شوفو الكلب عمل ايه فى الصنى 2013 (الحمد لله)

**GRADER** · 16-11-2012 01:06 AM

السلام عليكم ورحمة الله و بركاته وكفاكم الله شر الطريق

النهارده كنت مسافر الغردقه الساعة 7 صباحا وعلى طريق العين السخنة وطبعا كلكم عارفين انه طريق ممتاز وكمان كان فاضى الصبح وكنت ماشى بالعربيه على سرعة 120 تقريبا على ما أتذكر و فجأه وفى لحظة من الزمن لقيت كلبين بيعدو الطريق قدامى الأول فلت والتانى جه فى نص العربية بالضبط.

طبعا مقدرتش و ملحقتش أعمل اى حاجة لأن تقريبا كان من المستحيل تفاديه.

طبعا سمعت صوت الخبطة وكان صوت جامد و أنا عارف على ما سمعت من بعض السادة الأعضاء ان خبطة الكلب جامده بس كل الى جه فى دماغى انى هلاقى الاكصدام مكسور من تحت ولا حاجة.

للأسف الكلب تقريبا مات وحزنت عليه جدا ومرضتش أقف و كملت لحد أول بنزينه لأنى كنت عايز أمون وهناك نزلت أبص على الخبطة وكانت المفاجأة.....

لقيت اللاكصدام مكسور من تحت والشبكة مكسورة وعلامة نيسان واقعة و الفبر الى تحت الاكصدام مكسور والسربنتينة بتاعة التكييف معووجة ولازقة فى الريداتير الى هو كمان معووج وداخل لجوة والقنطرة الى شايلة الريداتير وسربنتينة التكييف معجونة وعاجنة معاها الركبة الى واصلة بين الشاسيه والقنطرة وفى سوائل بتنقط من العربيه من قدام معرفتش ده ميه ريداتير ولا فريون !!!!!

وقفت لحظة تعجب وقلت معقول كل ده من كلب ؟!!!! منظر العربيه ولا كأنى دخلت فى جبل..

المهم طبعا بسبب التسريب ده قررت ألغى الرحله ولفيت تانى ورجعت على القاهرة و أنا فى حالة زهول من كم التلفيات بس حمدت ربنا أنها جت على أد كده.

توجهت مباشرة على السبع فى زهراء المعادى أشوف ممكن أتحرك بالعربية و أكمل رحلتى ولا لازم تتصلح الأول (كان لسه عندى أمل أروح الغردقة ) وطلبت منهم يقولولى أمشى بيها ولا لأ

الناس الصراحة استقبلونى كويس ودى أول مرة ليا فى السبع وبعد شويه نادونى عشان أنزل و أكلم المهندس وكانت الصدمة التانيه....

العربية محتاجة تغير الأتى:

سربنتينة تكييف 3173 جنيه
ريداتير 2377 جنيه
قنطرة ريداتير 173 جنيه و مش موجوده (ودى أهم حاجة)
مياه ريداتير 55
اكصدام أمامى 700 ومش موجود
شبكة أمامية 477
فبرة صدر يمين 53 ومش موجوده
فبرة أسفل الاكصدام 121 ومش موجوده
علامة نيسان 42 و مش موجوده
ركبة يمين لسه مش عارف بكام بس فى حدود 300 جنيه
مواسير تكييف 130

نيجى بقى للمصنعيات:

تغيير ريداتير وسربنتينه 350
أعمال سمكرة 700 مش عارف ليه
دهان 450
شحن فريون 350
فك وتركيب 100

يعنى لو حضراتكم جمعتوها وضيفتو الضريبة هتلاقو المبلغ وصل حوالى 12000 جنيه فى خبطة كلب !!!

و الصدمة الى بعديها ان انا مش مأمن على العربية

وكمان الحاجة مش موجوده عندهم يعنى هستنى شوية كويسين على ما تتوفر رغم أن كلها حاجات أساسية مفروض تكون متوفرة فى التوكيل !!!

معلش طولت عليكم بس حبيت أنقل تجربتى يمكن حد يستفاد منها بعد كده وربنا يكفيكم الشر يا رب

ياريت أى حد عنده أى اقتراحات يقولها لأن المبلغ كتير قوى و مش عارف ممكن الاقى مكان تانى يكون أرخص ولا لأ والسلام عليكم ورحمة الله

معلش معرفتش أرفع الصور عشان عندى مشكله فى النت و ان شاء الله أرفعها فى أقرب فرصة

**Dr'AhmZZong** · 16-11-2012 01:16 AM

ربنا يصبرك ..

مبلغ كبيييييييير فعلا بس معلش كويس إن حضرتك بخير ..

