الموضوع: نظره اولى على رينوا لوجان اوتماتيك بلاك لين "السياره الحلم"

بسم الله الرحمن الرحيم
اللهم صل على محمد وعلى آله وصحبه أجمعين
سبحانك اللهم وبحمدك ، أشهد أن لا إله إلا أنت أستغفرك وأتوب إليك

اولا احب اوضح انى خبرتى فى العربيات ضعيفه وكمان اخر عربيه كانت بيجو 504
تانيا العربيه مسقتهاش اكتر من 40 كيلو فالسه مش لكن انا قولت اجى اصبر الناس بحاجه على
السياره الحلم لحد محد اكتر منى خبره يعمل تقرير محترم

انا الحمد لله سيارتى لوجان اوتماتيك 2012 بلاك لين لونها بترولى

انا سمتها العربيه الحلم مش لانها افضل عربيه فى الدنيا

برغم اى فى راى هى افضل شيء فى الفئه السعربه بتاعتها

لانها جت تحقق احلام كل الناس العجبتهم الوجان او عشاقها مشاء الله والله اكبر

لانها جت تحقق حلم انها اتوماتيك وده كان حلم كل واحد فكر فى العربيه دى وتراجع لانها مانويل مشاء الله والله اكبر

لانها جت تحقق حلم االشباب فى فتيس ستيب ترونك فى حين ان اقل حاجه استيب ترونك فوق 100 الف مشاء الله والله اكبر

لانها جت تحقق حلم عشاق الواجان بمتور يلق بيها وهو ماتور 1600 16 صاب 110 حصان 2 كامه
مشاء الله والله اكبر

اولا اول مركبت العربيه ورحت بيها المرور العربيه مشاء الله عليها سلسه جدا والفتيس سلس لدرجة متحسش بالنقلات لدرجة انى فكرت انها cvvt لكن طبعا لمما ركزت هو عادى لكن نعومته تحسسكشى بالنقل

انا واخوى لحظنا انها تقلى شويه فى طلعتها واول نقله لكن انا سمعت ان كل الاوربى كده وان ده عجبنى العربيه مش بتنطر او تفلت من رجلك وانته طالع لكن بعد النقله التانيه والتالته مشاء الله بتجمع بسرعه


لما طلعت على السريع علشان اروح الوكيل اعمل كود الكاست لقيت باه اكتر حاجه عجبتنى فى العربيه دى مشاء الله العربيه تقيله على الارض وده الفهمنى بعد كده المهندس بتاع التوكيل انه من الماتور الجديد والجير متقلين العربيه ودينها ثبات والعربيه ثباتها محترم جدا جدا

الفرامل جميله طبعا لو كانوا عملوها abs كانت كملت لكن الحمد لله

طبعا التوكيل اتقلب على العربيه لانها اول عربيه اوتماتيك تجلهم ربنا يبارك لي فيها ويحفظها من العين

كله اكد ان العربيه دى بعد الماتور ده والاوتماتيك هتاخد مكانتها لان كده العربيه اتعمل فيها كل حاجه الناس نفسها فيها وده الخلانى اقول عريه السياره الحلم وطبعا انبهره لما سمعه سعرها 79 الف

قولتلهم ربنا يستر والفتيس ميطلعى فى مشكله قالى الفتيس والماتور ده فى الوجا mcv بقاله سنين ومحدش اشتكه منه ومفهوش اى مشكله ربنا يكرم ويفضل كده علطول

اخر حاجه لحظتها هو ان الكبوت معولمه عازل حراره من جوه ولما كنت برخص بصيت لقيت الماتور وراه عازل

وده مخلى العربيه تقريبا ملهاش صوت او صوتها واطى مش زي مبيقوله عالى غير ان مفيش اى حراره


معلشى ده تقرير سريع كده وكل حاجه هتقبلنى او اعرفها هقولها ليكم

طبعا لازم اوضح ليكم انى زي مقولت خبرتى ضعيفه بالعربيات وكمان مركبتش الوجان المانويل قبل كده فمش عارف اقارن صح

محتاج منكم كام نصيحه كده

1- اعمل فرض جلد لارضيه ولا لاه والكرراسى اختار لون ايه محتاج اقترحاتكم ومحدش يعرف حد بتاع فرش حلو فى المنصوره ؟

2- بفكر اشمع العربيه ؟ علشان متجرحشى رايكم اسه وبردك محدش يعرف كار كير كويس فى المنصوره ؟

3- بفكر امن على العربيه ايه رايكم واقترحاتكم ؟

اى نصايح اى اكسسورات اى حاجه عملتوها تحافظوا بيها على العربيه وتحميها بلفونى بيها

بعتذر على عدم وجود صور لكن ان شاء الله فى اقرب وقت هحاول اصور الجير والماتور وارفعه

دعواتكم ليها ربنا يبارك فيها ويحميها

وتحياتى

محمد رسمي