اشتريت a4 وعندى اسئلة

**waelaase** · 03-10-2012 04:33 PM

اشتريت A4 موديل 2006 اوتوماتيك وتكييف تاتش
عاملة 20 الف كيلومتر
وكانت كاتبة service now
ورحت الاقصى غير زيت وفلتر وقالى مفيش حاجة تانى فيها تتعمل
فكنت عايز اعرف فى حاجة اعملها ولا خلاص كدة وهل فى حاجات تتغير بالعمر ومش بالكيلو

انا شايف العيوب الاتية
1- الرؤية الخلفية صعبة شوية
2- الدركسيون تقيل شوية
3- المكان اللى فى الخلف ضيق

وكنت عايز اعمل الاتى ومش عارف ينفع وفين (ممكن اعرف من فين)
1- الابواب لا تقفل والسبارة ماشية (لازم انا اقفلها). فممكن تتعمل ولا لأ وفين
2-الكاسيت راديو وشرايط وانا عايز mp3 وسمعت ان بتاع الفانتزيا كدة فهل ممكن اجيبة واركبة ولا فى حل احسن ومنين
3- السيارة مفهاش مثبت سرعة وسمعت انه ممكن اغير الذراع ويتعمل فهل ممكن وفين
4- عايز اركب فوجات ممكن اعرف اجيبهم من فين ويركبوا فين
5- عايز اركب سماعات خلفية
6- اخر حاجة ممكن اعمل فتحة سقف نظيفة ولابلاش

معلش اسئلتى كتير :)

**طارق _عبد السلام** · 03-10-2012 05:27 PM

انا شايف العيوب الاتية
1- الرؤية الخلفية صعبة شوية
2- الدركسيون تقيل شوية
3- المكان اللى فى الخلف ضيق

وكنت عايز اعمل الاتى ومش عارف ينفع وفين (ممكن اعرف من فين)
1- الابواب لا تقفل والسبارة ماشية (لازم انا اقفلها). فممكن تتعمل ولا لأ وفين
2-الكاسيت راديو وشرايط وانا عايز mp3 وسمعت ان بتاع الفانتزيا كدة فهل ممكن اجيبة واركبة ولا فى حل احسن ومنين
3- السيارة مفهاش مثبت سرعة وسمعت انه ممكن اغير الذراع ويتعمل فهل ممكن وفين
4- عايز اركب فوجات ممكن اعرف اجيبهم من فين ويركبوا فين
5- عايز اركب سماعات خلفية
6- اخر حاجة ممكن اعمل فتحة سقف نظيفة ولابلاش

معلش اسئلتى كتير :)

هرد عليك فى ما اعرف فقط والباقى للاخوه
الرؤيه الخلفيه ممكن تركب كاميرا خلفيه وهى ثمنها 150 جنيه للاوكتافيا بتركب بدل لمبه من الاثنين فى فى لمبات اللوحه الخلفيه وهى رائعه

موضوع الدريكسيون اكشف عليه او اركب عربيه ايه فور تانيه وقارن اريه فايف الباور كهرباء وممتاز ما اعرف الفور كهرباء ولا زيت اترك الامر للاخوه

المكان اللى فى الخلف طبيعى ضيق فى الايه فور بسبب اتساع الشنطه (شنطه عربيه نصف نقل)
الكاسيت تقدر تغير بدى فى دى عادى وهو بتاع الاوكتافيا بيكون فيه تلفزيون وجى بى اس وكل حاجه انت عايزها وعلشان تشغل الكاميرا الخلفيه كمان
فتحه سقف لا اظن انها هتكون مثل الفابريكا وده يرجع لك انت

بخصوص رساله السيرفس انت ممكن بعد كده تلغيها عادى من زرار الساعه

**mezo73** · 03-10-2012 05:48 PM

المشاركة الأصلية كتبت بواسطة waelaase

اشتريت A4 موديل 2006 اوتوماتيك وتكييف تاتش
عاملة 20 الف كيلومتر
وكانت كاتبة service now
ورحت الاقصى غير زيت وفلتر وقالى مفيش حاجة تانى فيها تتعمل
فكنت عايز اعرف فى حاجة اعملها ولا خلاص كدة وهل فى حاجات تتغير بالعمر ومش بالكيلو
اكيد في حجات بتتغير بالعمر مش بالكيلو متر زي السيور وخاصة سير الكاتينة ولازم ترجع لصاحبها الاصلي وتعرف هو غير السير ولا لاء وطبعا كاوتش العربية بالكيلو والعمر يعني علي حسب نوع الكاوتش متوسط 50000 كم او 5 سنوات ايهما اقرب ودة ينطبق علي السيور بس 60000 كم او خمس سنوات

