الفيليشا فيها ايه عندى ؟؟

**Mostafa.Ramdan** · 10-11-2012 11:09 AM

السلام عليكم ورحمة الله وبركاته

الفيلشيا وجمالها !!!!

عشان بقالى كتير مركبتش الفيات الاونو ومن يوم ماجبت الفيليشا مركبتش الاونو ولا الشاهين حتى

وجيه اليوم اللى ركبت فيه الاونو امبارح ولاحظت فرق غير طبيعى بين العربيتين

الفيليشا تقيله اوى فى الملفات والركن يعنى الدركسيون بيكون تقيل اوى

الاونو عكس كده تماما

الفيليشا لما ابقى ماشى بسرعه واشيل رجلى من على البنزين ترج كده لقدام

الاونو بترج برده بس بحنيه شويه

افيدونى هيا الفيلشيا كده اصلا ولا فى مشكله عندى

الفيلشيا موديل 97 والاونو 93

ولكم جزيل الشكر

**benmatar** · 10-11-2012 12:07 PM

الفيليشيا اتقل شوية في الطلعة ومعدل التسارع بس في السرعات زي الفل وسحبها كويس، وثباتها اكتر من الأونو بمراحل، معاك إن الدركسيون اتقل بس العفشة تعتبر خدمة شاقة مقارنة بالعربيات من نفس الفئة. الأونو فعلا أنعم وأخف وموتورها اهدى شوية والتسارع أعلى. وزن الفيليشيا اتقل عشان صاجها امتن بمراحل. بصفة عامة الحكاية في الفيليشيا وغيرها بتكون زي باكدج package على بعضها يعني مجموعة مميزات ومجموعة عيوب. عند حد الفيليشيا احسن عربية صغيرة وحد تاني عنده الأونو ملهاش مثيل وهكذا. مثلا موتور الفيليشيا خشن شوية عن الأونو انعم بس عزمه في المطالع والاحمال أعلى من الأونو بفارق ملحوظ وسير الكاتينة فيها حديد. عشان الأونو 45 حصان 74 نيوتن موتور 1000 أما الفيليشيا 68 حصان 100 نيوتن موتور 1300

**Amr_650** · 10-11-2012 12:32 PM

الفليشيا عندى مطلعة عينى .

عايزة طنابير و تيل و تظبيط عفشة

**darehawk** · 10-11-2012 12:56 PM

فعلا الفرق كبير بين العربيتين بس لصالح الفليشيا

**Mostafa.Ramdan** · 10-11-2012 02:28 PM

المشاركة الأصلية كتبت بواسطة darehawk

فعلا الفرق كبير بين العربيتين بس لصالح الفليشيا

هو الفرق كبير فعلا ولصالح الفيليشا فعلا

بس لفه الدركسيون التقيله دى طبيعى ولا عاوزه حاجات تتظبط ؟؟

**aw2100** · 10-11-2012 09:25 PM

انا باعترف بحاجة اللى مالوش فى العربيات حيظلم نفسة بشراء سيارة فليشيا لانها عربية حساسة جدا فى الضبط ومحتاجة واحد فاهم علشان للاسف الصنيعية دلوقتى يجى يصلح حاجة يبوظ حاجات بالاضافة ان قطع غيارها الجديدة مش مضمونة ولازم تشتريها من واحد ثقة مش تاجر علشان كدة السيارة دى كانت سيارة قوية وهى زيرو وقعدت مع اصحابها الأصليين سنوات كتيرة من غير مشاكل مع الصيانة الدورية وخلافة لكن الأن عاوزة صيانة صح
وعموما الرجة اللى عندك دى من 3 حاجات :
1- الكبالن واكسات الجر اللى خارجة من الفتيس فيها بوش خفيف او اكس معوج بسيط اكشف عليه الكبالن خارجى والصليبةوالكوبلن الداخلى
2- قواعد الموتور وهى 3 قواعد اكيد الموتور عندك بيتحرك ودى اللى بيعمل رجة فى السرعة وفى الطلعة وبتحس ان الموتور او عصاية الفتيس بتتهز
3- زيت الفتيس هام جدا تغييرة وتحط زيت 90/80 مش 140 الثقيل
لو بصيت على الحاجات دى وضبطها حتدعى لاخوك و سلملى على الأونو !!!

**EngAhmedSayed** · 11-11-2012 07:37 PM

المشاركة الأصلية كتبت بواسطة benmatar

الفيليشيا اتقل شوية في الطلعة ومعدل التسارع بس في السرعات زي الفل وسحبها كويس، وثباتها اكتر من الأونو بمراحل، معاك إن الدركسيون اتقل بس العفشة تعتبر خدمة شاقة مقارنة بالعربيات من نفس الفئة. الأونو فعلا أنعم وأخف وموتورها اهدى شوية والتسارع أعلى. وزن الفيليشيا اتقل عشان صاجها امتن بمراحل. بصفة عامة الحكاية في الفيليشيا وغيرها بتكون زي باكدج package على بعضها يعني مجموعة مميزات ومجموعة عيوب. عند حد الفيليشيا احسن عربية صغيرة وحد تاني عنده الأونو ملهاش مثيل وهكذا. مثلا موتور الفيليشيا خشن شوية عن الأونو انعم بس عزمه في المطالع والاحمال أعلى من الأونو بفارق ملحوظ وسير الكاتينة فيها حديد. عشان الأونو 45 حصان 74 نيوتن موتور 1000 أما الفيليشيا 68 حصان 100 نيوتن موتور 1300

1111111111111111111111111111111