موتور الاوكتافيا ‏a4‏ يسقط في الفيفوريت

**Ahm662** · 06-03-2012 01:01 PM

السلام عليكم يا جماعة أنا قرفت من الموضوع ده العربية عايزة تعمر تقريبا وبتسخن جامد حتى في الشتاء من شهر ٨ غيرتلها طقم دبرياج تركي ما شاء الله عايز يترمي(دواسة الدبرياج بقت ناشفة جدا عزم العربيةضعف بتجيب ١٠٠بالعافية) فا أنا مش عارف أعمل ايه اخر ما زهقت قولت اغير الماتور كله !!! بواحد ثاني فكرت اغير لنوع ثاني جولف مثلا أو حاجة عفية ثانية تركب بدون مشاكل المشكلة ايه بقي لا يجوز في المرور فاأنا طالب منكم تقولولي أعمل ايه اعمر ولا اسقط موتور اوكتافيا ولا هو ينفع أصلا ماركة ثانية ولا اريح دماغي يا

**Ahm662** · 06-03-2012 01:22 PM

أنا بصراحة مش عايز اغير حاجة في الستوك بتاعها (بس اما ١٢٧ تشد جنب مني وتعديني ده مش يبقي عيب)

**mo7madbakr** · 06-03-2012 03:24 PM

ﺍﻭﻻ ﺍﻧﺎ ﻣﻌﺮﻓﺶ ﺍﺫﺍ ﻛﺎﻥ ﻣﻤﻜﻦ ﺗﺴﻘﻂ ﻣﺎﺗﻮﺭ ﺍﻻ ﻭﻛﺘﺎﻓﻴﺎ ﻋﻠﻲ ﺍﻟﻔﻴﻔﻮﺭﻳﺖ ﻭ ﻻ ﻷ ، ﺑﺲ ﺍﻧﺎ ﺍﻧﺼﺤﻚ ﺑﺘﻐﻴﻴﺮ ﺍﻟﻤﻮﺗﻮﺭ ﻛﻠﻪ ﺍﺣﺴﻦ ﻭ ﺍﻓﻀﻞ
ﻋﻠﺸﺎﻥ ﻛﺪﻩ ﺣﺘﻜﻠﻒ ﻭ ﻛﺪﻩ ﺣﺘﻜﻠﻒ ﻓﻤﻦ ﺭﺃﻳﻲ ﺗﻜﻠﻔﻪ ﻣﺮﻩ ﻭﺍﺣﺪﻩ ﻭ ﺧﻼ ﺹ ﺑﺲ ﺗﺴﺘﺮﻳﺢ ﺑﻌﺪ ﻛﺪﻩ ﺍﻥ ﺷﺎء ﺍﻟﻠﻪ ﻭ ﺗﺒﻘﻲ ﻋﺎﺭﻑ ﺍﻧﻚ ﻋﺎﻣﻞ ﺣﺎﺟﻪ ﺗﺴﺘﺎﻫﻞ ﻓﻠﻮﺳﻚ

ﻭ ﺑﺼﺮﺍﺣﻪ ﻟﻤﺎ 127 ﺗﺸﺪ ﻣﻌﺎﺍﻙ ﻭ ﺗﻌﺪﻳﻴﻚ ، ﻳﺒﻘﻲ ﺍﻛﺒﺮ ﻋﻴﻴﻴﺐ، ﻣﻌﻠﺶ ﺍﻋﺬﺭﻧﻲ

**mezo73** · 06-03-2012 09:26 PM

ممكن تركب الموتور 1400 mpi
ودة نزل في الفليشيا وش اوكتافيا موديل 2001 تقريبا
ومش هاتحتاج اي تعديلات في تركيب الموتور بس لازم يجي الموتور بالضفيرة والكنترول

**Ahm662** · 06-03-2012 09:34 PM

طب ده كاربراتير و بيمشي ببنزين٨٠ ولا ايه وسعره كام بعد اذنك و التسارع بتاعه حلو ولا ايه

