صوت خروشة غريب مع ضغط دواسة البنزين !!

**Amr Axel** · 18-01-2012 10:52 PM

بسم الله الرحمن الرحيم
السلام عليكم و رحمة الله و بركاته

طبعا بعد ازمة البنزين اللي احنا فيها حطيت امبارح من بنزينة شل قدام الميراج اول مرة احط منها بس مش عارف ليه قلقت من البنزين ليكون مش تمام بس كنت مضطر
و مشيت عادي مفيش اي مشاكل حوالي نص ساعة و رجعت ركنت العربية لغاية انهاردة مع العلم اني كنت لسه مغير الزيت لفيسكو و منضف الانجيكشن و فلتر الهوا
و ماشي الفترة اللي فاتت مفيش مشاكل نهائي لغاية انهاردة حصلت حاجة غريبة اوي في العربية

دورت و استنيت كام دقيقة عقبال ما نضفت العربية و جيت بركب دوست بدون ما اقصد دواسة البنزين سمعت صوت خروشة و انا دايس بنزين
شيلت رجلي الصوت راح , دوست تاني سمعت نفس صوت الخروشة , قولت اجرب ادوس دبرياج و ادوس تكة بنزين لقيت مفيش صوت خروشة لما دوست دبرياج و في نفس الوقت سنة بنزين يا حلاوة هي هتقلب بطقم دبرياج و لا ايه ؟؟!!

مش كفاية العربية كانت هتتسرق من يومين
المهم مشيت و العربية سحبها مش عاجبني من بعد 60 العربية بتشد نفسها بالعافية
المهم بعد مشوار قصير ركنت و دوست بنزين صوت الخروشة مش موجود طب الحمد الله قولت لما العربية سخنت الصوت راح و لا ايه !!
العربية هديت و نزلت قيست الزيت و شوفت اللزوجة و لونه اغمق شوية و مفيش مشاكل
قولت ادور و ازود بنزين و الكبوت مفتوح لقيت صوت الموتور خشن ع غير العادة
بقيت عمال اجرب كل حاجة عشان اعرف المصدر ايه مش قادر اوصلها و احترت
راجع البيت الصوت ع التالت و العربية بتسحب بالعافية بعد الـ60
رجعت و ركنت قولت اجرب ادوس سنة بنزين و اشوف الصوت مش موجود برده

مش عارف ايه حكاية الخروشة و السحب اللي ضعف فجأة و احترت هل يكون السبب هو البنزين اللي حاطيته امبارح مغشوش فعلا زي ما توقعت و لا سبب تاني ؟؟؟
فايه رأيكم في الكلام ده ؟؟؟؟

**dr.hazem** · 19-01-2012 12:20 AM

احتمال كبير جدا يكون البنزين اللعين
لان اكتر من حد دلوقتي عمال يشتكي ان السحب فيه مشاكل وخصوصا لو كنت سبت التنكي لحد ما قرب من الآخر يعني ممكن الفلتر اتسد بتاع البنزين

عموما شوف لما هتمون مره كمان هيختلف الوضع ولا هوا هوا

**Amr Axel** · 19-01-2012 12:38 AM

المشاركة الأصلية كتبت بواسطة hm414

احتمال كبير جدا يكون البنزين اللعين
لان اكتر من حد دلوقتي عمال يشتكي ان السحب فيه مشاكل وخصوصا لو كنت سبت التنكي لحد ما قرب من الآخر يعني ممكن الفلتر اتسد بتاع البنزين

عموما شوف لما هتمون مره كمان هيختلف الوضع ولا هوا هوا

انا فعلا شاكك في البنزين لأن الدنيا قبلها كانت الحمد الله كويسة
بس التنك مكنش فاضي كان فيه حوالي 10-15 لتر بنزين 92 من موبيل الميراج و البنزينة ديه نضيفة و بحط دايما منها بس اخر مرة يوم الاتنين اللي فات لما حطيت الريحة مكنتش عجباني
و بحط 92 بالرغم ان التنك مكتوب عليه 90 فيما فوق لكن بطلت احط 90 من بدري لأنه في الفترة الاخيرة بيطير بسرعة و سحب العربية فيه مش تمام
فشكل البنزين كان مغشوش غشة سودا ع دماغتهم بس كنت مضطر احط لأن كان ورايا مشاوير كتيير انهاردة متنفعش من غير العربية

اما نشوف المرة الجاية ان شاء الله لما دول يخلصوا ايه اللي هيحصل و كده كده قريب ان شاء الله المفروض اغير فلتر البنزين
بس هل مثلا فيه اسباب تانية للخروشة ديه بنفس الاعراض ؟؟؟

