جولف 2 سيات ابيزا لانشيا ديدرا سيتروين زد اكس

**bondokdar** · 19-04-2011 02:12 AM

ده مش من كل فيلم اغنيه و لا حاجه دى عربيات فكرت اشتريها و كل ما انوى على واحده الاقى كلام يرشح و يأيد و كلام تانى يعارض كل عربيه فيهم اكيد ليها مميزات و عيوب و اكيد هنا فيه من الناس الخبره و اللى تعرف معلومات عن العربيات دى اللى مش هيبخل علينا بالمشاركه دى كلها مش عربيات سوق او عربيات بياعه يعنى زى الاكسيل و الفليشيا مثلا بس دى عربيات بجد حلوه يا ريت نفيد بعض و نقارن بينهم مقارنه فعليه من كل حاجه و طبعا اهم عنصر هنا مدى توافر قطع الغيار او امكانيه تحديد اماكن بيعها ... يلا بقى انا هبدأ بنفسى و اقول انى بميل للانشيا اكتر مين قال حاجه تانيه

**matrix_it** · 19-04-2011 02:18 AM

seat ibiza

**tito_1980** · 19-04-2011 09:24 AM

جولف 2 لو قدامك عربيه حاله ممتازه علي التكه

**sab3aawy** · 19-04-2011 10:17 AM

رأييى من وسط دول اللانشيا ديدرا هى انسب العربيات لأن موديلها حديث وكل قطع غيار الفيات(تمبرا-ريجاتا وغيرها) بتركب عليها

الجولف 2 رائعة لكن موديلات قديمة وقطع غيارها ابتدت تقل
سيات ابيزا لو هى البتاعة المربعة اللى بيقولوا عليها سيستم بورشة فدى قطع غيارها قليلة جدا وهتقرفك ولو الشكل الأحدث هتكون حلوة بشرط تلاقى واحدة مش طلعان عينها وده احتمال ضعيف
ستروين زد اكس لها قطع غيار لكنها مش بسهولة قطع غيار الفيات اللى بتركب على اللانشيا ، كما انها 1400 مش 1600 زى اللانشيا، ومافيهاش اى ميزة لا فى الأداء ولا فىالشكل، عادية جدا، اللانشيا اشيك

**Formulator** · 19-04-2011 08:10 PM

المشاركة الأصلية كتبت بواسطة sab3aawy

رأييى من وسط دول اللانشيا ديدرا هى انسب العربيات لأن موديلها حديث وكل قطع غيار الفيات(تمبرا-ريجاتا وغيرها) بتركب عليها

+111111111
قطع غيار التمبرا والتيبو والفا 146 بيركبوا عليها Perfect-Fit..

وبعض قطع البرافا القديمة والماريا كمااااااااااان بيركبوا...!

**heshamzaky** · 19-04-2011 09:16 PM

المشاركة الأصلية كتبت بواسطة mikology

انا معايا لانشيا ديدرا
كعافشه و ميكانيكا و كهربا هى هى التمبرا
في من قطع الغيار جديد و استيراد
العربيه عمليه جدا و حماله اسيه بس شرط الحاله الجيده عشان دى عربيه ماينفعش فيها عك الضنايعيه
انا بمشى بيها كل يوم 80 كيلو بقالى سنه و نص
الفوانيس فى جديد منها بس اغلى من التمبرا و فى منها استيراد بردو بس تواجدها اقل
العربيه واسعه جدا انا طولى 185 وقاعد مستريح جدا جدا و اوسع من حاجات كتير جديده مش عاوز اقول معظمهم
الموتور اقوى من بتاع التمبرا لانه 90 حصان وفى منه استيراد 1800 و 2000 سى سى و سعره رخيص ممكن يعمل 2000 جنيه و بيوصل لحد 132 حصان
قطع الغيار الجديده فى منها اختيارات
يعنى مثلا تيل امامى من اول 45 جنيه لحد 220 جنيه
ولو حابب تعرف اكتر انا تحت امرك

مش حا أعرف أقول حاجة بعد الى قولتة يا ميكو هههههههههههههههه
بص يا باشا الانشيا شكلها شيك من الامام شكلها أحلى من التمبرا دة حقيقى طبعا الشبكة النيكل عاملة شكل جميل جدا التايلوة أفخم من بتاع التمبرا بس التمبرا تتفوق فى توافر قطع الغيار عن الانشيا

