محتاج مساعده كل شخص معاه اوكتافيا

**mohaakotb** · 11-02-2012 03:36 PM

السلام عليكم

إن شاء الله والدي هيجيب اوكتافيا موديل 2007 عاجباه جدا وهتبقي عمليه معاه بس هو سايبني بقي اشوفلو المواضيع دي واشتريله العربيه وهو مالوش دعوه

ف عندي كام سؤال ليكو كده
1- قبل ما نرسي علي الاكوتافيا كنا بنقارن بينها وبين الكورولا 2008 و السيفيك 2008 هما في نفس الفئه السعريه تقريبا بس رسينا علي الاوكتافيا ف أيه رأيكو اختيار صح ولا ؟
2- قدامي 3 عروض للعربيه .. فيه واحده من قريبنا لونها سيلفر و ماشيه 74 الف كيلو بس فيها عيبين الشنطه مش بتفتح من الريموت و الطارة المالتي مش شغاله خالص بس ميزتها انها بتاعت قريبي فهنبقي ضامنينها جدا احنا اول مره نشتري مستعمل اصلا
في بقي عرضين لقيتهم في موقع كونتاكت كارز .. انا هحط اللينكات ومش عارف مسموح ولا مش مسسموح بس اللي تشوفه الاداره يعني

ف ايه رايكو وانهي عرض احسن ؟؟
3- لو هشتري بتاعت قريبي هينفع اصلح المشكلتين دول ؟ ولو كده هصلحها فين وهتبقي تكلفتهم كام علما بأني لا افقه اي شئ في الالماني .. كان عندنا لانسر و اتسرقت فكنت متعود عليها
4- عموما ايه مشاكل العربيه دي عشان ابقي عامل حسابي وابقي مهيأ نفسي
5- قطع غيارها ايه ظروفها ... هتفرق عن اللانسر 2007 كتير ؟ وهلاقيها في كل حته ؟
6-ايه نظامها في البنزين ؟
7- الوكيل بتاعها ومراكز الخدمه ايه ظروفهم ؟ وهيهتمو بالموديلات القديمه ولا زي توكيلات مابتهتمش ؟
8-الاحسن اشتريها ولا اشتري حاجه زيرو بس طبعا في نفس السعر يعني نيسان صني او رينو سكالاو او اكسنت ار بي

هبقي متشكر ليكو جدا لو رديتو عليا وإن شاء الله اعتبروني زميلكو بقي هنا

**mohaakotb** · 11-02-2012 03:43 PM

http://www.contactcars.com/UsedCars_...p?CarID=720130

http://www.contactcars.com/UsedCars_...p?CarID=719167

دي اللينكات

**rompo10** · 11-02-2012 05:51 PM

الاوكتافيا عربيه ممتازه بس علي حسب كلام الزملاء واجماع الاراء ان فيها عيب فتيس لو ماغيرتش الزيت في معاده والفتيس استيراد من 15 الي 20000 وكمبروسور التكيف بيبوظ بالنسبه للتويوتا الفتيس بتاعها سمعته زفت وممكن تدخل علي قسم التويوتا وتعرف بالنسبه لقطع الغيار a5 غاليه طبعا شويه عن اللانسر انا راي تفكر في السيفك عربيه ماسمعناش عنها اي حاجه وربنا يكرمك

**mohaakotb** · 11-02-2012 06:52 PM

السيفيك واطيه جداااا واحنا بنسافر كتير اماكن قري وبلاد وانت عارف الدنيا هناك عامله ازاي

بالنسبه لموضوع تصليح المشكلتين اللي في العربيه بتاعه الطارة و الريموت معندكش اي حل ؟

**Mahmode** · 11-02-2012 07:43 PM

أنا شايف السكودا اختيار ممتاز أحسن 100 مرة من الكورولا وأحسن 3 مرات من السيفيك :). قطع الغيار أسعارها مش مبالغ فيها يعني مش أغلى من السيفيك مثلا ومتوفرة جدا أصلي وتقليد واستيراد. الفتيس مافيهوش أي مشاكل. لازم بس تغيير زيت الفتيس كل 60 ألف كم. الكومبريسور بتاع التكييف بتاعها سمعته مش كويسه والله أعلم. استهلاك البنزين بتاعها أنا شايفه أكتر من ممتاز. عربية واسعة وفخمة وقوية وشنطتها واسعة. ومراكز الصيانة بتاعتها كتيرة وكويسة. أنا شايف انك تستنضفلك واحدة وفعلا تستاهل الفلوس. وطبعا مافيش حاجة مابتتصلحش. بس معنديش فكرة الحاجات البايظة في عربية قريبك ممكن تكلف كام. بس أنا لو مكانك أشترط على قريبي يصلحهم وتشتريها منه. يا إما تخصم ثمن التصليحات من ثمن العربية. وبالتوفيق

**AhMeD MeTwAlY** · 12-02-2012 12:12 AM

بصراحه انا بفكر في الاوكتافيا a5 او a4 بس خفت ارد في الاول تكون فكرتي غلط
انها فعلا عربيه تستحق قوه واداء وفخامه ووسائل امان كافيه

