

**Youssef.Awad** · 11-01-2012 05:16 PM

المشاركة الأصلية كتبت بواسطة highspeed

انا روحت لميكانيكي فكينا الطرمبة وطلعنا الجزء اللي جواه الفلتر ونضفناه ببنزين تحت ضغط شويه عكس الاتجاه وبعدين دخلنا فيه بنزين من جركن عالي وسبناه مع نفسه 2 لتر تقريبا ومش عايز اقولكم انه نزل طين بس الموضوع كان صعب شوية لان الطرمبه حساسه قوي ولو حد فكها بغشم كان ممكن يكسر كلبساتها
ملحوظة: انا عربيتي ماشية 125 الف كيلو

مفيش صور كده ولا اى حاجة ؟
وياريت لو تقولنا التكلفة ومكان الراجل ده فين ومش بعيد تلاقى القسم كله عنده بالدور

**AhmdDomar** · 11-01-2012 06:01 PM

المشاركة الأصلية كتبت بواسطة highspeed

انا روحت لميكانيكي فكينا الطرمبة وطلعنا الجزء اللي جواه الفلتر ونضفناه ببنزين تحت ضغط شويه عكس الاتجاه وبعدين دخلنا فيه بنزين من جركن عالي وسبناه مع نفسه 2 لتر تقريبا ومش عايز اقولكم انه نزل طين بس الموضوع كان صعب شوية لان الطرمبه حساسه قوي ولو حد فكها بغشم كان ممكن يكسر كلبساتها
ملحوظة: انا عربيتي ماشية 125 الف كيلو

هي دي الافتكاسات بتاع الصقور اللي مستنينها ، إعملنا تقرير بقى عن الموضوع الجامد ده