أيدل اللوجان ....

**cementman** · 13-08-2012 12:26 PM

فجأة الRPM وطى جدا و العربية كأنها هتبطل و فى نفس الوقت الموتور بقى خشن جدا
طبعا طلعت على التوكيل و هناك قالولى المشكلة فى الأيدل و قاموا بتنظيفه و تنظيف البوابة
وقالولى انه الthrottle كله عايز يتغير لأنهم مش بيغيروا الايدل لوحده بيغير البوابة كلها و تمنه حوالى 1400 جنيه بالاضافة للمصنعية (العربية خارج الضمان)
المهم....العربية مشيت 3 أو 4 أيام كويس وبعدين نفس المشكلة تانى ...المهم نزلت دورت عند بتوع قطع الغيار وبعد رحلة بحث و معاناة اكثر من 4 أيام لقيته اخيرا بيتباع لوحده أخر قطعة فى محل فى التوفيقية (الأصلى) نفس ماركة اللى راكب فيها ب 400 جنيه و غيرته و ركبته
.... بس فضلت المشكلة زى ما هى ....ربنا هدانى اشوف البوجيهات لقيت سلك منهم فاصل مش بيدى شرارة ...نضفته و ركبته العربية بقت زى الفل ... رحت مركب الايدل القديم و العربية زى الفل .... المهم الأيدل الجديد موجود عندى لو فى حد عنده فعلا مشكلة (فعلا) فى الأيدل و محتاجه يراسلنى على الخاص

**HossAmr** · 13-08-2012 01:23 PM

و ازاي في التوكيل معرفوش المشكلة فين ، هم بيفتوا و خلاص ، المفروض تعمل معاهم مشكلة على الفتي بتاعهم دا

**a_nbm** · 13-08-2012 01:39 PM

مفيش تقدير لفلوس الناس ولا وقتهم
حرام والله الفتي ده

**cementman** · 13-08-2012 02:09 PM

المشكلة انى فضلت اسبوع متنكد بسبب العربية و بسبب انى مش لاقى الايدل ده... و كويس ان الthrottle ماكانش متوفر فى التوكيل والا كان زمانى دفعت 1400 جنيه على الفاضى...