ما رأيكم في seat cordoba 1998

**DirEcT** · 19-02-2012 06:09 PM

السلام عليكم ورحمة الله وبركاته

أخباركم ايه دي

انا هسأل احبابنا بتوع السيات يفيدوني بالمعلومات

ما رأيكم في SEAT CORDOBA 1998

صور ...

فــي انتظاركم يا وحوش

**SYD** · 19-02-2012 07:17 PM

هي طبعا عربية حلوة مفيش كلام
1400 سي سي
واسعة
شنطتها بردو واسعة نوعا ما عن الأبيزا

وفي نفس الوقت قطع غيارها متوفرة وباسعار كويسة

ربنا يوفقك

والله المستعان
،
،

**ehab_mansour** · 19-02-2012 08:51 PM

المشاركة الأصلية كتبت بواسطة mody_benz

السلام عليكم

بصراحة عربية ممتازة بجد معرفتش انها كويسة ومحترمة الا لما ركبتها واشترتها

وانا اشتريت من اسبوعين كدة سيات قرطبه 1997 (نبيتى ميتالك)بس انا عربيتى متسقطلها موتور 1800 انجكشن بدل من 1400 كربراتير

بصراحة عربية فى فئتها جميلة جدا واحسن من غيرها

ثبات
باور ستيرينج
تكييف ( عادى ) مش هقول جامد بس اهو يطرى على الواحد وهوا قاعد فى العربية فى الصيف )
مرايات كهرباء
عفشة كويسة ومحترمة مش مايعة
ازاز كهرباء ( امامى فقط )
واسعة من الكنبة
شنطة كويسة جدا جدا وواسعة برده الا حد ما
اقتصادية فى البنزين لحد ما بس لسه انا بجرب برده بتاخد قد اية فى جوه البلد وعلى الطرق السريعة

قطع غيارها متوفرة لحد ما بشكل كبير

الحرفيين (السراج للسيات والفولكس ) قطع غيار استيراد وكويسة )
الشهابى شارع دمشق
و قطع غيارها متوفرة لحد كبير

بصراحة عربية انا اشترتها حالتها جيدة جدا فعشان كدة ده ممكن من الاسباب اللى خلانى اشكر فيها واحترمها

وإن شاء الله هغسل العربية واصورها واوريلك صورها

ايوه كده عايزين نشوف ناس كتير بتركب كوردوبا عشان ننافس الابيزا هنا بالمنتدي
الف مبروك عليك يا أفندم الكوردوبا الجديدة و كل اللي قلته فيها موجود و اكتر و انا كمان معايا كوردوبا 2002 بصراحة عربية محترمة جدا جدا و شنطتها ما شاء الله واسعه و ممتازة
وعلي فكرة تكييفها ممتاز جدا جدا معايا و اعتقد انه عندك محتاج ضبط بس و شحن هيبقي زي الفل لأن ده اللي عملته فيها بعد ما اشتريتها العام الماضي

ومنتظرين منك تقريرك عن العربية و استهلاكها و حالتها معاك
خلي بالك ان عربيتك 1800 سيسي يعني محرك جبار ما شاء الله لذلك المفروض يكون استهلاكه اعلي من مثيلاتها
وربنا يوفقك لما فيه الخير و يباركلك فيها

و صاحب الموضوع
لو لقيت منها عربية نضيفة اشتريها ولا تتردد وان شاء الله لن تندم و اهم شيء حالتها تكون كويسه عموما

**alzelafy** · 20-02-2012 12:04 AM

توكل على الله عربيه جبارة و 98 كمان يعنى موديل عالى انا بردو بدور على عربيه نظيفه و لو لاقيت منها حاله حلوة هاتها و لا تترد و قطع غيارها فى المتناول الفانوس الخلفى 150 باب الشنطه بالاسبويلر 400 الاكصدام الخلفى 500 و الجزء الامامى ابيزا طبعا و اسعارها معروفه و فى المتناول و مش هتحس العربيه دى و جمالها الا لما تركبها و تاخد عليها

**Mody_Benz** · 20-02-2012 07:00 PM

وعلي فكرة تكييفها ممتاز جدا جدا معايا و اعتقد انه عندك محتاج ضبط بس و شحن هيبقي زي الفل لأن ده اللي عملته فيها بعد ما اشتريتها العام الماضي

يارب يا خويا يطلع كدة فعلا انتا عارف انا شاريها فى الشتاء من اسبوعين معرفش بقه تكييفها اية نظامه

ومنتظرين منك تقريرك عن العربية و استهلاكها و حالتها معاك

ان شاء الله هوريكو صور للعربية باذن الله وحالتها معايا وكل حاجة ان شاء الله

ويارب يديم بينا المحبة والود اكتر يارب

**SYD** · 20-02-2012 08:59 PM

المشاركة الأصلية كتبت بواسطة mody_benz

يارب يا خويا يطلع كدة فعلا انتا عارف انا شاريها فى الشتاء من اسبوعين معرفش بقه تكييفها اية نظامه

ان شاء الله هوريكو صور للعربية باذن الله وحالتها معايا وكل حاجة ان شاء الله

ويارب يديم بينا المحبة والود اكتر يارب

انشاء الله التكييف يطلع كويس بأذن الله
مع العلم ان التكييف بتاعها طالما فبريكة انشاء الله تنتظر منه اداء كويس بس يكون الطابلوه مظبوط
انا عندي الطابلوه مسببلي مشكلة كبيرة اوي مع التكييف وكنت تقريبا كل اسبوعين لازم اروح اظبطه عند بتاع التكييف

في انتظار الصور والتقرير

وربنا يارب يديم المعروف

والله المستعان
،
،

**SYD** · 22-02-2012 01:04 AM

بسم الله ماشاء الله
ربنا يباركلك فيها

هي فعلا عايزة جوز اكصدامات وشبكة وشغل السمكرة وتبقي حاجة تانية خالص

بس خلي بالك من نقطة
الأكصدامات العريضة دي قليلة شوية
حاول تمعجنهم وتمنجهم وماتغيرهمش دلوقتي
هات الهوايات الناقصة قدام وانشاء الله تظبط معاك الوش

وفي انتظار باقي الصور انشاء الله

والله المستعان
،
،

-

-

الموضوع: ما رأيكم في seat cordoba 1998

LinkBack

أدوات الموضوع

عرض

-

-

-

-

-

المواضيع المتشابهه

للبيع seat cordoba 2002

seat cordoba 2009 !!!!

Wanted : Seat Cordoba 2001,2002

Seat Cordoba

seat cordoba or yaris

الكلمات الدلالية لهذا الموضوع

المفضلات

المفضلات

ضوابط المشاركة