واحد صحبي ابوه معاه c180 موديل 2012 و حصل معاك نفس الموقف و الردياتير اتكسر و غير الحاجات اللي قدامه ..

إن شاء الله خيييييييييير .. لا تقلق

**alrabeh** · 16-11-2012 01:18 AM

الف حمدا لله على سلامتك
نصيحتى لك ان تقول الحمد لله اللهم اخلفنى خيرا

**ahmed_52869** · 16-11-2012 01:18 AM

ربنا يخلفك خير والحمد لله ان انت سليم

**Bishoy.Girgis** · 16-11-2012 01:20 AM

معلش المهم انك بخير
بالنسبة للتصليحات ممكن تتصل بأوتوايجيبت و تشوف لو عندهم قطع الغيار ..

**lanos2004** · 16-11-2012 01:21 AM

هيه قوة الارتطام بجسم يكاد يكون ساكن

**shawkylotfy** · 16-11-2012 01:40 AM

حصل معانا انا وواحد صحبى بعربية ميجان 2005 كلبين برضو عدوا واحد عدا والتانى صحبى فداة راح طالع على الرملةورد تانى العربية لفت بينا 360 ولبست فى الجزيرة بجنبها والعجلة الى قدام طلعت على الجزيرة وكان ممكن نموت لان كان ورانا ميكروباس ماشى برضوا حوالى 100 بس الحمد لله العربية لفت من هنا ودة يدوبك عداا وباس جمب العربية بس طبعا الخسائر كانت :
1. رداتير وسربنتينة
2. قنطرة ريداتير
3. كرتيرة زيت
4. قاعدة موتور
5. كباس تكييف
6. ماسورة تكيف
7. نفس الركبة بتاعت القنطرة الى راكب عليها الراديتر اتعجنت لما العربية طلعت على الجزيرة
8. دنجل خلفى ( اتعوج من الرزعة فى الجزيرة بالعرض لما العربية لفت)
9. جنت وفردة كوتش خلفى وطنبور خلفى

دفع برضوا حوالى 10 الاف وجاب الحاجات استعمال

الحمد لله انك كونت ماشى 120 بس ومحولتش تروح يمين ولا شمال واحمد ربنا انها اصلا وصلتك لاول بنزينة

الدرس : بعد كدة تمشى فى الطرق السريعة وواخد باللك ان موقف شبة دة ممكن يحصل فى اى وقت وكلب ممكن ينطلك ومتزودتش عن 100 هتوصل بردة

شوف الموضوع دة كنا لسة بنتكلم عن موضوع الكلاب دة
http://www.nilemotors.net/Nile/318783-190.html

**hossam_elwani** · 16-11-2012 01:51 AM

ربنا يخلف عليك خير ان شاء الله متزعلش

انا حصل معايا الموقف ده بالملى وبالعربيه الى فى توقيعى والكلب ظهر فجأه من اقصى اليمين وعايز يعدى بسرعه وفجأه اكنهم قاصدين الانتحار بس عربيتى القديمه دى صنى برضه عاليع على الارض الكلب خبط فى قطرة العربيه من قدام مات فى الحال واتصفى دمه والعربيه ولا فيها اى خربوش عرفتو ميزة القديم ايه هههههههههه

**m_love4me** · 16-11-2012 01:53 AM

لا حول ولا قوه الا بالله ,

الحمدلله انك بخير وماحاولتش تفاديه ,على سرعه عاليه
ربنا ستر

بس معلش حضرتك التكاليف دي وهميه جدا , دي تكاليف واحد عامل حادثه مع عربيه وش ف وش

واقول لحضرتك تحمد ربنا ان الخبطه ماكنتش عاليه حاجات بسيطه جدا
لانك كنت هتتصدم ان الايرباج هيفتح بكل اسف

حضرتك اولا السربنتينه بتاعت التيدا ب 2300 جنيه
وما رضتش اجيبها من التوكيل لما باظت
جبت تيواني ب 550 جنيه وشغاله كويس جدا جدا والحمدلله
الرادتيد مهم ان حضرتك تجيب الاصلى
شوفه بره التوكيل بردو بكام
السبع الاسعار مبالغ فيها لو حضرتك مع االمهندس عبدالرازق الله يسامحه
عن تجربه

القنطره ال تحت و الاكصدام وغيره وغيره فى الحرفين
وحاجات اصليه
واسعار اقل من كدا بكتير جدا

حضرتك اسأل عند العالميه مثلا ف الحرفين
او سعيد عبد المنعم او غيره او غيره
كتير جدا

والتكاليف ان شاء الله مش هتتجاوز نص التمن دا

تحياتى لك