الموضوع: تنظيف فلتر التكييف الداخلي

طبعا الصيف والحر بيجبر الواحد يشوف احسن الطرق لتحسين اداء التكييف . عندي فلتر التكييف الداخلي بيتسد من التراب ولازم يتغير مع كل دخلة شتا او صيف عشان الهوا بيكون ضعيف من التراب . نضفتة بالهوا كتير بس بيكون فية ريحة وحشة عشان بيكون فية زي حبيبات سودا عشان تنقية الهوا , ومع الوقت بتتكون عليها طبقة بتجبرك تغير الفلتر .
انا لاقيت حل جميل لتنظيف الفلتر دون الحاجة لشراء واحد جديد . الجديد ب110 جنية تقريبا .
الحل :
اولا : ننفخ الفلتر بالهوا كويس عند اي واحد بيزود هوا .
ثانيا:
نجيب وعاء كبير نملاة ميا درجة حرارتها عادية ونحط فيها كمية شامبو ريحتو محببة .
ثالثا :
ننقع الفلتر ساعة وبعد كدة نشطفة كويس واهم حاجة برفق اوي عشان منأذيش الفلتر
وبعد كدة نسيبة ينشف كويس .
وركب وادعيلي .
الفلتر كالجديد ومن غير روائح كريهة بل برائحة الشامبو . وتوفير شراء واحد جديد.
انا لسة غاسل الفلتر ومركبة من غير اي مشاكل . معلش مأخدتش صور ..
اعتقد ان الاوكتافيا والجيتا والجولف تشترك معي في نفس الفلتر الداخلي للتكييف .
بالتوفيق

جميل موضوع الديتول دة .. شكرا ..ان شاء الله المرة الجاية .