محتاج رايكم ياصقور بخصوص الجوك والنترا2013

**مدحت البلبيسى** · 26-08-2012 01:49 AM

السلام عليكم وكل عام وانتم بخير انا طبيب من الشرقية بشركة ادوية ومشرف على على 4محافظات الشرقية ومحافظات القناة الثلاتة وانتقل مابينها خلال الاسبوع بمعدل متوسط 3000كيلو شهرى متزوج ولى طفل شهرين المهم انا محتار مابين الالنترا2013 ونيسان جوك انا قصدت بالمقدمة انى اوضحلكم ظروف عملى انا محتاج سيارة عملية وقطع غيارها متوفرة ومعمرة وتستحمل الجرى والشد والسفر يوميا وطرق الشرقية وانا معجب بالاثنين وزوجتى معجبة بشكل الجوك وامكانيها وانها يابانى وانا متردد ومتخوف من عدم انتشارها وانا جربت الهيونداى 6 سنوات بس ماركبتش نيسان انا عارف ان الجوك صغيرة بس انا وزوجتى وطفلى ولن اغير السيارة قبل 5 سنوات ياريت بجد ارائكم تفيدونى بينها عشان اخد القرار الاخير لانى معجب بالاتنين وياريت الى عندة اسباب يقولها يبقى جزاة الله خيرا على فكرة الحيرة وحشة قووووى ربنا ما يوقعكوا فيها خاصة لو كانوا الاتنين يزغللوا العين شكرا

**Youssef.Awad** · 26-08-2012 02:14 AM

بصراحة يا دكتور .. الاجابة هاتكون 99% جوك بما ان حضرتك عرضت موضوعك فى قسم نيسان ههههههههههههه
بجد الالانترا مش بتاعت الكلام ده خالص وهاتتبهدل حك من تحت فى المطبات بالمناطق المذكورة لأنى مشيتها زراعى وصحراوى وركبت العربية وعارف امكانيتاها كويس
لو معايا فلوس الاتنين طبعا الاختيار هايكون جوك والانتشار قليل عشان اصلا الشحنات القليلة اللى بتوصل مصر غير كافية لملى شوارع البلد
ولو ممكن تزود كمان شوية تجيب قاشقاى يكون افضل فى جزئية الوسع الداخلى والمستقبل العائلى
بس خد بالك العربيتين بالحجز والاستلام مش قبل شهرين ثلاثة او اكتر
يعنى ما يكونش فيه ضرورة ملحة فى الشراء دلوقت
واختيار اخير من رأيى السكودا اوكتافيا بنفس الفئة السعرية وتستحمل كل اللى حضرتك بتقوله ده من متطلباتك فى العربية

**BassamHafez** · 26-08-2012 02:17 AM

حضرتك بتقارن عربيتين من فئات مختلفه تماما وكمان تكنولوجيا مختلفه تماما

لازم تبقى عارف كل عربيه فيها ايه مش موجود في التانيه ولازم تركب الاتنين عشان تقدر تحدد لان الموضوع مش موضوع شكل وبس

**مدحت البلبيسى** · 26-08-2012 02:32 AM

المشاركة الأصلية كتبت بواسطة bassamhafez

حضرتك بتقارن عربيتين من فئات مختلفه تماما وكمان تكنولوجيا مختلفه تماما

لازم تبقى عارف كل عربيه فيها ايه مش موجود في التانيه ولازم تركب الاتنين عشان تقدر تحدد لان الموضوع مش موضوع شكل وبس

انا عارف امكانيات الاتين والاتنين عجبنى وركبت الالنترا بس ماركبتش الجوك ومجربتش نيسان قبل كدة مع ان كماليات وامان الجوك لاتقارن مع الالنترابس عايز خبرة وراى الناس وشكرا على الرد

**مدحت البلبيسى** · 26-08-2012 02:33 AM

المشاركة الأصلية كتبت بواسطة ahmad--ezzat

مفيش وجه مقارنه يا فندم

جوك طبعا افضل ف كل حاجه الا نقطه الانتشار

انا خايف من قطع الغيار وشكرا على الرد

**abono** · 26-08-2012 02:46 AM

المشاركة الأصلية كتبت بواسطة مدحت البلبيسى

انا عارف امكانيات الاتين والاتنين عجبنى وركبت الالنترا بس ماركبتش الجوك ومجربتش نيسان قبل كدة مع ان كماليات وامان الجوك لاتقارن مع الالنترابس عايز خبرة وراى الناس وشكرا على الرد

سلام عليكم يا دكتور:

إشاء الله ربنا يهديك للإختيار الصحيح بس الجوك عربية ممتازة من كلام الجروب عنها فضلا عن احد الزملاء هنا معاه وحدة و بيشكر فيها اوى و دة تقرير مفصل عن السيارة http://www.nilemotors.net/Nile/287210-a.html اهداء العضو المحترم و المنسق العام لقسم نيسان عن السيارة و يا رب يفيدك و يسعدك فى القرار.

أخوك Abono

**buddha** · 26-08-2012 02:47 AM

جـــوك ..... تقفيل فى uk
طبعا ولا نص كلــمة(محمد فوائد)

الخوف فقط من قطع الغيار(لكن شد ومطبات وتحمل)

**Youssef.Awad** · 26-08-2012 02:49 AM

المشاركة الأصلية كتبت بواسطة مدحت البلبيسى

انا خايف من قطع الغيار وشكرا على الرد

اطمنك نيسان مش بتجيب عربيات تبيعها وتخلع
طالما باعت عربية فى مصر يبقى التوكيل ملتزم بتوفير قطع الغيار
انما طبيعى مش هاتتوفر برة بالصورة الكبيرة لموديلات هيونداى
ومن ناحية مقارنة الاسعار .. انا شايف اسعار قطع غيار نيسان اوفر وامتن واطول عمرا من كورى كتير
يادكتور الشركة دى بتعمل تيل فرامل فى عربياتها يتدرس للشركات التانية

-

الموضوع: محتاج رايكم ياصقور بخصوص الجوك والنترا2013

LinkBack

أدوات الموضوع

عرض

-

-

-

-

المواضيع المتشابهه

بيشوي وصل ياصقور ....... جوجل عملت لعبة باسمه ههههههههههههه

ياصقور رينو مساعده فى الفلوانس

هشتري فيرنا 2012 ان شاء الله محتاج رايكم بخصوص مكان الشراء

محتاج رايكم بخصوص فيكترا 2002

محتاج رايكم بخصوص شراء الاسبيرانزا

الكلمات الدلالية لهذا الموضوع

المفضلات

المفضلات

ضوابط المشاركة