رجعت البيت متأخر مهلوك و ميت من الشغل و عاوز تنام بس حتى مش عاوز تاكل من التعب :
ولا قيت المدام بتكلمك على الموبايل و بتقولك هات حاجه المدرسة للولاد سندوشات و جبنه و فينو ولبن و خلافة !!!؟
او قابلت واحد صاحبك طلبة معاه رغى على المسا و عمال يفتح فى حوارات معاك و انت عاوز تروح ....
او تلاقى جار على المعاش قافش فيك علشان عاوز يعمل جنينه تحت البيت ولا يركب حنفية ولا و حتى عاوز يكلمك فى مشاكل العمارة ....
ولا لما تلاقى حد من قرايبك كان جنبك و جيلك من اخر الدنيا و طلبت معاه سهر و لازم توصله لمجاهل افريقيا اللى هو ساكن فيها و لما ترجع متلاقيش مكان تركن فية ...
لو قايم متأخر و فتحت الدولاب ملقتش فية حاجه مكوية و جاهزة للخروج ......
لما يجيلك ابنك الصغير و حبكت معاه انك تربطله الجزمه بتاعته و تلاقيه عاقدها 50 عقدة و عاوزة ساعه لما تتفك
لما يشبط فيك و انت نازل علشان توصله المدرسه اللى على بعد 50 متر و يتعمد انه يركب ورا كانك الشوفير بتاع اهله
لما تلاقى واحد لاسعععع لازق عربيه فى عربيتك ومش عارف تطلع و تقعد تجعر على الصبح علشان ينزل يوسعلك ....
لما تلاقى جارك عالصبح فاتحح كبوت عريبته و مطلع مصارين ابوها برة و ييجى يسلم عليك و يشحمك على الصبح و يطلب منك عدة او مساعده علشان مرة قولتله صباح الخير و انت نازل .... عادى الجيران لبعضيها ....
لما تكون الدنيا حلوة معاك و تجيب دسته جاتو و تسيبها على السفرة وترجع تانى يوم تشوف الكرتونه مرمية فى الزباله فاضيه و تقعد تتحسر و انت داخل الشقه ..
لما تخش الحمام و تلاقى هجوم مسلح على الباب علشان العيال مش قادرة تمسك نفسها و لالالالالالالالالاز م تخرج دلوقتى و انت و حظلك يا كملت يا مكملتش ...... و ممكن تتصرف فى الجامع ...
لما تجيلك مكالمه الساعه 3 بليل و تقوم مفزوع و فى الاخر تطلع النمرة غلط .........
لما يكون زميلك فى الشغل مبطلج طول الشهر و عمال يغييب و انت طالع عينك علشان ميخصمش منك مليم و يقولك خليك جدع و شوفلى " عمود " اكمل بيه الشهر ....
لما يحصلك خمسين مناسبة فى الشغل و العيله " فرح – سبوع – نقطه – و تلاقى نفسك ماشى بنقط لغاية اخر الشهر ...
لما تفكر انك تشترى جزمه جديدة و لا حتى بنطلون و ترتب نفسك و بعدين يطلعلك خازوق فى العربية ياخد اللى وراك و اللى قدامك ...... و حتى اللى جنبك
لما يجليلك تليفون و تلاقى ابنك طاير على الترابيزة علشان يجيبهولك و بعدين يقوم واقع منه على الارض خمسين حته ...
لما تكون نازل يوم اجازتك بالانبوبه علشان تغيرها و ماشى متسحب بيها و تلاقى جيرانك اتلموا عليك كل واحد بانبوبته و خدها معاك فى شنطه العربية و اعمل معروف ...........
لما تعيش فى نعيم و محيصلكش اى موقف من المواقف اللى فوق ده ؟؟؟؟؟؟
المفضلات