( Speed Service Center :: ( enghany

**enghany** · 18-07-2012 07:41 PM

المشاركة الأصلية كتبت بواسطة unks

بشمهندس هاني ازي حضرتك انا فاكر حضرتك ايام توكيل ابو رواش بس انا مكنتش اعرف ان حضرتك فاتح مركز
المهم انا واقع في ورطه كبيره ومش عارف احلها ازاي انا موتور عربيتي الفيرنا باااااظ جاب زيت واتبهدل خالص المهم روحت لمركز معروف جدا جدا في الحرفيين وكشفت على العربيه وقالولي الموتور في الضياع المهم قالولي حنجيب بلوكه بوش استيراد بدون ادوات التغذيه وتكلفتا لوحدها بس كانت 3500 جنيه المهم علشان مطولش لان الموضوع كبير جدا دورنا العربيه وكانت صوتها في الاول ناعم ومكنش في صوت ظاهر غير تكتكه ومش ملحوظه المهم خدت العربيه ومشيت وبعد حوالي اكتر من 15 يوم بدات اسمع صوت نقر المهم انا مركزتش اوي مع الصوت بس يوم مع يوم لقيت صوت النقر ده زاد وصوت العربيه بيخشن روحت لاكتر من 7 ميكانيكيه وقالولي دي بلوف زيت عيزه تتغير رجعت للميكانيكي قالي دي مفيهاش حاجه دي بلوفة زيت قولتلو طيب انا متلزمنيش المكنه دي قالي كده كده مدتك انتهت والورق جه انا مش حرجع المهم قالي هات بلوفة المكنه بتاعتك وحيروح الصوت وتجيلي يوم الاتنين اللي هوه كان اول امبارح وروحت وفعلا غيرنا البلوف دي ببتاعتي لان بتوعي سلام وخلص وقفل وجينا للحظة الحسم و دورنا العربيه والصوت زي مهوه بالظبط ولا كاني عملت حاجه وبقولو الصوت موجود بيقولي لالا ده راح قولتلو انا استعوضت ربنا في الفلوس وفي الموتور وانا دلوقتي مش عارف اعمل ايه انا عاوز راي حضرتك ايه والنقر ده حيروح ازاي وانا اسف للتطويل وشكرا

زميلي المحترم
بص انا مش عارف ليه الناس بتدبس نفسها و بعد كده تشتكي و ماتزعلشي مني في كلامي اولا في وش فاضي و بلوكه ب 3500 جم ازايييييييييييييييي؟؟؟؟؟؟ ؟؟؟؟

دي حاجه الحاجه التانيه ما احنا ياما شفنا مواتي جايبه زيت المجم تعرف الزيت جاي منين و تعالجه وش سلندر الجوان او طلمبه زيت او غيره مين اللي قال انه مابيتعملشي و انا شفت الموضوع السابق بتاع حضرتك و ماسبتش تعليق لانك ما سالتنيش بس انت لو سالتني هقولك تعمل ايه بعيد حتي انك تعملها او تصلحها في سبيد المهم الي حصل حصل --- لا دي مش بلوف خليني اشوفك انت و العربيه و اقولك و تاكد ان الحل نهائي و تليفوني لترتيب ميعاد 01060900088

**enghany** · 18-07-2012 07:55 PM

المشاركة الأصلية كتبت بواسطة feto81

مهندس هاني ازيك انا لسه عضو جديد و متابع مواضيعك و بصراحه استفدت منها جدا كنت عايز اسال حضرتك على حاجه انا لما عملت صيانة ال40000 لنيو اكسنت اتوماتيك موديل 2008 غيرت فلتر الهواء و الزيت و فلتر الزيت و فلتر البنزين و ركبت نوع كوري نضيف و غيرت البوجيهات و جبت ان جي كيه ياباني 3 شمعه كان واحد صاحبي قالى استعملها و هتفرق معاك و مكنتش اعرف انه لازم كل حاجه و ليها نوع انا اسف طولت عليك بس العربيه من ساعتها و فيها مشكله انها مش بتدور علاطول لو كانت سخنه ولازم مرتين على ما تدور اما لو بارده بتلقط علاطول و رجعت لمركز الصيانه الي غيرت عنده الفلتر قالي طلمبة البنزين بايظه و ان الفلتر راكب كويس و مفهيوش حاجه و فكيناه تاني و راجعته ملقتش حاجه راكبه غلط و كشفت عليها كمبيوتر عند مركز تاني قالي الطلمبه ممكن تكون بايظه و انا محتار من يومها مع العلم ان العربيه مش بتقطع او تتخنق ولا فيها اي مشكله و اسف على الاطاله

العضو المحترم
اولا مافيش فلتر نيو اكسنت او النترا 2005 كوري للاسف صيني و مغلف الفلتر ممكن لو مش كويس يكون بوظ الطلمبه و انا برضه مش متاكد ان العيب من الطلمبه تاني حاجه الموبينه ولا السلك بتاع العربيه مهيا لبوجيهات ال 2 او ال3 شمعه و علي فكره الكمبيوتر ما بيكشفش الطلمبه

