الراجل الي اشتري مني العربيه كلمني امبارح وقالي انا عايزك ضروري يا بحيمد العربيه مغلباني
قولتله تحت امرك يا غالي
جه الصبح تحت البيت والعربيه كانت كلها تراب بصتله كدا قولتله حد يسيب دي متربه كدا
قالي العربيه بتفصل فيها شوية مشاكل
فيها بستم مش شغال ودا مبرجله العربيه
وعايزه ظبط تكيها والعداد مش شغال والفتيس فيه بوش
ركبت الفليشيا اول ما قعت علي الكرسي بصيت للشاهين وتفوووووو
نزلت الازاز بحنيه وابص للشاهين واقولها شايفه الازاز بينزل ازاي يا بنت ......
وطلعت بالعربيه في الهداوه كدا لحد الميكانيكي بتاعي
اول ما شفني راكب العربيه فرح اوي
قولتله لا دا العربيه فيها شوية مشاكل عايزك تظبطها
البستم مكنش شغال لان البشمندس غير سلك البويجه الخاص بالبستم دا بسلك عربيه تانيه كانت تقريبا 128
بصيت للسلك وقولته حرام عليك
ظبطنا التكيهات
ظبط الاسبراتير
فكيت الطبلون بنفسي وركبت سلك العداد بتاع السرعه
ورمشينا من عند الميكانيكي
قولتله اركب افرجك العربيه دي بتمشي ازاي
ركبت تاني وطقطت عروق الرقبه وريحت الكرسي شوية
وبدأت امارس هويتي المفضله الغرز علي سرعات عاليه
من ضمن الغرز غرزه كان نص العربيه الامامي كان بالكامل تحت عربيه نقل ويا دوب معدي والقايم اليمين بينه وبين الحرف بتاع النقل مفيش 3 سم
الراجل كنت شايف رجله بدوس النحيه التانيه علي الفرامل وهو جمبي وانا الي سايق كل شوية يغضط برجله جامد
طبعا وصلت البيت ومش كنت عايز انزل بس نزلت عشان الراجل المفروض نطلع نتغدي سوه او علي الاقل اشربه لمون من الي حصله ولو عايز يدخل الحمام
المفضلات