**bondokdar** · 20-04-2011 01:29 AM

والله يا جماعه ةالواحد مش لاقى كلام يتقال على المنتدى الجميل ده اللى احسن حاجه فيه ان الناس بتحاول تفيد و تساعد بعض الف الف شكر لكل واحد كتبلى كومنت و قال رايه بس انا شايف ان لحد دلوقتى الانشيا متفوقه و تكسب و انا قولت انى مايل ليها اساسا من الاول الكلام على الجولف كان مقنع قوى فى جزئيه توافر قطع الغيار بس برضه ماهى الانشيا فيها حاجات مش موجوده زى الاكسسوارات مثلا معقوله ممكن تكون لانشيا اسهل فى حاجتها من الجولف اللى ماليه الدنيا دى كمان فين راى الناس فى الابيزا و السيتروين الزد اكس على فكره اللى اعرفه ان قطع غيارهم غاليه صحيح انما برضه موجوده و كمان بالنسبه للسيتروين مش عارف ليه الناس قلفشه منها مع انها بجد عربيه سولقتها حلوه قوى و متزنه جدا مش زى اللانشيا صحيح انما كويسه برضه هاااااااا يا ترى فى حد عنده راى تانى و لا لأ

**Formulator** · 20-04-2011 02:21 AM

المشاركة الأصلية كتبت بواسطة heshamzaky

مش حا أعرف أقول حاجة بعد الى قولتة يا ميكو هههههههههههههههه
بص يا باشا الانشيا شكلها شيك من الامام شكلها أحلى من التمبرا دة حقيقى طبعا الشبكة النيكل عاملة شكل جميل جدا التايلوة أفخم من بتاع التمبرا بس التمبرا تتفوق فى توافر قطع الغيار عن الانشيا

والله و انا بكتب المشاركة الأولى.. كنت هقوله استنى heshamzaky هو اللى هيفيدك فـ الديدرا..!

ازيك ياباشا يا كبير الفياتاوية والتمبراوية..

المشاركة الأصلية كتبت بواسطة bondokdar

بس انا شايف ان لحد دلوقتى الانشيا متفوقه و تكسب و انا قولت انى مايل ليها اساسا من الاول الكلام على الجولف كان مقنع قوى فى جزئيه توافر قطع الغيار بس برضه ماهى الانشيا فيها حاجات مش موجوده زى الاكسسوارات مثلا معقوله ممكن تكون لانشيا اسهل فى حاجتها من الجولف اللى ماليه الدنيا دى كمان فين راى الناس فى الابيزا و السيتروين الزد اكس على فكره اللى اعرفه ان قطع غيارهم غاليه صحيح انما برضه موجوده و كمان بالنسبه للسيتروين مش عارف ليه الناس قلفشه منها مع انها بجد عربيه سولقتها حلوه قوى و متزنه جدا مش زى اللانشيا صحيح انما كويسه برضه هاااااااا يا ترى فى حد عنده راى تانى و لا لأ

هو محدش قال ان قطع غيار اللانسيا متوفرة اكتر من الجولف2..؟؟!
بس الجولف هتبقى أقدم بكتييييييييير من الديدرا...!
الـZx عربية جميلة كـ ركوبة وسواقة.. بس قابل بقى الأعطال الكتير وقطع الغيار (لو لقيتها)..؟!

هى الابيزا اللى ممكن تفضل فـ المقارنة, موديل جديد وعربية تمااااااااام.. بس برضه مشكلة اسعار وتوافر قطع الغيار..؟؟!!

يبقى هى الديدرا لسبب وااااااااااحد: انها مشتركة فـ قطع كتيييييير مع الفيات زى ما هشام وميكو قالولك..! غير كده كانت هتبقى اسوأهم فـ حتة قطع الغيار..!!!

**heshamzaky** · 20-04-2011 02:31 AM

أزيك يا باشا عامل أية . بص للأمانة الديدرا ممتازة بس قطع الغيار فى حاجات معينة مش متوفرة زى فانوس الاشارة الامامى مثلا لو جديد ب 140 جنية لو أستيراد مش بيرضو يبيعوة لوحدة من غير الفانوس الامامى . الموتور بتاع الانشيا ممكن جدا يركب فية موتور التمبرا الانجيكشن هو هوة بالظبط بس شكل الانجيكشن مختلف و شكل العمة مختلف . بالنسبة للموتور ما تقلقش منة خالص كل حاجة موجودة زى التمبرا بالظبط . التابلوة ممكن لو مكسر تجيب تابلوة كامل بسعر ممتاز جدا جدا أعتقد بالكتير 400 جنية ممكن اقل شوية . كراسى الانشيا كبيرة و فخمة بتبقى زى الجلد المقلوب و موجودة بس بتتباع طقم كامل كرسين و الكنبة بالظهر ز
العفشة واحد بالميلى بين التمبرا و الانشيا و الطنابير واحدة و علبة الدريكسيون و الكبالن واحدة
تقدر تقول أن التمبرا الانجيكشن و التمبرا واحد بس فية أختلاف فى الشكل . الانشيا فية منها مواتير 1600 اقوى شوية من مواتير التمبرا الكاربراتير . قطع غيار التمبرا متوفرة بصورة اكبر بس الشكل الانشيا أسبور أكتر