**m7nsh** · 20-07-2012 02:43 AM

ازيك يا هندزه ؟؟ انا محمد بدر بتاع القرموطى السودااا .. صباح الفل :)
اللى حصل كالتالى ..رحت فى معادى ..استقبلنى ..وجب معايا .. وبعد اجترار شويه ذكريات مؤلمه فى المخروبه اللى اسمها هندسه رغم اختلاف الجامعات .. هى هى مفيش فرق بكوستها ووسايطها بكويزاتها بالشفوى بتاعها :)
المفيد بقا
اشهدلك انك محترم جدا فى التعامل و عنده كرم ضيافه و زوق ..
الناس اللى شغاله معاك ناس فاهمه هى بتعمل ايه و بيشتغلو بسرعه فعلا بينجزو جامد ماشاء الله عليهم..
العربيه طلعت من هناك كفااااءه والله ماشاء الله.. و فعلا ظبطه الكهربا دى مريحانى جامد عن القديمه اللى من كتر ما كنت ماشى بيها افتكرتها هى المظبوطه :))
عاشت الأيادى يا كبير و لينا لقاء قريب ان شاء الله ..
طبعا القصه دى حصلت من فتره وللاسف مكنتش فاضى ادخل هنا خالص .. بس كلمه حق ولازم تتقال للراجل ده ..
خلصت فيك كل الكلام ياعمونا:))

**corsair** · 20-07-2012 02:08 PM

بشمهندس هاني ما شاء الله عليه ايده تتلف في حرير وانا روحت عملت صيانة ال 50 الف زي اشرف بالظبط محدش احسن من حد والعربية ما شاء الله زي الفل وكمان استفدت بعرض غسل الماتور بالفوم وكمان غسلت السربنيتنه وكنت طمعان في الفلتر بس انا كنت جايب معايا زيت حار احطه في العربيه علشان كدا معرفتش استولي علي الفلتر هههههههههههههه

بس والله عم هاني ده 10/10 اداني فلتر الزيت ب 20 جنيه بارخص من التوكيل ب 10 جنيه مفيش بعد كدا

والعربية مخدتش ساعة في ايده ولا لطعة ال 6 ساعات بتاعت التوكيل وشغل في الاخر اي كلام

وان شاء الله هجيلك بعد رمضان اغير سير الكاتينه وتيل الفرامل الموبيس

ودي صورة المقبرة قبل التوضيب

ودي صورة المقبرة بعد التوضيب

**helper** · 21-07-2012 03:12 PM

المشاركة الأصلية كتبت بواسطة enghany

انت فين يا كبير و لقيت ولا لسه ؟؟؟؟؟؟؟:

الحقيقة يا باشا العربيات النظيفة قليلة جدا و لو لقيت بتلاقيه غالي قريب من الزيرو علشان كدا قررت اجيب زيروا و الحق العرض بتاع غبور
هجيب ان شاء الله فيرنا لمراتي و انا هجيب النترا 2012 الي ب 124 الف حاليا في العرض (على اد ظروفي)
انت ايه رايك في الموضوع

**el_nahal2004** · 21-07-2012 05:11 PM

ازيك يااستاذ هانى يارب تكون بصحة وعافية ديما
سؤال بعد اذن حضرتك
بطارية النيو اكسنت موديل 2010 الشكل الكلاسيك عادى
بتجيب اخرها معايا
هية اعدت كدة معايا تلت سنين
لو عايز اجيب واحدة زيها بنفس جودتها او اعلى منها اجيب نوعها ايه ومنين
وياترى فى احتمالية ان هما يغيرهالى فى التوكيل لانى انا مكملتش ال 3 سنين ضمان ؟؟؟

سؤال تانى بعد اذنك

زيت الفتيس المانيوال بتاع العربية بيتغير امتى بالضبط لانى انا عامل بالعربية 31000 وتقريبا 3 سنين بالعربية
فاغيره دلوقت ولا استنى على ال 40000؟ واغيره فى التوكيل ولا فى الخارج ولو فى الخارج اجيب ايه افضل نوع ؟

اسف على الاطالة

**lost2008** · 22-07-2012 10:22 PM

المشاركة الأصلية كتبت بواسطة mada_76

في حاجة غريبة جدا
انا كتبت المشاركة دي من يومين ودلخت عشان اشوف الرد مالقتش المشاركة بتاعتي اصلا
ينفع كده ياباشمهندز ؟؟؟؟؟؟
على العموم هاكتبها تاني

ازيك يا باشمهندز هاني يا كبير الهيونداي
يارب تكون بخير وكل سنة وانت طيب , صايم ولا زي كل سنة ؟؟؟؟؟:b4_611:
اولا كنت عايز اجيلك عشان في صوت عندي في السلانسيه . صوت كركرة كده لما تدوس بنزين يروح وفي السلانسيه يرجع تاني , ده ايه ده ؟؟ها ؟؟ ايه ده ؟؟؟؟
ثانيا فاكر موضوع حساس الكرنك ؟؟؟؟؟؟؟
العربية عملتها تاني مرتين في خلال الشهرين اللى فاتوا واخرهم كانت من كام يوم على كوبري اكتوبر , وانا ماشي عادي وجيت مورت عشان الكوبري واقف كالعادة ومشيت شوية على المور كده وجيت اتحرك تاني اكتشفت ان العربية مطفية . دورت العربية راحت دايرة .
هي نفس الاعراض بتاعة المرة اللى فاتت . تنصحني بايه يا عمي ؟؟؟؟

