محتاج مساعده كل شخص معاه اوكتافيا

**mohaakotb** · 12-02-2012 07:29 PM

ولو قدامي بردو تيريوس 2008 4*4 انهي احسن بردو ؟

**benmatar** · 13-02-2012 09:48 AM

السلام عليكم
أولا وثانيا إنسى التريوس بالكامل..... إيه؟؟؟ إيه الكلام ده؟؟؟؟
بقول لحضرتك إنساها، واسأل على عدم ثباتها على الطريق وعلى مشاكلها الفنية وعلى رداءة خدمة التوكيل وغيره.
ثالثا الأوبل الفيكترا عربية كفاءة ومحترمة وأنا ركبت منها موديل 2007 المانيوال بس لازم تاخد في الحسبان موضوع الصيانات في مراكز الخدمة (مش التوكيل لأنه أسوأ شئ ممكن تتعامل معاه وبرضه اسأل)، وكمان عدد الفنيين المتخصصين في الأوبل قليل جدا عن ورش سكودا المتخصصة في أرجاء مصر المحروسة. وطبعا وبكل بساطة ممكن سيادتك تسأل على قطع غيارها ومتتخضش من الأرقام اللي هتسمعها، إنما هي عربية كويسة. لو رجعت للأوكتافيا اتفرج على كم محلات قطع الغيار واسأل على الأسعار وقارنها بالأوبل علما بأن موديلات أوكتافيا a4 مثلا متشابهة أكثر من 5 سنين وده بيعمل توافر لقطع الغيار أكثر وكذلك الحال مع a5.
وبالنسبة للورش المتخصصة في سكودا منتشرة وتشترك مع فولكس واجن لأنها نفس الجيتا والبورا لحد كبير جداااا.... أطلت عليك وسامحني وارجع وانصحك بالأوكتافيا بعد الاستخارة والفحص والكشف المتأني قبل الشراء

**kok200** · 13-02-2012 01:42 PM

اوكتافيا a5 وانتا مغمض عينك

بس نصيحة من اخ حاول تجيبها الفول اوبشن

عشان تستمع بالرافهية كاملة

ولازم تعمل فحص في التوكيل لو هتشتري من كونتاكت كار لأن التجار والنصابين كتير للأسف

**kok200** · 13-02-2012 01:44 PM

انا قريت الموضوع كلو

بالنسبة لعربية قريبك .. فا ابعد عنها

لأنها بالبلدي الكنترول يونيت بتاعها .. مع السلامة ودة بيدخل من 10 - 15 الف جنية

ياريت تجيب عربية تكون حالتها فوق الفبريكة لان العربية دي كلها حساسات

**benmatar** · 13-02-2012 02:37 PM

كلام سليم 100%

**mohaakotb** · 13-02-2012 04:56 PM

يعني ايه الكونترول اليونيت بايظ ؟ طب ما الاوبشن التاني كله شغال الكوبيتور اللي جنب العدادات و الكاسيت شغال والتكييف شغال اوتوماتيك ؟ هو بس اللي بايظ الطارة و الريموت مبيفتحش الشنطة

**KHALED AYMAN** · 13-02-2012 06:30 PM

مبدئيا اختيار الاوكتافيا صح
لكن
الاسكودا و الاوبل و اى عربيه المانى
لما تشتريها مستعمل لازم تكون العربيه كل حاجه فيها شغاله ...
زرار الازاز نفسه يكون شغال
لان ساعات كتير مشكله هايفه تصليحها بيتكلف كتير
فمن رأيى
يا تخلى قريبك يصلح العربيه الاول ...و تشترى
يا اما تشوف حاجه سليمه 100% و ده احسن شىء
و يفضل عربيه تحت ال 60 الف كم
لو فوق ال 60 الف كم مفيش مشكله بس تاخد معاها فاتوره تغيير زيت الفتيس "فى التوكييييييييييييل"
ولو مش معاه الفاتوره اكشف عليها فى التوكيل و هيبقى متسجل عندهم ان كانت غيرت الزيت او لا ..

**mohaakotb** · 13-02-2012 09:53 PM

اصل عربيه قريبي مغريه بصراحه :) اولا ضامنه و عارف ايه عيوبها و ايه استخدامهم وكل حاجه و ثانيا همشي علي الرخصه بتاعته عادي 3 سنين عشان هو لسه مجدد ومفيم العربيه نائب مجلس شعب بقي :) .. كمان هاخدها منه ب 90 الف مش ب 110 زي ما الناس عارضاها علي النت فهنوفر مبلغ كويس .... موضوع الطارة ده و الريموت مجنني نفسي نفسي حد يكون صلحهم قبل كده ويقولي تجربته وعمل ايه وكده هفضل في الحيرة دي لحد ما حد يرد :)