ايهما افضل نيسان صنى الجديده او رينو لوجان

**ahmedmahermo** · 03-11-2012 02:20 AM

ايهما افضل نيسان صنى الجديده او رينو لوجان علشان انا تعبت من التفكير واحد يقولى ابعد عن المصرى و خليك فى المستورد وواحد تاني يقولى الصنى اكيد احسن طيب و لو كانت الصنى احسن هل تستحق الفرق فى الفلوس ده كلو 22000 ولا احسن بحجات بسيطه شكل و كده لان الفرق ده هقسطو ولو فى عربيه تانيه فى نفس السعر قولولى و شكرا اوى

**Mostafa.Mahran** · 03-11-2012 02:24 AM

اكيد فرق السعر ده كله مش هيبقى علشان حاجات بسيطة

الصنى فئة اعلى من اللوجان

**Hosam_Optrawy** · 03-11-2012 02:53 AM

لو هاحسبها بالورقه والقلم واكون عملى هاختار اللوجان

لان معلش مع احترامى لمالكى العربيتين احنا بنتكلم فى فئة اقتصاديه يعنى عربيه مشى حالك مش مطلوب منها حاجه اكتر فئتهم

مش هادفع 22 الف عشان ABS , دا ابرز فرق بينهم

لكن لو بصيت لباقى العوامل , موتور اللوجان الاوتوماتيك اقوى من الصنى , اللوجان فتيس ستيبترونيك الصنى لأ , العفشه ونظام التعليق مايفرقوش كتير عن بعض , الاتنين تقريبا نفس الوسع , التقفيل والخامات قريبين من بعض , عوامل الامان الصنى فيها Abs اللوجان لأ بس فيها ايرباج و Immobilizer , الكماليات تقريبا زى بعض

يعنى من الاخر العربيتين شبه بعض فى حاجات كتير , الصنى لسه شكل جديد , اللوجان قديمه ونزل منها شكل جديد خلاص

بالتوفيق فى الاختيار