ثالثا بقى انا عايزك تقولي على الاسم الانجليزي لعلبة الدركسيون او الاسم المتعارف وياريت لو البار الكود بتاعها عشان في واحد صحبي في ماليزيا هايشحن كونتينر بضاعة خاصة بيه . والجيتز منتشرة هناك اوي فبفكر اخليه يجبلي علبة الدركسيون دي من هناك ؟؟؟
ايه رايك ؟؟؟؟؟؟

رابعا بقى وده الاهم انا عايز المفتاح بتاعي ماليش دعوة ؟؟؟
ياإما تجيب تمنه وتمنه 500 جنيه ؟؟؟؟
ده مفتاح اصلي اصلي يعني
حبيبي يابو هاني

اسمحلى ارد و برضة فى انتظار رد المهندس هانى, علبة الدركسيون steering rack و ده لينك لموقع لقطع غيار الفيرنا حتة حتة بالصور http://www.autopartswarehouse.com/search/?N=0&Nr=AND%28wpn_tl_name:Brakes\%2C+Suspension+%2 6+Steering,wpn_cat_name:Tie+Rods\%2C+Steering+Rack s\%2C+Gearboxes+%26+Components,wpn_scat_name:Steer ing+Racks+%26+Components%29

**enghany** · 23-07-2012 02:12 PM

المشاركة الأصلية كتبت بواسطة m7nsh

ازيك يا هندزه ؟؟ انا محمد بدر بتاع القرموطى السودااا .. صباح الفل :)
اللى حصل كالتالى ..رحت فى معادى ..استقبلنى ..وجب معايا .. وبعد اجترار شويه ذكريات مؤلمه فى المخروبه اللى اسمها هندسه رغم اختلاف الجامعات .. هى هى مفيش فرق بكوستها ووسايطها بكويزاتها بالشفوى بتاعها :)
المفيد بقا
اشهدلك انك محترم جدا فى التعامل و عنده كرم ضيافه و زوق ..
الناس اللى شغاله معاك ناس فاهمه هى بتعمل ايه و بيشتغلو بسرعه فعلا بينجزو جامد ماشاء الله عليهم..
العربيه طلعت من هناك كفااااءه والله ماشاء الله.. و فعلا ظبطه الكهربا دى مريحانى جامد عن القديمه اللى من كتر ما كنت ماشى بيها افتكرتها هى المظبوطه :))
عاشت الأيادى يا كبير و لينا لقاء قريب ان شاء الله ..
طبعا القصه دى حصلت من فتره وللاسف مكنتش فاضى ادخل هنا خالص .. بس كلمه حق ولازم تتقال للراجل ده ..
خلصت فيك كل الكلام ياعمونا:))

صديقي المحترم
لا قول الصراحه اننا بوظنا العربيه
ههههههههههه
علي فكره يا جماعه العربيه سوزوكي ماروتي
شكرا لذوق حضرتك و نسعد و نفخر بخدمه حضرتك ----- اسره سبيد سيرفيس

**enghany** · 23-07-2012 02:17 PM

المشاركة الأصلية كتبت بواسطة corsair

بشمهندس هاني ما شاء الله عليه ايده تتلف في حرير وانا روحت عملت صيانة ال 50 الف زي اشرف بالظبط محدش احسن من حد والعربية ما شاء الله زي الفل وكمان استفدت بعرض غسل الماتور بالفوم وكمان غسلت السربنيتنه وكنت طمعان في الفلتر بس انا كنت جايب معايا زيت حار احطه في العربيه علشان كدا معرفتش استولي علي الفلتر هههههههههههههه

بس والله عم هاني ده 10/10 اداني فلتر الزيت ب 20 جنيه بارخص من التوكيل ب 10 جنيه مفيش بعد كدا

والعربية مخدتش ساعة في ايده ولا لطعة ال 6 ساعات بتاعت التوكيل وشغل في الاخر اي كلام

وان شاء الله هجيلك بعد رمضان اغير سير الكاتينه وتيل الفرامل الموبيس

ودي صورة المقبرة قبل التوضيب

ودي صورة المقبرة بعد التوضيب

انت بقا كورسيررر
قوللي كده
مممممم
يا باشا دا شرف لينا انك تنورنا
سعدنا جدا جدا بتشريف حضرتك
و تحت امرك و سعداء يخدمتك ---- speed team

-

الموضوع: ( Speed Service Center :: ( enghany

LinkBack

أدوات الموضوع

عرض

-

-

-

-

-

المواضيع المتشابهه

تجربة سيئة جداً مع مركز Speed Service Center

Speed service center-----eng hany

Is there service center in sharm elsheikh for nissan?

Chevrolet newest service center

الكلمات الدلالية لهذا الموضوع

المفضلات

المفضلات

ضوابط المشاركة