**dr.hazem** · 19-01-2012 06:13 AM

المشاركة الأصلية كتبت بواسطة axel

انا فعلا شاكك في البنزين لأن الدنيا قبلها كانت الحمد الله كويسة
بس التنك مكنش فاضي كان فيه حوالي 10-15 لتر بنزين 92 من موبيل الميراج و البنزينة ديه نضيفة و بحط دايما منها بس اخر مرة يوم الاتنين اللي فات لما حطيت الريحة مكنتش عجباني
و بحط 92 بالرغم ان التنك مكتوب عليه 90 فيما فوق لكن بطلت احط 90 من بدري لأنه في الفترة الاخيرة بيطير بسرعة و سحب العربية فيه مش تمام
فشكل البنزين كان مغشوش غشة سودا ع دماغتهم بس كنت مضطر احط لأن كان ورايا مشاوير كتيير انهاردة متنفعش من غير العربية

اما نشوف المرة الجاية ان شاء الله لما دول يخلصوا ايه اللي هيحصل و كده كده قريب ان شاء الله المفروض اغير فلتر البنزين
بس هل مثلا فيه اسباب تانية للخروشة ديه بنفس الاعراض ؟؟؟

ممكن للصدفه البحته الشكمان محتاج تربيط والعربية بارده بيبقى يرج ويخروش وان كنت اشك لان انت عندك شكوى من السحب كمان

عموما متقلقش وابقى شوف لما تفول المره الجايه

انا عن نفسي اول مره العربية توصل عند الاي
كنت بعبي دايما على النص او التلت
وعن نفسي غالبا لما تتحل الازمه هغير الفلتر باذن الله

تعرف حد ياعمرو يغيرلي سير الكاتينه ؟؟
عايز اروح لاسلام بس الهرم بعيد قوي عليا
لو في حد حوالينا اروحله واغير لاني خايف يعملها معايا

انا اشتريت السير وناقصني تركيبه بس

سلامي

**Amr Axel** · 19-01-2012 01:06 PM

المشاركة الأصلية كتبت بواسطة hm414

ممكن للصدفه البحته الشكمان محتاج تربيط والعربية بارده بيبقى يرج ويخروش وان كنت اشك لان انت عندك شكوى من السحب كمان

عموما متقلقش وابقى شوف لما تفول المره الجايه

انا عن نفسي اول مره العربية توصل عند الاي
كنت بعبي دايما على النص او التلت
وعن نفسي غالبا لما تتحل الازمه هغير الفلتر باذن الله

تعرف حد ياعمرو يغيرلي سير الكاتينه ؟؟
عايز اروح لاسلام بس الهرم بعيد قوي عليا
لو في حد حوالينا اروحله واغير لاني خايف يعملها معايا

انا اشتريت السير وناقصني تركيبه بس

سلامي

انا كذلك مش بيسيبه ينزل للاخر و هغير الفلتر ان شاء الله بعد الازمة ديه
بالنسبة تغيير السير انا بتعامل مع واحد في المطرية و العائلة كلها بتتعامل معاه من زمان جدااا
هو في شارع نجيب معوض متفرع من شارع المطراوي ورا قسم المطرية القديم
هتدخل شارع نجيب معوض و تمشي لقدام شوية و تسأل ع بشمهندس عصام الميكانيكي
و ده رقمه 0101979302 برده قوله بس من طرف عمرو

**Amr Axel** · 19-01-2012 08:49 PM

المشاركة الأصلية كتبت بواسطة kareemz

ممكن يكون زيت الفتيس عاوز يتغير .. أو بلية الدبرياج تعبانه.

وارد البلية الزيت لسه ملحقش كام شهر و موصلش لـ30 الف حتي

**Amr Axel** · 19-01-2012 08:52 PM

اخر الاعراض من يومين في الساقعة اللي فاتت كانت نسبة مية خفيفة بتنزل من الشكمان مفيش مشاكل و بحط صباع الشكمان مفيهوش سواد
دلوقتي ملاحظ زي بقع زيت في الارض تحت مخرج الشكمان ع الارض مع العلم ان مقياس الزيت مظبوط
و بحط ايدي في الشكمان لقيت سواد زي سواد الفحم :(
شكله البنزين الزفت اللي حطيته قالب الدنيا عندي

-

الموضوع: صوت خروشة غريب مع ضغط دواسة البنزين !!

LinkBack

أدوات الموضوع

عرض

صوت خروشة غريب مع ضغط دواسة البنزين !! - انشر الموضوع فى :

-

-

-

-

-

-

المواضيع المتشابهه

زنة في دواسة البنزين

صوت خروشة ميه فى فتحة التكييف الشمال عند ضغط دواسة البنزين

زنة فى دواسة البنزين

صوت خروشة عند الضغط على البنزين

أين يذهب البنزين فى حالة رفع القدم من على دواسة البنزين ؟

الكلمات الدلالية لهذا الموضوع

المفضلات

المفضلات

ضوابط المشاركة