ذكــريــــــــــــــآت

**mohammedabdallh** · 03-05-2012 12:05 PM

المشاركة الأصلية كتبت بواسطة maserati

السلام عليكم و رحمة الله و بركاته

أييييييييييييييييييوه, أنا بتاع برنامج حياتى اللى كان بييجى يوم الجمعة قبل المغرب تقريبا كده.

طااااااااااب, حدة فاكر أيام ماكان كيس الشيبسى بطعم الملح بس و كان ب 10 ساغ و ازازة الكاكولا ب 10 ساغ ؟؟؟ و الكيمو كووووووووووونو بربع جنيه ؟؟؟

طاب حد فاكر أيام ماكان التيلفزيون المصرى قناتين بس و كانت القناة التانية بتشتغل لحد العصر بس و القناة الأولى كانت لازم تاخد راحة بتاع ساعتين و لا تلاتة ساعة العصرية و تعمل تشششششششششششششش ؟؟؟؟

حد فاكر مسلسل, اللى ان بيقولوا فيه, أنا البرادعى يا لطفى ؟؟؟؟؟, ألا اسم المسلسل كان ايه ؟؟؟

حد اشترى جرنان الأهرام بشلن و كان الجمعة بس ب10 ساغ ؟؟؟

حد لحق البستلية اللى كان الاتنين بشلن, يعنى الربع جنيه, يجيب 50 واحدة !!!!!!!!!!

حد لحق القلم الجاف الفرنساوى ب10 ساغ ؟؟؟؟

و آآآآآآآآآآآآآآخرا, أنا لحقت كيلو اللحمة ب3 جنيه !!!!!!!!!

يااااااااااااااااااااه, كانت أيام.

لا يا دكتور انا حضرت كيلوا اللحمه ب 7 و 8ج
كانت ايام
الكيلوا كان كيلوا بياكل 10 افراد النهارده الكيلوا مياكلشى 4
فى فرق فى البركه كتييير اوى مع ان الميزان واحد
ودى برده من الذكريات

**Screenplays** · 03-05-2012 05:57 PM

و الأتارى أول لما ظهرو كمبيوتر صخر

ده كان تحفه و مسلي جدا عن لعب الكومبيوتر

**assaf** · 03-05-2012 07:05 PM

موضوع جميل
انا فاكر سنه 98 ايام كاس الأمم لما حسام حسن حلق اقرع كنت في اعدادي نص المدرسه حلق اقرع وكانت موضه

**mohammedabdallh** · 03-05-2012 07:41 PM

ولا الس فى بلاد العجائب

**SYD** · 05-05-2012 02:00 AM

المشاركة الأصلية كتبت بواسطة kar!m

مصروفك كان 50 قرش .. و دي ذكريات.

يا عم ده انت كده جديد .. ال 50 قرش دي كنا بناخدها عيديه :-)

أنا فاكر قبل اعلانات المسرحيات فى التليفزيون كان يقول لك .. أين تذهب هذا المساء .. و قبل اعلانات الجرايد .. أضف الى مكتبتك هذا الكتاب الجديد.

طيب حد كان بيشوف برنامج حياتي؟ بتاع فايزة واصف.
أو حد فاكر اعلانات لحظه من فضلك؟ كان يقول لك مترميش ورق فى الشارع مثلا و صفات كتير كويسه.

طيب حد كان فاكر برناكج أطفال .. كل يوم يجيبوا نفس الأغنية .. كل شويه نكبر .. حبه حبه حبه .. نكبر أد الحبه .. حبة القمحايه.

حد بأه جاب البناطيل الجينز .. الكونز و الايرج و ال لي و الايزى و السونيتى و الفاير تراب و الانتربول.

والبيب pepe
mc51
lee
lois

والشوز PISTON

ولا أيام القمصان المشجره .. كانت مسخره .. عندي قمصان تنفع بلوزات حريمي وش.

ولا لما طلعت حلقة الشعر الكابوريا .. كانت موضه نيله.

ده بأه اللى أسميه .. ذكريات مؤلمه :-)