محتاج رايكم ياصقور بخصوص الجوك والنترا2013

**zangry** · 26-08-2012 03:02 AM

جوك طبعا يادوك ... الانترا دى تعبانة :d

**buddha** · 26-08-2012 03:13 AM

المشاركة الأصلية كتبت بواسطة zangry

جوك طبعا يادوك ... الانترا دى تعبانة :d

باشا اكيد نيسان طبعا منتهى التقنية
بس هيونداى( النتـــرا) ممتازة
النترا دى ملهاش دعوة بباقى عربيات هيونداى عشان بيطبق عليها معايير سلامة ومتانة اوروبية
والعربية الالنترا انتشرت فى امريكا واوروبا موخرا نظرا لنجاحها

انا جربت النترا بصراحة فيها شغل كويس

**Youssef.Awad** · 26-08-2012 03:13 AM

المشاركة الأصلية كتبت بواسطة zangry

جوك طبعا يادوك ... الانترا دى تعبانة :d

وما تستاهلش الفلوس دى كلها بامانة .. غبور بيستهبل ع الاخر
ده انا مرة اجرتها غصب عنى مضطر عشان ماكانش فيه عربيات غيرها فى السعودية
غير كده بأجر اما صنى (شكل الاسكالا) او كورولا

**zangry** · 26-08-2012 03:22 AM

المشاركة الأصلية كتبت بواسطة buddha

باشا اكيد نيسان طبعا منتهى التقنية
بس هيونداى( النتـــرا) ممتازة
النترا دى ملهاش دعوة بباقى عربيات هيونداى عشان بيطبق عليها معايير سلامة ومتانة اوروبية
والعربية الالنترا انتشرت فى امريكا واوروبا موخرا نظرا لنجاحها

انا جربت النترا بصراحة فيها شغل كويس

حضرتك جربتها هنا فى مصر ولا في امريكا !!

اللى هنا حاجة واللى هناك حاجة تانية خااالص :d

**zangry** · 26-08-2012 03:26 AM

المشاركة الأصلية كتبت بواسطة Youssef.Awad

وما تستاهلش الفلوس دى كلها بامانة .. غبور بيستهبل ع الاخر
ده انا مرة اجرتها غصب عنى مضطر عشان ماكانش فيه عربيات غيرها فى السعودية
غير كده بأجر اما صنى (شكل الاسكالا) او كورولا

هبور ياباشا مش غبور :d

بس كان اية رأيك فيها اللى اجرتها دى :d

**Youssef.Awad** · 26-08-2012 03:28 AM

المشاركة الأصلية كتبت بواسطة zangry

حضرتك جربتها هنا فى مصر ولا في امريكا !!

اللى هنا حاجة واللى هناك حاجة تانية خااالص :d

وانا سوقت الخليجى كمان .. وما تسواش الفلوس اللى تدفع فيها !!!
بلاش اقول رأيى عشان عشاق الهيونداى ما يزعلوش منى
بس العيوب من وجهة نظرى .. نقط عامية كتير بسبب القوايم الامامية المايلة خاصة عند عبور التقاطعات والدورانات - ضيقة من قدام (طولى 185 سم) رجعت الكرسى على الاخر ونزلته لتحت وبرضه ما كنتش مرتاح - اداء الفرامل لم يعجبنى - الباور الكهرباء بصراحة اختراع يا كوتش لأن العربية بتعوم على سرعة 20 لو فيه شوية رمل ع الاسفلت او مطب صغير - ثبات فى الضياع لأن هناك 120 دى تجيبها جوة المدينة - الرؤية من خلال المرايات غير مريح للعين لأن جسم العربية بيه بروزات جانبية - التكييف اديله 6 من 10 لوحدى فى العربية ودرجة الحرارة كانت 38-40 ومشغله على 2 ومش عامل اى حاجة - فتحات التكييف فى التابلوه فى النص اخرها تهوى على ركبتك والشمال مش كفاية لتبريد الوجه ..

المشاركة الأصلية كتبت بواسطة abono

على فكرة الكلام دة صح جدا فاكر يا يوسف لما كنا اعدين يوم الوقفة قولتلك إية ولدى معاه نيسان صنى موديل 2007 اوتوماتيك غير التيل الامامى بعد 70000 كيلو و التوكيل قال هوا لسة فية بس حنغيرة علشان عدى علية 3 سنين للنضافة يعنى و الخلفى لسة زى ما هوا العربيات النيسان تمنها فيها اوى و عن تجربة

اكيد فاكر .. ما انا معايا 2010 وماشى لحد دلوقت 68500 كم والتيل الامامى سمكه 6 مللى
وقدام عينى فى السعودية باترول قديمة 95 داخل محل قطع غيار نيسان عاوز تيل زى اللى طالع من العربية
لما شوفته فى ايده لقيته 3 مللى مثلا وانضف من الجديد كمان !!!
النيسان دى اخرها فلاتر وزيوت واحتمال سيور وبس .. غير كده انسى

**ahmedPJT** · 26-08-2012 02:30 PM

المشاركة الأصلية كتبت بواسطة buddha

يا جماعة دة مجرد تحييز وحب لشئ معين فيخلى الواحد قافل على شئ محدد بعينة
هقول لحضارتكم حاجة........
نيسان فى افريقيا تعبانة جدا جدا فى كل شئ المواصفات الخليجى وحش جدا نيجى بقى للنيسان الحقيقية هتلاقى اصلا مكان تصنيعا اما فى انجلترا او امريكا والمواتير مختلفة نهائيا واقل حاجة هتلائيقها فى امريكا 3.5 cc
زى maxima ودى منتشرة جامد جدا فى امريكا ومعشوقة الــشباب
ودة عشان نيسان فعلا شركة عندها ابتكارات وبرائة اختراعات وعلى سبيل المثال تقنية neo لتوفير الوقود
و تقنية vvl

وبخصوص هيونداى هتلاقى منتاجاتها داخل الدول النامية هى الاصدارات الاخيرة بكامل امكانتها

وبالتالى هتلاقى ان العربية الهيونداى داخل دولة زى مصر تتفوق على عربية زى نيسان ال هى مواصفات خليجى او تقفيل مصرى(مش مواصفات اوروبية او امرييكية)

ياباشا مستحيل الكلام اللى بتقوله ده نيسان عمرها متضحى بسمعتها و تخرج صاموله من مصانعها فى اى مكان فى العالم بدون متكون محققه للمواصفات لان ببساطه كل مصانعها باشراف يابانى كامل
وبعدين ايه معيار حضرتك للتفوق ؟ للاسف احنا فى مصر معيارنا للتفوق هو ان العربيه تكون بياعه و معظم العربيات البياعه هى اللى شكلها حلو او رخيصه ، من وجهة نظرى العربيه المتفوقه على منافسيها هى الاكثر اعتماديه و الاكثر امان
و اظن مفيش مقارنة بين العربيات اليابانى او الاروبى مع العربيات الكورى فى الموضوع ده