الموضوع: سؤال عن التأمينات الاجتماعية

المشاركة الأصلية كتبت بواسطة mailo

هو عشان الشركة تؤمن على الموظفين لازم الموظفين دول يمضوا عقود ولعقود دي تتقدم للتأمينات ولا مش لازم
وهل لازم الموظفين يمضوا ورق معيَّن ولا لأ

وهل التأمينات بتحتفظ بنسخ من الحاجات دي ولا بتبقى للإطلاع بس

وهل لازم استمارة 6 عشان الموظف يتامن عليه في مكان تاني ولا مش لازم

وإيه أصلا فايدة التأمينات لصاحب العمل يعني ليه يأمن على الموظفين يعني هل التأمين ده بيحفظله حق معيَّن مثلا ولا إيه

لازم حضرتك تمضي علي عقود العمل وعلي استماره س 1 تأمينات علشان يقدر يأمن عليك وبيرفق مع الملف التأميني لحضرتك صوره من العقد وصوره من شهاده المؤهل وصوره من شهاده الميلاد واصل استماره س1 ( بتكون اصل وصورتين ) وصوره من البطاقه الشخصيه علي ما اتذكر ده مكونات الملف التأميني

بالنسبه لصوره من استماره 6 مش ضروريه في جميع الاحيان الا في حاله واحده اذا كان الفتره التأمينيه مفتوحه ولم تغلق علي السيستم الخاص بيهم فلازم يطلع علي صوره من س 6 لالاق الفتره وفتح فتره جديده

التأمين اجباري علي المنشأه طبقا لنص القانون سواء للمنشأه او الموظف .. طالما ان الموظف ليس مؤمن عليه في جهه اخري ( ومينفعش الموظف يتأمن عليه في مكانين مختلفين )

وارجو اني اكون افدتك حسب معرفتي البسيطه

المشاركة الأصلية كتبت بواسطة mailo

1000 شكر ياجماعة على الافادة جزاكم الله خيرا

بغض النظر عن الموضوع القانون ده يعتبر ضمان حق للشركة في أي حاجة ؟!!

هو إيه الفترة التامينية دي وإزاي تبـقى مفتوحة أو مقفولة

لو ممكن كمان سؤال رفيع قوي
دلوقتي الشركات بتامن بعقود الموظفين مش ماضيين عليها وس 1 دي كمان هل ده يعتبر تزوير ولا خطأ اداري وكده وهل ده بيجيب حبس زي قضية التزوير ولا فيها مصالحة.

بالنسبه ضمان حق للشركه او لاء
لو في تفتيش تأميني علي المنشأه واكتشف ان في حد من الموظفين غير مؤمن عليه بيتعمل محضر تأميني بالشخص وبيكون في غرامه علي المنشأه بتدفعها لمكتب التأمينات .. وللعلم المنشأه بتتدفع بما يعادل 40 % من الاجر الاساسي للتأمينات ( 14 % تخصم من الموظف و 26 % تدفعها الشركه ) بالتالي حضرتك المستفيد وليس الشركه التأمينات في صالح الموظف

وبالنسبه للفتره التأمينه اقصد بيها ان حضرتك ممكن تشتغل في شركه تابعه لمكتب تأمينات بيتفتح لحضرتك ملف تأميني في المكتب التابع له الشركه حسب المنطقه
وفي حاله ترك العمل والعمل في مكان اخر تابع لمكتب تأمينات اخر بيتم فتح ملف تأميني جديد بأسم الشركه الجديده كل ملف من دول بطلق عليه فتره تأمينيه والمفروض حضرتك بضم الفترات التأمينه مع بعض ولو ليك اكتر من فتره في كذا مكان مختلف وبالنسبه ازاي تكون مفتوحه او لاء المفروض صاحب العمل بيقدم استماره س 6 خلال اسبوعين من تاريخ ترك العمل علشان يغلق الفتره التأمينه الخاص بيك علشان حضرتك تقدر تقتح تأمينات في الشركه الجديده لان زي ما قولت لحضرتك مينفعش يتأمن عليك في اكثر من مكان

والمفروض حضرتك بتمضي علي عقد العمل واستماره واحد والمفروض موظف التأمينات بيطابق التوقيع حتي في حاله تقديم الاستقاله المفروض موظف التامينات يطابق توقيع الاستقاله مع استماره س 6 ولو في اي اختلاف بيرفض قبول استماره س 6

اما بخصوص قضيه تزوير الله اعلم مش هقدر افيد حضرتك فيها

ملحوظه . كلامي على شركات القطاع الخاص .

كده أنا فهمت موضوع الفترة التامنية ده جزاك الله خيرا

بالنسبة بقى لسؤال مزجنجي
لو الشركة مش عايزة تديني س 6 إيه اللي ممكن أعمله

وإزاي أجيب حقي من الشركة لو ليَّ عن طريق مكتب العمل عشان أنا سمعت إن الشركات بتظبط الموظفين هناك فالمكتب وبيجو على أصحاب الحق
هل محامي هيفيد أكتر ولا شكاوي فالمكتب وبس
وأنا كنت سمعت إن بعد 45 يوم الحق بيضيع قانونا الكلام ده صحيح