اوبل كورسا 2012 vs نيسان تيدا 2012

**ahmedhossien** · 06-04-2012 02:34 AM

استفسار من اهل الخبره فى عالم السيارت ارجوا الافاده فى المقارنه بين
اوبل كورسا 2012 و نيسان تيدا 2012
وياريت تكون المقارنه كامله من كل الجوانب وشكرا مقدما للمشاركه

**Hossam_hassan4** · 06-04-2012 03:45 AM

انا بقول تيدا احسن توكيل و قطع غيار و انتشار و اعاده بيع ووسائل امان كويسه و عفشه ناعمه بس السحب و الثبات و الاداء في صالح الاوبل و كمان التيدا شكلها اتغير بس لسه منزلش مصر و لو مش فارق معاك اوي الموتور و السرعه فكر في بونتو عربيه ممتازه

**S O P H O S** · 06-04-2012 03:58 AM

التيدا عملية اكتر من ناحية قطع الغيار والانتشار الخ
لكن الاوبل افضل فالباقي زي الثبات الخ
افضل الاوبل لكن العيب التوكيل
توكيل نيسان افضــــــــــــــــــــــ ـل بكثير

**Sehsss** · 06-04-2012 11:35 AM

فعلا زي ما قال الشباب، التيدا عملية أكثر وقطع غيار أقل وتوكيل محترم جدا، الكورسا ممتااااازة بس قطع غيار ناااااار وتوكيل سيء جدا (منصور) لكن طبعا فخامة وأداء ممتازين

**bayantt** · 06-04-2012 12:06 PM

بص انا بقالي في المقارنة دي شهر تقريبا
مشكلة الكورسا الوحيدة لو قارنتها با عربية سوبر ميني في مصر (ايفو،تيدا،بولو،فورد فوكس) هي عدم الانتشار مما يضعك تحت رحمة التوكيل وفي واحد علي قسم اوبل بيقول ان قطع الغيار فيها حاجات مش موجودة فالتوكيل
غير كده العربية تتفوق بجدارة

**melagouze** · 06-04-2012 02:03 PM

الكورسا بدأت تبيع

**Dawns_Mist** · 06-04-2012 05:12 PM

أنا ماجربتش الكورسا الجديدة بنفسي ... بالتالي هقيم حسب الريفيوهات بالنسبة للكورسا لكن التيدا أنا عارفها كويس.

التسارع .. تيدا
الثبات .. كورسا
كماليات .. كورسا
خامات و تقفيل و عزل .. كورسا
اتساع داخلي .. تيدا
قطع غيار .. تيدا
توكيل .. تيدا
صاج و متانة .. كورسا

* رأيي الشخصي : لو عايز عربية عائلية اعتمادية و مش فاضي تروح التوكيل كتير و تلاقي قطع الغيار بسهولة بره و بتحب الطلعة القوية ... تيدا
لو عايز عربية مميزة و أمان و تقعد جواها ملك بكماليات و أوبشنز و راحة ، لكن لازم تواظب مع التوكيل ... يبقى كورسا

**KHALED AYMAN** · 06-04-2012 05:18 PM

كل حاجه الكورسا تتفوق فيها ما عدا
قطع الغيار ..سعرا و توافرا ..
موتور 1400 لكن عصبى جدا و العربيه بتجرى
بس لاحظ انها اضيق من التيدا لان اصلا حجمها اصغر