الموضوع: لمض h3 نايت بريكر بتوع الشبوره موجوده دلوقتي

عاملين ايه يا رجاله ....
بالصدفه النهارده كنت معدي في شارع دمشق فقلت اسئل على h3 اوسرام نايت بريكر بلس للشبوره ... ولقيتهم موجودين في ( المدينه ) وسعرهم 90 جنيه للاثنين والتركيب 10 جنيه فركبتهم وطبعا لازم ابلغكم علشان كانو مش موجودين من مده وكان في ناس بيسئلوا عليهم وكمان موجود عندو h11 الشبوره المدوره بتوع الاكصدام القديم بس سعرهم غالي حوالي 185 جنيه الطقم وطبعا h4 بتوع الفانوس الكبير للشكل الجديد بنفس سعرهم القديم 125 جنيه , وكمان للي مركب النايت بريكر بلس فيه لمض السهاري الي في الفانوس الكبير نفس الموديل نايت بريكر بلس وبتدي نفس لون الاضاءه - علشان لما بتولع النور بتحس ان اللمبتين الصغيرين دول لونهم اصفر جامد ومختلف عن باقي الفانوس - ودول سعرهم 20 جنيه للطقم بس ما كانوش متوفرين النهارده وممكن يتواجدو على اخر الاسبوع .
الملاحظات :
- اللمض الفابريكه كانت برضو ماركه اوسرام بس موديل مختلف و لونها اصفر عادي مش نايت بريكر وصاحب المحل وراني زيهم بسعر 12 جنيه للمبه , مع اني لوفاكر صح ال h4 الفابريكه كانو فيلبس .
-لازم تتاكد ان اللمبه ركبت في مكانها مظبوط وان الغطا الجلد الي ورا اللمبه راكب كويس في مكانه علشان ما يدخلش تراب او ميه جوه الفانوس وخصوصا ان تركيبها من ورا الاكصدام يعني لازم ينزل تحت العربيه في مكان انت مش هتشوفه .. ممكن تحاول تمد ايدك وتتاكد او لو فيه فرصه ترفع العربيه للغسيل مثلا وتبص عليهم براحتك .
- نيجي باه للمهم الفرق في الاضاءه ......
انا للاسف مش هاقدر احكم عليهم تمام لاني كنت جوه البلد في شوارع كلها منوره.. هوه اكيد في تحسن بس مش بنفس القدر الي لاحظته بعد ما ركبت ال h4 ... وحاجه تانيه لو حد جاي في المقابل وانا مولع الشبوره بس - زي عادتي - النهارده لقيت كذا واحد بينورلي جامد ومدايق من النور وده ما كانش بيحصل الاول .........
فاكيد في تحسن
هيه دي كل التجربه وياريت تفيد اي حد
وااسف على الاطاله