انا شايف العيوب الاتية
1- الرؤية الخلفية صعبة شوية
شوية وهاتتعود انا مركب ستاير وتقريبا بسوق علي المرايات الجانبية
2- الدركسيون تقيل شوية
باور الاوكتافيا مش زي الكوري او الياباني ودة بيدي للعربية ثبات علي السرعات وملحوظة بالمناسبة زيت الباور للعربية دي ابيض مش الزيت الاحمر العادي
3- المكان اللى فى الخلف ضيق
لو انا فهمتك صح انت تقصد اللي قاعد وراك لو رجعت الكرسي كلامك مظبوط

وكنت عايز اعمل الاتى ومش عارف ينفع وفين (ممكن اعرف من فين)
1- الابواب لا تقفل والسبارة ماشية (لازم انا اقفلها). فممكن تتعمل ولا لأ وفين
عند م خالد اسماعيل في مدينة نصر هايعملك الاوتو لوك علي سرعة 20 كم
2-الكاسيت راديو وشرايط وانا عايز mp3 وسمعت ان بتاع الفانتزيا كدة فهل ممكن اجيبة واركبة ولا فى حل احسن ومنين
للاسف بتاع الفانتازيا مايركبش في العربية ولو هاتركب كاسيت هاتلغي اوبشن الكاسيت اللي في لوحة العدادت
3- السيارة مفهاش مثبت سرعة وسمعت انه ممكن اغير الذراع ويتعمل فهل ممكن وفين
هو في فعلا بس انا معرفش وما انصحكش انك تلعب في العربية
4- عايز اركب فوجات ممكن اعرف اجيبهم من فين ويركبوا فين
العربية فيها نور شبورة اللي هي العدسات اللي في جنب الفانوس وتقريبا عربيتك خليجي من المواصفات اللي انت قولتها فتقريبا مافيهاش ممكن تجيب جوز استيراد فيهم شبورة او تركب الشابورة بتاع الفايف بس هاتعوز كهربائي كويس وشوفت ناس كتير عاملينها
5- عايز اركب سماعات خلفية
الموضوع دة سهل ما اعتقدش ان فية مشكلة
6- اخر حاجة ممكن اعمل فتحة سقف نظيفة ولابلاش
لغاية هنا وسامحني اكيد طبعا لا

معلش اسئلتى كتير :)

هي فعلا كتيرة حبتين :) طبعا بهزر معاك و 1000 مبروك علي العربية وربنا يديك خيرها ويكفيك شرها

Uploaded with ImageShack.us

**waelaase** · 03-10-2012 05:58 PM

اخى مشكور على الردود
ما فيش اى سيور اتغيرت وصاحب العربية عمل مرتين صيانة فى التوكيل زيت وفلتر ومعايا كتيب الضمان مكتوب فيه
انا هارجع تانى للتوكيل اسالهم علشان هما قالولى مفيش حاجة تانى فى العربية تتعمل بس انا مستريحتلهمش وقلت اسال احسن (ممكن احسن فرع للتوكيل)
العربية مش خليجى ومعاها ورق الضمان
ممكن عنوان م خالد اسماعيل في مدينة نصر
بالنسبة للراديو هل اجيب بتاع A5 اللى فيه cd
ولا فى حاجة احسن
هوه انتم عاملين ايه

**waelaase** · 07-10-2012 05:02 PM

السلام عليكم
اكتشفت وانا بتصفح المنتدى ان زر النور هو زر الفوجات فجربت ولقيتهم شغالين
المهم دلوقتى حاجتين
1- الكاسيت
ممكن اركب بتاع الفانتازيا ولا لأ
ولو احد مركب اي حاجة جامدة يقولى الموديل ايه
2- مثبت السرعة
قريت انه مجرد اجيب العصا الاصلى اللى فيها زرار المثبت وبعد كدة تظبيط السوفتوير
فهل احد عنده معلومة او فين اسال