كيفية تنظيف فلتر التكييف

**إسلام شاهين** · 25-06-2007 05:19 PM

النهاردة قلت أجرب التكييف (العربية بقالها معايا شهر ) المهم شغلته على 4 لاقيته ضعيف جدا قلت مش ممكن يكون ده تكييف لانسر 2007 المهم افتركت على طول مداخله للدكتور أحمد إنه كان نظف الفلتر بتاع التكييف عند واحد وقال إن الموضوع سهل بس المهم تعرف إزاي تفك درج التابلوه ، قلت لنفسي ليه ماجربش المهم فتحت الدرج لقيت كلبستين يمين (ثابته) وشمال متعشقه في الدرج زقيتها طلعت معايا عادي وخرجت الدرج لاقيته نزل لتحت خالص وكل اللي وراه بان المهم لاقيت قطعه بلاستيك مستطيله لونها أبيض مكتوب عليها air flow قلت يبقى هو ده الفلتر ، ولاقيتها مربوطه بمسمارين صليبه يمين وشمال فكيتهم وسحبتها لبره طلعت هيا فعلا الفلتر بس لاقيته بصراحه ولا كأنها لعربية بقالها ماشيه 5 سنسن مثلا كلها تراب وورق شجر من الصغير ده المهم نظفتها بالهوا ( كان نفسي أغسلها بميه بس بصراحه خفت ) وركبتها تاني وقفلت الدرج مكانه وشغلت التكييف ........ أيوه كده الوضع اختلف تماما بقى شديد جدا جدا .
الشكر لله أولا ثم للدكتور أحمد اللي جاب الفكره على بالي .
وأنا تحت أمركم في أي استفسار .

**boody2** · 25-06-2007 11:14 PM

المشاركة الأصلية كتبت بواسطة إسلام شاهين

النهاردة قلت أجرب التكييف (العربية بقالها معايا شهر ) المهم شغلته على 4 لاقيته ضعيف جدا قلت مش ممكن يكون ده تكييف لانسر 2007 المهم افتركت على طول مداخله للدكتور أحمد إنه كان نظف الفلتر بتاع التكييف عند واحد وقال إن الموضوع سهل بس المهم تعرف إزاي تفك درج التابلوه ، قلت لنفسي ليه ماجربش المهم فتحت الدرج لقيت كلبستين يمين (ثابته) وشمال متعشقه في الدرج زقيتها طلعت معايا عادي وخرجت الدرج لاقيته نزل لتحت خالص وكل اللي وراه بان المهم لاقيت قطعه بلاستيك مستطيله لونها أبيض مكتوب عليها air flow قلت يبقى هو ده الفلتر ، ولاقيتها مربوطه بمسمارين صليبه يمين وشمال فكيتهم وسحبتها لبره طلعت هيا فعلا الفلتر بس لاقيته بصراحه ولا كأنها لعربية بقالها ماشيه 5 سنسن مثلا كلها تراب وورق شجر من الصغير ده المهم نظفتها بالهوا ( كان نفسي أغسلها بميه بس بصراحه خفت ) وركبتها تاني وقفلت الدرج مكانه وشغلت التكييف ........ أيوه كده الوضع اختلف تماما بقى شديد جدا جدا .
الشكر لله أولا ثم للدكتور أحمد اللي جاب الفكره على بالي .
وأنا تحت أمركم في أي استفسار .

عايز اقول لحضرتك ان انا عندي نفس المشكلة و علي هذا انا ححاول اعمل نفس المحاولة ان شاء الله

**Dr Ahmed** · 26-06-2007 02:14 AM

عفارم عليك يا أستاذ إسلام......

ماشاء الله المنتدى فعلا بيكسبنا خبرات بعض بطريقة فعالة جدا..
وفعلا ياريت كل واحد يمر بتجربة استفاد منها يوصلها للجميع لأن أكيد كتير بيمروا بنفس المشاكل وبيحتاجوا نفس الحلول.
شكرا لك أستاذ إسلام مرة أخرى على مشاركتنا تجربتك المفيدة.

**fahd_628** · 26-06-2007 09:53 AM

شكرا يا استاذ اسلام على مشاركتنا التجربة

و ربنا يوفقك

**أبو_حمزة** · 26-06-2007 10:03 AM

الله ينور يا استاذ اسلام
طب حد يعرف يفيدنا فى فلتر تكييف لانسر 99؟؟

**إسلام شاهين** · 26-06-2007 10:04 AM

أنا أوجه الشكر للدكتور أحمد لأنه هو بصراحه اللي خلى الفكرة ديه تيجي على بالي .

**عمرو عبيد** · 27-06-2007 02:54 PM

انا كمان عرفت افك الفلتر و فعلا كان غرقان تراب و جربت التكييف بعد كدة فعلا لقيت التبريد اعلى بكتير

**mabdo** · 27-06-2007 03:19 PM

عملية الفك والتركيب بيفيد فيها وجود السيرفيس مانوال بتاع أي عربية وهو اللي بيعرفك إزاي تفك العربية وتركبها من تاني...
ولذلك ننتهز هذه الفرصة للتنويه عن أي حد يلاقي سرفيس مانيوال بتاع أي عربية يحطه في المنتدى عشان تعم الفائدة..

تحياتي

**Nile Heart** · 27-06-2007 03:35 PM

طيب ازاى اجد الفلتر فى كورولا 2003؟ انا عمرى ماعملت الموضوع ده واهى بقالها 4 سنين ونص!!

**اسلام المصرى** · 27-06-2007 05:53 PM

أنصحك يا أخ نايل بالذهاب الى حد متخصص فى التكييفات أو التوكيل يقوم بتنظيف الفلتر لك ,أكيد هتحس بفرق جامد جدا :D . السؤال هو هل الكورولا فيها فلتر داخل السيارة مثل اللنسر , الله أعلم.

الموضوع: كيفية تنظيف فلتر التكييف

LinkBack

أدوات الموضوع

عرض

-

-

-

-

المواضيع المتشابهه

تنظيف فلتر التكييف الداخلي

كيف يتم تنظيف فلتر التكييف؟؟؟؟؟؟؟؟؟

تنظيف فلتر التكييف للساجا بالصور

كيفية تنظيف كويل التكييف للنوبيرا

خطوات تنظيف فلتر تنقية هواء التكييف للاسبرانزا

الكلمات الدلالية لهذا الموضوع

المفضلات

المفضلات

ضوابط المشاركة