**charming** · 12-02-2012 05:09 AM

الاوكتافيا عربية محترمة فوق العادة و مشاكلها قليلة جدا بشرط الاهتمام
جميلة و مريحة فى السفر وثبات خيالى على الطريق توكل على الله

**benmatar** · 12-02-2012 12:45 PM

السلام عليكم
طبعا الأوكتافيا تتفوق عن المدرسة الياباني بشكل عام من حيث كفاءة وقوة المحرك، متانة الصاج والهيكل، معملات الأمان والثبات في الدورانات والسرعات العالية، الأرتفاع عن الأرض وقوة وتحمل آلية التعليق مع ملاحظة أنها أنشف شوية من الياباني.
أنصح حضرتك بيها بعد الكشف المتأني والفحص عند خبير، وفعلا كان معايا A5 وطنشت تغيير زيت الفيتيس فاشتريت body valve تمنه 11 ألف جنيه مصري لاغير!!!
وده مش عيب، العيب دايما في المستخدم اللي زي حالاتي، أما لو اشتريت واحدة عاملة كيلو متر قليل أو واثق في صاحبها وإنه عامل الصيانات يبقى مفيش قلق. وموضوع الفيتيس ده موجود في معظم الأوروبي والموديلات الحديثة إنك لازم تغير الزيت بأقصى حد 50-60 ألف كم. ومعايا حاليا بيجو406 فيها نفس الموضوع ولو سألت حد عنده باسات أو ميجان هيقول نفس الكلام.
بصفة عامة هي عربية محترمة وكويسة بشرط الحالة وإنك تلتزم بالصيانات وعند فني متخصص (مش توكيل ومش ميكانيكي عشوائي) وبكده العربية هتديك كفاءة وراحة وبالتالي قطع الغيار تعيش معاك وهتكون أوفر من الكوري وده عن تجارب... وأنصح حضرتك إنك تشتري حاجة عاملة كيلو قليل وفابريقة بالكامل وتكشف عليها حتى لو بتاعت قريبك...... وبالتوفيق

**benmatar** · 12-02-2012 12:56 PM

ونسيت أقول إن موضوع التكييف ده للأسف يتم التشخيص فيه خطأ أغلب الأحيان والكمبريسور يترمي على الفاضي، والكلام ده من متخصصين أوكتافيا زي مابيقول الكتاب الموضوع وما فيه إن حساس درجة الحرارة هو المتهم والمتورط في عدم عمل الكومبريسور... إيه؟؟؟ إزاي؟؟؟
الكتالوج بيقول إن درحة الحرارة لو وصلت إلى 6 درجات مئوية فإن التكييف لا يعمل على وضع التبريد.... ده كلام الكتالوج
وفعلا لو حساس الحرارة بايظ أو مفكوك التكييف مش هيشتغل غير مروحة وعلى فكرة تمنه 300ج، وممكن يكون هو الجاني الحقيقي، أما لو رحت لواحد عشوائي ومعندوش فكرة والخبرة عنده بالمعلومات العامة هيقولك يا بيه ده عيب في الأوكتافيا والجيتا (نفس الموتور والتصميم لحد كبير جدا) ولازم نشتريلك كومبريسور جديد يا باشا أو نشتري ياباني ونلغيلك الكونترول وأي خدمة!!! وطبعا حضرتك هتخش في مغامرات
لازم التأكد الأول من موضوع الحساس ده وارجع للكتالوج والمانيوال، وفعلا حصلت مع ناس والموضوع كلفهم 300ج بس بدل 5000ج تمن كومبريسور أصلي.

**mohaakotb** · 12-02-2012 07:26 PM

طيب انا متشكر جدا ليك بغض النظر اني مش فاهم اوي في موضوع التكييف ... انا تقريبا ماليش اوي في الصيانه والكلام ده .. اللانسر مودتهاش عند ميكانيكيه غير 3 مرات ..مره حادثه و مره تغيير فانوس ودهان و مره شكمان باظ

طيب ايه رأيكو في العربيه الفيكترا دي وانهي احسن ؟

[url=http://www.contactcars.com/UsedCars_Profile.asp?CarID=726285]ContactCars |

الموضوع: محتاج مساعده كل شخص معاه اوكتافيا

LinkBack

أدوات الموضوع

عرض

محتاج مساعده كل شخص معاه اوكتافيا - انشر الموضوع فى :

-

-

-

المواضيع المتشابهه

حد حصل معاه المشكلة دى .محتاج مساعدة بجد

محتاج رأي كل اللي معاه أوبترا ؟؟؟؟ لأني هجيب أتنين

اللى معاه جنط 15 - لو سمحت محتاج مساعده

طلب مساعده من حد معاه كتالوج أوبترا2006 كورى (كود الكاسيت)

محتاج مساعده هجيب ام فورتى مو 91 محتاج مساعده

الكلمات الدلالية لهذا الموضوع

المفضلات

المفضلات

ضوابط المشاركة