سؤال : ايه لازمة البلطجية والخارجين علي القانون في الحياة ؟؟؟

**Eng.Mina** · 01-05-2012 12:16 AM

مساء الخير
مبدئيا انا مش عايز حد يفهم موضوعي انه احتقار لفئة معينة من مجتمعنا او ان انا بنظر ليهم نظرة دونية . طبعا حضراتكم سمعتم عن حوادث البلطجة و سرقة السيارات والخطف و السطو المسلح اللي بنسمع عنها كل يوم سواء من الاقارب او الاصحاب او اصدقاء العمل وانا شخصيا اتعرضت لموقف كنت كتبت عنه في المنتدي خلي قلبي يقع في رجليا والحمد لله ان اللي كانوا بيطاردوني الشرطة مش بلطجية وده اللينك بتاع الموضوع http://www.nilemotors.net/Nile/276721-a.html
وطبعا كلنا شفنا موضوع الدكتور احمد فارما والبلطجية اللي طلعوا عليه واتذكر ان في احد الاعضاء معانا في المنتدي ( معلش مش متذكر الاسم ) اتعرضت زوجته لكسر زجاج العربية وسرقة شنطتها وهي جواها !!!! وبما اني اتعرضت لاحد المواقف المرعبة دي حاوصفلكوا شعوري ساعتها حسيت بتسارع رهيب في دقات القلب ( متهيألي لو مريض قلب ممكن يتوفي فيها ) ومغص شديد جدا في معدتي وعرق رهيب نازل مع اننا كنا في الشتاء واحساس بالرعب والخوف عمري ما حسيت بيه في حياتي كلها . فانا كنت بسأل ليه الحرامي او البلطجي لما بيتمسك ويتسجن اول مرة في حياته وبعد انقضاء مدة العقوبة نحاول نصلح من حاله ويكون في جمعيات ومؤسسات مختصة باعادة تأهيله ( بتوفير مشروع مناسب ياكل منه عيش مثلا ) علشان يعيش في المجتمع كفرد نافع ومفيد ويتولوا متابعته من وقت للتاني لكن لو حصل انه رجع تاني للسرقة والاجرام يبقي ده شخص الاجرام في دمه ومفيش امل انه يتصلح حاله ويكون مصيره الاعدام او السجن مدي الحياة او اي عقاب قاسي جدا علشان يبقي عبرة لغيره . طبعا انا عارف ان الكلام ده احلام مش ممكن تتحقق بس بجد انا فاض بيا من عدم الاحساس بالامن في بلد الامن والامان .
اتمني سماع ارائكم

**Screenplays** · 01-05-2012 12:24 AM

و الله كل ما اقول ان الناس دي لازم تتداس بالمدرعات و يهدوا بيوتهم فوق نافوخهم يعدوا يقولوا انت معندكش قلب و لازم الناس دي تاخد فرصتها و اللي يغلط يتحاسب طب لما يتحاسب هيتعمل فيه ايه ؟ هيخش السجن ؟ طب ما هيطلع بلطجي و مجرم اكتر ما هو و محدش يقولي السجن تهذيب و اصلاح و الكلام الحمصي ده

**Eng.Mina** · 01-05-2012 01:31 AM

المشاركة الأصلية كتبت بواسطة Screenplays

و الله كل ما اقول ان الناس دي لازم تتداس بالمدرعات و يهدوا بيوتهم فوق نافوخهم يعدوا يقولوا انت معندكش قلب و لازم الناس دي تاخد فرصتها و اللي يغلط يتحاسب طب لما يتحاسب هيتعمل فيه ايه ؟ هيخش السجن ؟ طب ما هيطلع بلطجي و مجرم اكتر ما هو و محدش يقولي السجن تهذيب و اصلاح و الكلام الحمصي ده

شكرا لرد حضرتك وادي كمان موضوع جديد عن السطو المسلح
http://www.nilemotors.net/Nile/285707-a.html

**Screenplays** · 01-05-2012 01:40 AM

شوفته يا باشا و معرفتش ارد و اقول ايه اصلا ... ربنا يعوض عليك

**osama.m** · 01-05-2012 01:47 AM

طيب انت تعرف ان في منهم و هو طالع يسرق او يخطف بيبقى الحافز بتاعة انه طالع ياكل عيش
ربنا يتوب علينا

**shaddadfalcon1** · 01-05-2012 09:41 AM

لو بنطبق حدود السرقه مكناش شفنا كلب من دوول

كان اول مره يد والتانيه يد والتالته رجل والرابعه يتقتل

مش نلاقي واحد ليه 50 سابقه سرقه بالأكراه وعايش عادي عشان خلص الأحكام اللي علي

ويبقي في السجن ومستني يخرج عشان يكمل سرقه

**lonedoctor** · 01-05-2012 09:56 AM

هو ده الكلام تطبيق الحدود التى امرنا بها رب العالمين الا يعلم من خلق وهو اللطيف الخبير

**Eng.Mina** · 01-05-2012 01:55 PM

المشاركة الأصلية كتبت بواسطة osama.m

طيب انت تعرف ان في منهم و هو طالع يسرق او يخطف بيبقى الحافز بتاعة انه طالع ياكل عيش
ربنا يتوب علينا

في ناس كتير بتاكل عيش بشرف وكلنا بنشوف ناس بتاكل من الزبالة ومابتمدش ايديها انا عارف طبعا ان المجتمع ليه دور في الاهتمام بيهم بس برده ده مايديهومش الحق في ترويع المواطنين

**Screenplays** · 01-05-2012 03:56 PM

المشاركة الأصلية كتبت بواسطة shaddadfalcon1

لو بنطبق حدود السرقه مكناش شفنا كلب من دوول

كان اول مره يد والتانيه يد والتالته رجل والرابعه يتقتل

مش نلاقي واحد ليه 50 سابقه سرقه بالأكراه وعايش عادي عشان خلص الأحكام اللي علي

ويبقي في السجن ومستني يخرج عشان يكمل سرقه

+1111111111111111111111