الموضوع: ذكــريــــــــــــــآت

انا فاكر حصة الأعب والكوتش بتاع باتا القماش وفلنات الكوره كانت عار وحصة الدين الي كنا لازم نروح فيها نصلي في جامع المدرسة وبنطلونات الباجي والجزمه البانص اللي من غير رباط والرمرمه من البياعين اللي قدام مدرسة شجرة الدر والحلبسه والحرنكش وتأجير العجل باللفه ويا سلام لما واحد يتأخر في اللفه كان بيبقي بلاك لست ومحروم من العجل أسبوع وفسحه بورسعيد في شم النسيم والبيجو التابوت الطائر لما كانت أحسن طريقه سفر بين المحافظات وكان فعلا كلمة قرش ليها قيمه الرغيف الصغير بتعريفه والكبير ونضيف بقرش بحاله وكان كيلو السمك البلطي من بحيره ناصر 80 قرش بلا مبالغه السمكه الواحده 5 كيلو ومش مجمد طاااازه كانت السمكه تأكل بيت عيله كامل يعني حوالي 20 بني ادم غدا وبيفيض للعشا ......
ولادي لما بحكيلهم بيبصولي كإني بحكي فيلم خيال علمي ........الغريبه اني وانا صغير كانت جدتي بتحكيلي عن زمانهم برضه........و أنا كمان كنت فاكر انه خيال علمي....... اه وربنا (:
تحياتي من مكه