الموضوع: ما رأيكم في seat cordoba 1998

فوانيس الشبورة هاتهم من عند فتح الباب الفردة ب 115 الكلام دة من 3 شهور و الحرفيين ب 250 الجوز شارع دمشق فيه اسعار حلوة بردو و فى كام واحد هناك جبت منهم حاجات للموتور عندى كانت اسعارهم حلوة عن الحرفيين

المشاركة الأصلية كتبت بواسطة ehab_mansour

ايوه كده عايزين نشوف ناس كتير بتركب كوردوبا عشان ننافس الابيزا هنا بالمنتدي
الف مبروك عليك يا أفندم الكوردوبا الجديدة و كل اللي قلته فيها موجود و اكتر و انا كمان معايا كوردوبا 2002 بصراحة عربية محترمة جدا جدا و شنطتها ما شاء الله واسعه و ممتازة
وعلي فكرة تكييفها ممتاز جدا جدا معايا و اعتقد انه عندك محتاج ضبط بس و شحن هيبقي زي الفل لأن ده اللي عملته فيها بعد ما اشتريتها العام الماضي

ومنتظرين منك تقريرك عن العربية و استهلاكها و حالتها معاك
خلي بالك ان عربيتك 1800 سيسي يعني محرك جبار ما شاء الله لذلك المفروض يكون استهلاكه اعلي من مثيلاتها
وربنا يوفقك لما فيه الخير و يباركلك فيها

و صاحب الموضوع
لو لقيت منها عربية نضيفة اشتريها ولا تتردد وان شاء الله لن تندم و اهم شيء حالتها تكون كويسه عموما

استاذ ايهاب
احييك على حبك للكودوبا واللى هى اصلا بنت سيات المحترمة
فى الحقيقة انا معايا ابيزا 94 بسم الله ما شاء الله زى الفل.... بس عاوز ارقى لكودوبا 2002 علشان الشنطة وعائلية وحاسس انها شكلا محترمة جدا جدا والأهم انها سيات.........
يا ريت توضح بعض التفاصيل عن خبرتك معاها وقطع الغيار وماتورها وتقرير مصغر لحبى لها وحتى اؤكد رغبتى فى شرائها.... ويا ريت اسعارها
اشكرك مقدما

و يا ريت توضيح موتورها الاوريجنال ايه 1400 و لا 1000 و لو 1400 هل هو اللى بيتسقط فى الابيزا 94 ال 8 صباب

المشاركة الأصلية كتبت بواسطة ehab_mansour

أخي الفاضل ربنا يكرمك علي ثقتك و ان شاء الله هرد عليك رد شافي كافي و بأمانه و مفصل ان شاء الله و لكن بكره الصبح حتي أستطيع ذكر كل شيء يفيدك في الموضوع ده ان شاء الله
بس ياريت لو تقدر تقلي ان هتقدر تدفع لحد كام عند التغيير ان شاء الله

اشكرك على ردك .... وموضوع السعر دة بيتهيألى زى السوق ما بيقول..... بس الأهم انها تكون نمرة واحد ومش متهانة