**Ahm662** · 06-03-2012 09:38 PM

المشاركة الأصلية كتبت بواسطة mo7madbakr

ﺍﻭﻻ ﺍﻧﺎ ﻣﻌﺮﻓﺶ ﺍﺫﺍ ﻛﺎﻥ ﻣﻤﻜﻦ ﺗﺴﻘﻂ ﻣﺎﺗﻮﺭ ﺍﻻ ﻭﻛﺘﺎﻓﻴﺎ ﻋﻠﻲ ﺍﻟﻔﻴﻔﻮﺭﻳﺖ ﻭ ﻻ ﻷ ، ﺑﺲ ﺍﻧﺎ ﺍﻧﺼﺤﻚ ﺑﺘﻐﻴﻴﺮ ﺍﻟﻤﻮﺗﻮﺭ ﻛﻠﻪ ﺍﺣﺴﻦ ﻭ ﺍﻓﻀﻞ
ﻋﻠﺸﺎﻥ ﻛﺪﻩ ﺣﺘﻜﻠﻒ ﻭ ﻛﺪﻩ ﺣﺘﻜﻠﻒ ﻓﻤﻦ ﺭﺃﻳﻲ ﺗﻜﻠﻔﻪ ﻣﺮﻩ ﻭﺍﺣﺪﻩ ﻭ ﺧﻼ ﺹ ﺑﺲ ﺗﺴﺘﺮﻳﺢ ﺑﻌﺪ ﻛﺪﻩ ﺍﻥ ﺷﺎء ﺍﻟﻠﻪ ﻭ ﺗﺒﻘﻲ ﻋﺎﺭﻑ ﺍﻧﻚ ﻋﺎﻣﻞ ﺣﺎﺟﻪ ﺗﺴﺘﺎﻫﻞ ﻓﻠﻮﺳﻚ

ﻭ ﺑﺼﺮﺍﺣﻪ ﻟﻤﺎ 127 ﺗﺸﺪ ﻣﻌﺎﺍﻙ ﻭ ﺗﻌﺪﻳﻴﻚ ، ﻳﺒﻘﻲ ﺍﻛﺒﺮ ﻋﻴﻴﻴﺐ، ﻣﻌﻠﺶ ﺍﻋﺬﺭﻧﻲ

مش كده برضه اصلها حاجة تجنن يعني ٩٥٠سي سي تعدي ١٢٠٠ واسكودا كمان

**mezo73** · 06-03-2012 09:59 PM

المشاركة الأصلية كتبت بواسطة ahm662

طب ده كاربراتير و بيمشي ببنزين٨٠ ولا ايه وسعره كام بعد اذنك و التسارع بتاعه حلو ولا ايه

لا طبعا مافيش حاجة اسمها 80 للاسكودا
انا كا معايا الفيفوريت من 10 سنين وغلطت مرة وحطيط فيها 80 والعربية بقيت مابتسحبش والموتور بيسك
بالنسبة الموتور دة انا معرفش سعرة بس 80 لاء وطبعا هو موتور قوي وتسارعة ممتاز وهو انجكشن
وبالمناسبة الفيفوريت بتاعتي كانت بتجيب 140 ومافيش مشكلة كنت شاريها فابريكة وماشية 40 الف وبعتها فبريكا وماشيا 100 الف ومن العربيات اللي اشتريتها وكانت تقريبا ما بصرفش عليها غير البنزين والزيت وطقم الكهرباء وعمرها ما اشتكت ولا سخنية ولا اي مشكلة غير ان فرامل الفيفوريت طبيعي ضعيفة شويتين وانا عارف سبب الضعف دة و وعلاجة

