الموضوع: فصل نظام التكييف الساخن صيفاً

السلام عليكم

شوف يا دكتور انا هقلك علي تجربتي في هذا الموضوع و ما اعمله عنه

انا زمان كان عندي عربية ابيزا 98 بدون تكييف ساقع و لكن فيها تكييف سخن بنفس الفكرة و اللي حصل ان السربنتينه الداخلية اللي بيمر فيها مياة المحرك الساخنه دي اتخرمت و نزلت مياة داخل المقصورة و بخار مياه بيخرج من فتحات التكييف و عملتلي مشكلة لأني يومها كنت مسافر اسكندرية و كبرت دماغي فقلت مياة التبريد لدرجة ان العربية سخنت وانا ماشي بسرعه و الرادياتير فرقع و المهم اتصرفت و صلحتها و رجعت بيها القاهرة

الحل كان فصل الجزء ده عن دروة المحرك و ده بيحصل ازاي :-
1- هتلاقي زوج من الخراطيم خارجين من المحرك دخلين علي المقصورة هتفك الخرطومين عكس يعني اللي خارج تفكه فقط من ناحية المقصورة و الراجع تفكه من ناحية المحرك فقط
2- تقفل ناحية المحرك في بعضها حتي تستمر دورة المياة للتبريد مكتمله
3- تقفل ناحية المقصورة في بعضها حتي لا تتعرض للأجواء الخارجية او يتساقط فيها اتربه

النتيجة :-
1- دورة تبريد المحرك تعمل بكفاءة و لمدة طويلة تصل لأكثر من سنتين معي و لأقصي ظروف التشغيل دون اي مشاكل
2- لم يكن لدي تكييف ساقع وقتها عشان اعرف الفرق بين وجود دورة الساخن من عدمها

بخصوص فكرة حضرتك :-

أولا انا لا أعتقد بوجود صمام ينظم دخول الماء الساخن مع تشغيل التكييف الساقع او الساخن من عدمه لأني لم يقابلني ذلك من قبل ولو كان موجود اساسا في التصميم كان المفروض يكون جهة المحرك و قبل انتقال الماء لداخل المقصورة لذلك فهو غير موجود (اعتقد ذلك)

ثانيا لو عايز تجرب التجربة سهلة جدا و بسيطة هتعمل زي مانا عملت فوق هتقفل دروة المحرك في بعضها و جهة المقصورة في بعضها و جرب شوف هتفرق معاك ولا لأ ؟

ثالثا لو جربت و لقيتها فرقت معاك في كفاءة التبريد لتكييف العربية فلدي فكرة للمحافظة علي أجزاء التكييف السخن و هي انك بعد ما تتأكد انك هتسيب الجزء ناحية المقصورة منفصل هتفك احد اطراف ناحية المقصورة اللي قفلته في بعضه و هتضغط هواء من ناحية و تسيب الأخري علي الأرض عشان تفضي المياة من سربنتينة التكيف السخن و بالتالي هتقلل من فرص انها تتاكل او يجرالها حاجه و بكده يبقي نفذي فكرتك و في نفس الوقت حافظت علي جزء التكييف الساخن جافه و دون مشاكل ولما تتاكد انها نشفت من المياة داخلها اقفلها تاني في بعضها

و بالتوفيق ان شاء الله

علي فكرة كهربيا لو عايز تركب صمام يفصل الدروة و يرجعها مع تشغيل التكييف الساخن و فصله الموضوع بسيط و كن هيحتاج لبعض الأجزاء هتشتريها و هنعمل شوية وصلات كهربية و لكني لا احب ذلك لأني مبحبش اللعب كهربيا عن فبريكة العربية نهائيا