اوبل كورسا 2012 vs نيسان تيدا 2012

**mody3on** · 06-04-2012 05:43 PM

المشاركة الأصلية كتبت بواسطة mohaismail

فورد فيستا افضل من الاتنين وتوكيلها كويس ولو حاصر اختياراتك بين كورسا وتيدا فقط يبقى كسيارة وتوكيل هات تيدا

+1 الفييستا احسن من الاتنين .. انجح عربية في بريطانيا وواحدة جوايز بالهبل

المشاركة الأصلية كتبت بواسطة bayantt

بص انا بقالي في المقارنة دي شهر تقريبا
مشكلة الكورسا الوحيدة لو قارنتها با عربية سوبر ميني في مصر (فورد فوكس)

تقصد الفييستا صح ؟

**melagouze** · 06-04-2012 05:52 PM

الاعضاء مش هيتفقوا علي العربيتين لان كل واحده منهم فيها مميزات واضحه و عيوب واضحه

بس ما تشغليش بالك بقطع الغيار مع عربيه هتقعد معاكي ان شاء الله 3 سنين من غير مشاكل....ساعتها اما منصور يكون عدل من نفسه او توكيل اوبل اتغير......و لكن الاحساس انك جايبه عربيه زيرو ودافعه فيها دم قلبك علشان يتقال راكبه عربيه أخر موديل و بعد سنه مثلا شكلها يتغير ....يبقي حرام عليكي ( انا بتكلم من منطق السيدات).... الكورسا لايقه علي سيده او بنت ...اكثر من تيدا...... و العربيه بتبيع كويس دلوقت ( من بق اصحابي في التوكيل)......و ما تحكميش علي انتشارها دلوقت لان منصور ما كانش بيبيع منها في 2011 لاسباب الثوره و لانه ما كانش بيجيب عربيات في الاستوك......انا لو منك توكللي علي الله و هاتي الكورسا هي ألماني بتقفيل اسباني (أظن التيدا ياباني بتقفيل مكسيكي).....و لو بتسافري كتير يبقي اكيد الكورسا

**Amrgamal1** · 06-04-2012 06:01 PM

الكورسا الجديده ماشاء الله تحفه
وطبعا الماني والالماني مميزاته كتير واهما خامه العربيه تحس انك راكب عربيه محترمه كدا
مش عربيه بلاستيك
التيدا ماعرفش عنها حاجه اوي
بس في الاخر شوف اللي هتريحك وهاتها

**bayantt** · 06-04-2012 08:52 PM

المشاركة الأصلية كتبت بواسطة mody3on

+1 الفييستا احسن من الاتنين .. انجح عربية في بريطانيا وواحدة جوايز بالهبل

تقصد الفييستا صح ؟

قصدي الفيستا

**Dr'AhmZZong** · 07-04-2012 12:14 AM

المشاركة الأصلية كتبت بواسطة sehsss

فعلا زي ما قال الشباب، التيدا عملية أكثر وقطع غيار أقل وتوكيل محترم جدا، الكورسا ممتااااازة بس قطع غيار ناااااار وتوكيل سيء جدا (منصور) لكن طبعا فخامة وأداء ممتازين

المشاركة الأصلية كتبت بواسطة dawns_mist

أنا ماجربتش الكورسا الجديدة بنفسي ... بالتالي هقيم حسب الريفيوهات بالنسبة للكورسا لكن التيدا أنا عارفها كويس.

التسارع .. تيدا
الثبات .. كورسا
كماليات .. كورسا
خامات و تقفيل و عزل .. كورسا
اتساع داخلي .. تيدا
قطع غيار .. تيدا
توكيل .. تيدا
صاج و متانة .. كورسا

* رأيي الشخصي : لو عايز عربية عائلية اعتمادية و مش فاضي تروح التوكيل كتير و تلاقي قطع الغيار بسهولة بره و بتحب الطلعة القوية ... تيدا
لو عايز عربية مميزة و أمان و تقعد جواها ملك بكماليات و أوبشنز و راحة ، لكن لازم تواظب مع التوكيل ... يبقى كورسا

+111111111111111111111