**sakr_skoda** · 06-03-2012 10:20 PM

المشاركة الأصلية كتبت بواسطة mezo73

لا طبعا مافيش حاجة اسمها 80 للاسكودا
انا كا معايا الفيفوريت من 10 سنين وغلطت مرة وحطيط فيها 80 والعربية بقيت مابتسحبش والموتور بيسك
بالنسبة الموتور دة انا معرفش سعرة بس 80 لاء وطبعا هو موتور قوي وتسارعة ممتاز وهو انجكشن
وبالمناسبة الفيفوريت بتاعتي كانت بتجيب 140 ومافيش مشكلة كنت شاريها فابريكة وماشية 40 الف وبعتها فبريكا وماشيا 100 الف ومن العربيات اللي اشتريتها وكانت تقريبا ما بصرفش عليها غير البنزين والزيت وطقم الكهرباء وعمرها ما اشتكت ولا سخنية ولا اي مشكلة غير ان فرامل الفيفوريت طبيعي ضعيفة شويتين وانا عارف سبب الضعف دة و وعلاجة

ياريت يابرنس تقولنا حل مشكلة الفرامل لو سمحت*

وماله بنزين 80 للفيفورت مهى معايا وعمرى ما حطيط الا بنزين 80 وماشية عال العال والحمد الله وباجيب بيها 140 وزيادة والار ام يدوبك على 3000 والحمد الله بمشى مشاوير فى طرق واعرة والسخونية الحمد الله حليناها انو احنا غيرنا الريداتير النحاس باللمونيوم الصينى ونسينا حاجة اسمها سخونية الشر برا وبعيد....

اما بالنسبة للاخ صاحب الموضوع ممكن تدور فى بور سعيد على موتور 1600 سى سى فليشا ولون دا نادر جدا ولو ملقتش سقط موتور فليشيا 1300 سى سى كاربراتير ودا حيوفر عليك كتير كتير ....

**benmatar** · 07-03-2012 10:32 AM

السلام عليكم
نصيحة لحضرتك خليك في المضمون والسهل والمنتشر والشائع والدارج ............ إلى آخــــــــره
يعني إيه الكلام ده؟؟؟؟
أنصح حضرتك بتركيب موتور كامل بالفيتيس استيراد حالة جيدة وعلى التجربة، ميكونش هيغلبك ويتعبك في قطع الغيار والصيانات ...... إزاي؟؟؟؟؟
يعني مثلا ممكن تلاقي موتور سكودا فيليشيا استيراد 1600 حقن الكتروني، طبعا الله أكبر عليه عنيف بس...... مش هتلاقي قطع غياره وأجزاؤه عشان كل الفيليشيا اللي نزلت مصر 1300 كربريتور أو انجكشن. وكمان سمعت إن تركيب موتور أوكتافيا بس مش a4 وإنما الشكل القديم محتمل، بس هتعمل تغيير في قواعد الموتور والفيتيس وتغيير لكل الفرامل من طنابير وديسكات وتغير علبة الدركسيون العادية لباور والدنيا هتبقى مزنوقة ودوخة والصيانات هتتعبك وطبعا هتجنن الميكانيكي عشان حوض الفيفوريت غير الأوكتافيا تماما. أما من ناحية المرور والترخيص مينفعش تركب موتور ماركة مكان ماركة تانية يعني ماينفعش أجيب موتور أوبل مكان موتور سكودا، المهم يكون موتور سكودا مش مشكلة حتى لو فانتازيا (من الناحية المرورية والقانونية).
أنصح حضرتك عشان تشتري دماغك وتريح جيبك وبالك إنك تتوكل على الله وتشتري موتور كامل بضفيرته وتغذيته واكسسواراته سكودا فيليشيا كربريتور أو انجكشن 1300، وقطع غياره متوفره ومنتشرة واسعارها عادية تماما وبدون أي تعقيدات ومناورات ووجع قلب، سعره يبدأ من 3000-4000ج.م كامل بمشتملاته، واحتمال تستغرب لو عرفت إن العادي ممكن يكون أغلى من الانجكشن بحوالي 500ج.م عشان بيمشي ببنزين 80 وأجزاؤه منتشره ورخيصة، ولما ربنا يكرمك بالموتور هتشتري سيور وزيوت وفلاتر وقواعد موتور وقواعد فيتيس وطقم دبرياج ساكس ألماني جديد وتركبه بدون تعديلات خلال يوم كامل عند فني سكودا محترم، واتفرج على عودة الوحش الكاسر للشوارع المصرية. وبالتوفيق