الموضوع: ( Speed Service Center :: ( enghany

المشاركة الأصلية كتبت بواسطة ahmedfd

أحب أوجه شكر ليك يا بشمهندس هاني على زوقك و ترحيبك الكبير .
أنا مهندس أحمد اللي كنت عندك إمبارح بالإلنترا الباذجاني و صديقي مهندس عمر بتاع نيجيريا بالإكسل الخضرا.
الشغل ممتاز يا بشمهندس و عقبال عربية عمر و إنت عارف الشغل الكتير اللي فيها.
أنا اللي كان عندي حاجة بسيطة جداً إن مسمار من بتوع العجلة إتقطم نتيجة غشومية بتاع الكاوتش بس م/هاني عنده صنايعية ما شاء الله ممتازين و حافظين بيعملوا إيه و هو من نفسه بص على كذا حاجه و كشف على العربية بالسكانر و خلا الصنايعية يربطوا العفشة و غير فلتر التكييف و نظف سنسور الأيدل و نظف الموتور بالفوم.
المصنعية بقى مش حقولها علشان مبلغ بصراحة يكسف لكن هو أصر يعمل واجب كبير قوي.

الزميل المحترم
اقل حاجه ارد بيها ياريت الناس كلها في ذوق و ادب و لبقه حضرتك نورتني بجد و اتمني اشووفك في كل خير

المشاركة الأصلية كتبت بواسطة Ashraf_Ibrahim

يا مشهيصنا يا هاني باشا
هجيلك اول ما المرتب بتاعي ينزل عشان انا أفلست تماما :D
وهجبلك طرد معايا باذن الله
ومنتظر المفاجأة يا كبير بس اديني اي هنت كدة عشان اتهيأ نفسيا :D

طيب تبقا مفاجاه ازاي يا عمده و بعدين انا لو قلت الناس هتقعد تحقد عيكو هاااااااا اقول ؟؟؟؟؟؟؟؟؟

وكمان في مفاجاه لكل الاعضاء المحترمين اي واحد هيعمل صيانه في العربيه ليه هديتان
1/ غسيل فوم مجاني للمحرك
2/ فلتر زيت هديه عند تغير زيت شل الترااا 10000 كم و بس خلاص بلاش طمع بقا هاهاهاهاها

المشاركة الأصلية كتبت بواسطة Ashraf_Ibrahim

انت هتعمل زي التوكيل يا عم انت واللا ايه
لقيت هبور باعتلي يقلي كشف تكييف مجاني وفلتر زيت وفلتر هوا عند تغيير زيت شيل الترا
طب انا بحط كاسترول مليش فلتر زيت واللا ايه :P :lol:

يعني يا ابو اشرف لما بيقي صغرين اسد كده من التوكيل و نعمل عروض قريبه من التوكيل يبقي ايه رايك و بعدين العرض علي شل الترا مش كاسترول و انت لو حطيت زيت تموين مش هتقولك لااا