لمض h3 نايت بريكر بتوع الشبوره موجوده دلوقتي

**Hegazio** · 20-03-2012 11:47 AM

بصراحة بصراحة .. ركبتهم مرتين قبل كده في عربيتين
الاضائة الزايدة مش اكتر من 10-20 % و اللون الأبيض مش البياض اللي هو ( مقارنة باللي كان فالعربيتين!) الخدعة هو إنه بيقارن بلمبات متواضعة - رغم ان اغلب العربيات الجيدة لمباتها جيدة

يعني ولا مؤاخذة كتاوت و 100 وات برقبة ال 55 وات نايت بريكر
و طبعا لو وصلت متين تلتمية جنيه - - ركب زينون بقي !!!!!

**Sehsss** · 20-03-2012 04:08 PM

ألف شكر يا باشا، وأنا داخل على سنة مركب نايت بريكر في الفوانيس وبصراحة روعة، وإن شاء الله هاروح أركب الشبورة قريب

**SonaSteel** · 20-03-2012 09:35 PM

الف الف مبارك علي الاوسرام يا تامر .......... بيلعبوا في دماغي بقالهم فترة
مش عارف اجيبهم بقي ولا استني الحفلة اللي جاية علشان تفاجئوني بالفوانيس اللي قدام هاهاهاهاها
بارك الله فيكم والله
بحبك في الله يا تامر والله
هو مين اللي ركبهم عنده ؟ ....... ولا انت ركبتهم عندك ؟
بس ياريت يكون مفعولهم اقوي
انا عندي بولع العالي ومحدش بيعبرني
عايز اركب الاقوي علشان اغلس علي خلق الله ...... اللي بيغلسوا عليا يعني :))
ربنا يباركلك فيها يارب ويرزقك خيرها ويكفيك شرها يارب :)

المشاركة الأصلية كتبت بواسطة midorody

مبروك يا باشا ,,,, انا أسمع انهم
كويسين
لو فى اى حد يوصفلى الطريق للمدينة شارع دمشق من عند الحاج احمد مشعل لهناك ....
وعذرا اخوكم من كفر الشيخ ومش عارف الشوارع قد كدة

وشكرا
د/ محمد شوقى

د/ محمد ....... ازاي حضرتك :))
بص صلي علي النبي عليه الصلاة والسلام
انت تخرج من شارع الحاج احمد (شارع الطيران اللي فيه بنزينه شيل) ....... تفضل ماشي علي طوووول هاتعدي اول صينية وتكمل لغاية ميدان رابعه ...... هتلاقي مسجد رابعه علي يمينك تعدي الاشارة وتكمل علي طول لا يمين ولا شمال
هتلاقي شريط ترام تعدي من عليه وبعديه ب100 م هتلاقي نفق علي الشمال ..... انزل النفق
واممشي معاه هتلاقي فتحتين ... خش اليمين ... واول ما تخلص النفق خد اول يمين برده
علي طوووول لغاية تقاطع الاشارة ....... خش يمين هتلاقي الشارع بيلف معاك شمال (الخليفة المأمون)
تفضل ماشي علي طول هتلاقي اشارة عديها برده ...... تكمل شويه هتلاقي اشارة روكسي
من هناك اسال اقرب شارع للدمشق ....... انت وصلت خلاص تقريبا كده
بس انا بخرم معرفش اسماء الشوارع ايه بالظبط
وده تليفوني
01119609399
انت شوف هاتنزل امتي واستأذنك تبلغني وانزل معاك ان شاء الله
لو بعد الساعه 5 اي يوم ...... او الجمعه اي وقت ان شاء الله
واقعد بالعافية :))

**Youssef.Awad** · 20-03-2012 11:09 PM

مبرووووووووووووووووك يا تامر
انا جبتهم وركبتهم قبل سفرى فى يناير اللى فات
ولما روحت اركبهم عند كهربائى برة لقيته مستغرب اوى انى هاغيرهم لما لقاهم شغالين !!!
ورأيى ان الفرق مش ملحوظ اوى الا لو الفوانيس مغبشة او بتستعمل النور كتير وبتسوق كتير باليل
تقريبا كده رجعوا لاضاءة الزيرو تانى
على فكرة انا دلوقت مركب فوق وتحت نايت برايكر