الموضوع: ذكــريــــــــــــــآت

المشاركة الأصلية كتبت بواسطة kar!m

مصروفك كان 50 قرش .. و دي ذكريات...........

طيب حد كان بيشوف برنامج حياتي؟ بتاع فايزة واصف..........

السلام عليكم و رحمة الله و بركاته

أييييييييييييييييييوه, أنا بتاع برنامج حياتى اللى كان بييجى يوم الجمعة قبل المغرب تقريبا كده.

طااااااااااب, حدة فاكر أيام ماكان كيس الشيبسى بطعم الملح بس و كان ب 10 ساغ و ازازة الكاكولا ب 10 ساغ ؟؟؟ و الكيمو كووووووووووونو بربع جنيه ؟؟؟

طاب حد فاكر أيام ماكان التيلفزيون المصرى قناتين بس و كانت القناة التانية بتشتغل لحد العصر بس و القناة الأولى كانت لازم تاخد راحة بتاع ساعتين و لا تلاتة ساعة العصرية و تعمل تشششششششششششششش ؟؟؟؟

حد فاكر مسلسل, اللى ان بيقولوا فيه, أنا البرادعى يا لطفى ؟؟؟؟؟, ألا اسم المسلسل كان ايه ؟؟؟

حد اشترى جرنان الأهرام بشلن و كان الجمعة بس ب10 ساغ ؟؟؟

حد لحق البستلية اللى كان الاتنين بشلن, يعنى الربع جنيه, يجيب 50 واحدة !!!!!!!!!!

حد لحق القلم الجاف الفرنساوى ب10 ساغ ؟؟؟؟

و آآآآآآآآآآآآآآخرا, أنا لحقت كيلو اللحمة ب3 جنيه !!!!!!!!!

يااااااااااااااااااااه, كانت أيام.

هههههههههه موضوع جميل ... بس لايعم انا لسه صغير هههههه ياااااااااااه فكرتوني باللذي مضى ... بس سبحان الله افتكرتو كل حاجة ومحدش جاب سيرة اللوليــــــته (والي ميعرفهاش ) دي ايس كريم كده تقعد تمصوو لغايت مايتقطع نفسك كان ببريزة اظن او بخمسة ساغ .

والكرتية انا كنت مدمن كارتيه وحاجة اسمها بوزووو او بوظو دي سناكس كده بطعم الجبنة بس طعمو جميل عامل زي هاريدي اليومين دول .

ولا قزازة الكازوزة الي كانت ب 45 قرش وكان اسمها بيبسي كولا ... أو أسبورت .

فاكرين التين الشوكي زمان كان 20 بجنية ويمكن اكتر ده انا كنت بنزلو السلطانية يملها تين مقشر وكانت التيناية كده قااااد التفاحة ... وكان في تفاح صغير كده بس معسل عسولية يالهوي على طعموووو وريحتووو .

فاكرين بياع غزل البنات ...

وبعدين ياحج محمد التوحيد والنور ايه الي جبت منو بدلة العيد ده هو كان موجود زمان اساساً ههههههههههه كان على ايامنا كان لسه عمر افندي لسه فاتح جديد .. وكان زمان عامل زي كارفور كده كل الناس بتجيب حاجتها من هناك .

فاكرين طيب لمن كنا بنأجر عجل ونسيب شنطة المدرسة بالكتب والكشاكيل رهن عند بتاع العجل هههههههههههههه .

فاكرين البطاقة المصرية الكرتون ولا رخصة القيادة الكرتون وفيها صورة ابيض واسود .

والاتوبيس الاحمر بتاع زمان ... فاكرين بوجي وطمطم وكان في برنامج لسمير غانم اسمو كوكي يا كوكي يا يا ... مش فاكر اسمو ايه ؟؟

ولا ايام مازينجر وجرندايزر ...
فاكرين لمن كانت مصــــــــــر حلـــــــــــــــــــــــ ـــوة !

انتو فاكرين كان زمان حلم اي مواطن مصري
أنو يخشلو خط تيلفون وعدة .
وكانو يحجزو بالسنين علشان يخشلهم خط التيلفون

ولا الغسالة البرميل الي لمن تشتغل تصحي كل الحته ... ولا التلاجة الي كانو الناس بيحجزوها من مصنع ايديل 6 اشهور بالحجز ...

طيب فاكرين الاعلانات دي
[youtube]http://www.youtube.com/watch?v=VheukkNLF-4&NR=1&feature=endscreen[/youtube]
[youtube]http://youtu.be/VheukkNLF-4[/youtube]

طيب فاكرين مسحوق الغسيل الجبار رفسو .. ولا سافو
طب حد شاف اعلان القديم ده ايشرب كوكاكولا
[youtube]http://www.youtube.com/watch?v=IVv-nH3FzYI&feature=related[/youtube]
[youtube]http://youtu.be/IVv-nH3FzYI[/youtube]
ياه على جمال ايام زمان .

المشاركة الأصلية كتبت بواسطة screenplays

يااااااااااااااااااااه كنت بعد امزمز فيها لحد ما بيجلي تلبك معوي هههههههههههههههه

لا انا كنت بأجر موتوسيكلات لحد ما دخلت في حيطه و بطلت[/size]

دلوقتي بقت بكابورت بعيد عنك ههههههههههههههه ربنا يعينا و نسيبها

هههههههههههه حبيب قلبي يا اسكرين ... نفسي تجيلي الات الزمن وارجع الزمن 30 سنة لورى ... انا مرات بقعد اسمع الافلام والمسلسلات الاذعاية بتاعت زمان واقعد ادحك ...

الاخت بتكلم اختها ... كده برضو يانادية تبيعي نفسك لرستم باشا ... وتسلميلو نفسك وترخصي نفسك .

نادية أعمل أيه ... كنتي مستنيه مني أيه وانا بشوف اخواتي بيضيعو قدام عنيا بعد مالحكومة حجزت على الاقصر بتعنا ..

وكنت محتاجة العشرين جنيه ضروري ... علشان افك رهنيت القصر وانقذ اخواتي من الضياع .ههههههههههههه

اهو انا نفسي ارجع ايام زمان واخود معايا اربعين جنيه هههههههههههه واعيش ملك وباشا كده وادور على نادية وابو نادية علشان انقذها .