افضل زيت بتستخدمه لفليشيتك او فيفوريتك؟؟

**AhMeD MeTwAlY** · 10-11-2012 01:35 AM

السلامو عليكم ورحمة الله وبركاته

ازيك يا جماعه ان شاء الله تكونو بخير جميعا
النهارده موضوعنا جديد افضل زيت ممكن تستخدمه لعربيتك الفليشيا او الفيفوريت
ولو استخدمت اكتر من زيت يا ريت تحكلينا التجربه مع الزيتين وايه الافضل وارتحت مع اي نوع فيهم؟
عن نفسي كنت بستخدم موبيل 1000 كيلو ودا لان الزيت بيقعد عندي بالشهرين مبغيروش عشان تحركاتي كانت قليله جدا ومحدوده وفي نفس الوقت 3000 كيلو هيقعد فتره طويله والزيت بالنسبه للعربيه زي الدم كل ما بيتغير بدري كل ما كان افضل للموتور والزيت بيتلوث وبيتقل لزوجته كل ما زادة فترة بقائه في المحرك
لان الزيت هو الي بيقلل نسبة احتكاك الاجزاء الداخليه للمحرك ولما يتلوث او تقل لزوجته معني كدا ان نسبة الاحتكاك هتزيد وبالتالي الاجزاء هتتلف بسرعه وغير كدا كمان هتسخن وربنا يبعد عننا السخونه

هتتكرمو يا رجاله الفليشيا والفيفوريت وتقولو ايه افضل زيت استخدمته ولو استخدمت زيت قبله ايه الفرق الي حسيت بيه بعد استخدام الزيت التاني
ودمتم بالخير
AhMeD MeTwAlY

**Mostafa.Ramdan** · 10-11-2012 10:40 AM

انا من يوم ما جبت الفيلشيا استخدمت الموبيل 3000 والحمد لله كان كويس
بس الحمد لله بعدها بحوالى اسبوع روحت غيرت جوان وش السلندر والميكانيكى حطلى زيت 3000 بس مش فاكر نوعه ايه والله بس الحمد لله مفيش مشاكل من الزيت ده

متابع الموضوع لانى مقبل على تغير الزيت وعاوز افضل نوع ولو حد استخدم lique molly يقلنا معلومات عنه

**sakr_skoda** · 10-11-2012 10:55 AM

انا عنفسى كنت بحط موبيل الف وتعبنى شويه فبحثت عن بديل فوجدت زيت شيل الأحمر3000 هو افضل زيت بالنسبة لعربيتنا العجوزه زيت تقيل صوت الموتور بينعم ....

**darehawk** · 10-11-2012 12:50 PM

انا استخدمت موبيل 3000 فترة طويلة وكنت لسه مغير موتور بس كنت حاسس ان صوت العربية عالي وبعد كده استخدمت فيسكو2000 وكان كويس جدن بس للاسف بيتبخر بسرعة لاعتماده على تقنية جديدة وحاليا انا مع شيل الاحمر بصراحة جميل جدن عشان تقيل وسعره معقول بس بعد العمرة ناوي ارجع لموبيل الفضي 20w-50

**Mostafa.Ramdan** · 10-11-2012 03:37 PM

المشاركة الأصلية كتبت بواسطة benmatar

استخدمت في الفيليشيا وغيرها زيوت كتير واضافات كتير، وبصراحة استقراري من سنة واكتر على زيوت ليكوي مولي للفيليشيا وغيرها. بصفة عامة ينصح للفيليشيا باستخدام زيت تكون درجته 20w50 وده من الكتالوج ومناسب لمواتير الفيليشيا والموديلات القديمة نسبيا او ذات الكيلومتر العالي. مستقر للفيليشيا على ليكوي مولي سوبر فورميولا super formula 20w50 معاك لغاية 5000كم تمام وميزته انك لو زودت عليه يستحمل وميقصرش.

سعره كام والموزع بتاع الشركه فين فى مدينه نصر

**ayman20100** · 10-11-2012 10:19 PM

جربت فيسكو 2000 كان ممتاز صوت الماتور اقل حرارة مظبوطة وساعات اقل شرطة او اتنين بس عمر الماتور انتهى معاه
ففضلت اني احتياطي بعد المتور الجديد اني اغير الزيت وبقيت اجيب شل 3000 وبغيره في ميعاده على 3000 او اكتر شوية الصوت عالي شوية بس كويس وعيبه انه بحس انه بيسود بسرعة عكس الفيسكو احتياطي بغير الفلتر كل مرتين وساعات كل مرة وربنا يستر

**aw2100** · 10-11-2012 11:50 PM

على فكرة معنى ان الزيت يسود ان الزيت بيعمل بكفائة ولو الزيت ماسودش يبقى النوع ده مش جيد انا باستعمل شل الأحمر 3000 بس المرة دى جربت الأصفر 5000 بجد فية فرق كبير بس 120 جنية للجركن
ملحوظة انا بغير الزيت مش على عداد الكيلو انا بحس بحرارة السيارة وصوت الموتور واهم حاجة لمبة الزيت بعد الدوارة بتطفى فورا ولابتتاخر شوية لو اتاخرت شوية باغير الزيت فورا حتى لو بقالة 1000 ك واهى مرة مكنش عندهم الأحمر !!!