محلول رادياتير abro

**exact** · 14-06-2012 08:17 PM

يا اخواننا أنا جبت المحلول ده
طبعا انتوا عارفين اني من مضادي الميه الخضرا للردياتير
بس انا باحب شركة ABRO

واشتريت العلبة دي بــ 10 جنيه تضاف للردياتير على ميه بيضاء

واستنيت اما العربية بردت خالص
وبعدين فكيت الخرطوم الفوقاني بتاع الردياتير
ودورت العربية وحطيت خرطوم ميه مكان الخرطوم الفوقاني بتاع الردياتير وفضلت فاتح الميه لحد اما الميه راقت خالص

وبعدين ركبت كل حاجة زي ما كانت وضفت العلبة دي كاملة بعد ما رجيتها وزودت الردياتير بالمية لآخره ونضفت القربه
ودورت العربية لحد اما المروحة اشتغلت وفصلت لقيت طبعا مية الردياتير نقصت شوية زوتها وقفلت الردياتير وكل عام وانتم بخير

هاديكم التقييم بعد فتــــــــــــرة بس حبيت اشارككم اللي عملته

**Android** · 23-06-2012 10:08 PM

ويا ترى ايه النتيجه معاك دلوقتي ؟؟!

حسيت بفرق ولا هو مجرد سائل مانع للصدأ وبيقوم بدور الميه الخضرا والكلام ده
وياريت تقولنا جبتها منين ونسال على العلبه باسم ايه قصدى المنتج اسمه التجارى ايه
ولا اسمه سائل abro للردياتير وبس

**Angel_wolf** · 23-06-2012 11:30 PM

على فكرة abro دة ممتاز كنت بعمل غسيل للرداتير كل سنة اغسل واحط abro والله كان بينزل فى مية الغسيل بعد سنة ممتاز ومفيش اى مشاكل فى العربية

**exact** · 24-06-2012 02:02 AM

بأمانة حاسس ان فيه فرق بس بسيط قوي عن المياه العادية
العربية بتغيب على ما تسخن شوية

هو كويس ولونه اخضر فاقع وسعره كويس

ممكن تجيبه من اون ذا ران او اي بنزينة او محل زيوت
بس خللي بالك لأن أبرو عاملة نوعين... نوع زي اللي انت شايفه فالصورة وده اللي بيتضاف لميه عادية
وفيه نوع تاني علبته صفرا ده عبارة عن غسيل لدورة الردياتير Radiator Flush بتحط لغسيل دورة التبريد ويتشال تاني