بقيت في سنه تانية أوبلاوي , سنه كاملة مع opel vectra b

**Amrgamal1** · 21-12-2012 10:37 PM

ازيكوا يا رجالة

من كام يوم اكتشفت ان عربيتي كدا بقالها سنه بالظبط معايا
قبل السنه دي كنت راكب جيب شيروكي ومكنش عندي اي خبرة في العربيات
علي إيد الاوبل شوفت حاجات كتييير حلوة ووحشه
شوفت ايام صعبه كتير مع الفيكترا بدون دخول في تفاصيل
وحمت حياتي مرتين قبل كدا بعد ربنا طبعا , مرة عشان صاجها ناشف , والتانيه عشان ثباتها عالي .. بردو بدون تفاصيل
وبردو شوفت ايام حلوة بالعربيه دي و اخر فترة قضيتها في الجامعه كانت بيها
وزفيت بيها عروسة قبل كدا كمان

- العربية دي لما كان بيحصل فيها حاجه كنت بقول انا اتخنقت منها وهبيعها وبتاع
بس الغريب ان كل ما يحصل فيها حاجه و اعملها وتخلص علي خير اتعلق بالعربيه اكتر و احبها اكتر
والحمدلله مش ندمان اني جبت أوبل وبعدها هركب أوبل بردو ان شاء الله

- هحكيلكوا انا ايه بدايتي مع الاوبل وايه اللي خلاني اشتريها
انا يا جماعه من سنه كنت مجنون بحاجه اسمها بي ام دبليو
وكان نفسي اوي اجيب بي ام الدبانه التسعينات بس فضلت ادور كتير اوي ومكنتش بلاقي حاله نضيفه
والنضيف سعره مبالغ فيه جدااااا وجالي اكتئاب وعايز عربيه
لحد ما جيه بابا قالي انت عاجباك البي ام عشان الماني , ماتشوف حاجه الماني غير البي أم زي الأوبل مثلا
قولتله ماشي نشوف قالي طيب فيه اعلان كلمت صاحبها قالي في ميه نصر تعالا دلوقتي نروح نشوفها
طبعا ساعتها مكنتش اعرف حاجه عن الاوبل غير شكلها و انها عربيه الماني
روحت شوفت العربيه اللي في الاعلان كانت مبهدله جداا وفيها خبطات كتيير بس اهو اديني بتفرج
اعدت جوا الصالون يا جماعه عجبتني القاعده ولقيت نفسي مرتاح جدااا وشكل التابلوة فخم جدا
وانا قاعد جواها قررت اغير تفكيري من البي أم و اجيب أوبل فيكترا بي
مع انها عربيه مبهدله بس فعلا غيرت دماغي وخلتني فعلا ابتديت ادور علي اوبل فيكترا
لحد ما جبت اللي معايا دلوقتي الحمدلله هي 98 2000 سي سي 1 كامه اللي صورتها في التوقيع
وربنا يباركلي فيها و تهدي عليا في المصاريف بعد اللي عملته فيها طول السنه دي
...
- عايز أشكر منتدي أوبل كله لان كل واحد بيضيف للتاني حاجه هو مايعرفهاش
وانا خبرتي كلها في العربيات من نايل موتورز ومن قسم أوبل تحديدأ لان قبل الاوبل مكنتش مهتم اوي بالعربيات كنت بسوق وبس

- اكتر واحد استفدت منه وخدت منه خبرة في الأوبل "( فــادي محـمد )"
استفدت من مشاركاته اكتر من مكالماته في الموبايل لأني بتحرج اكلمه كتير ع الموبايل عشان احكيله علي مشكله عندي
الراجل دا يا جماعة فعلا بحس انه كان قاعد مع الخواجة الالماني وهو بيصنع الـ Vectra b لدرجة ساعات بخش بروفايله و اعد اقرا في المواضيع بتاعته و اذاكر مشركاتة :)

و " طناني باشا " طبعا الأب الروحي للأوبل
ومستر "احمد فهمي " عنده معلومات جامده جدا عن كل العربيات مش الأوبل بس وبستفاد منه جدا لما بيتكلم عن اي تكنولوجي في العربيات الجديدة بما انه ركب عربيات كتير جدااا

( معلش يا جماعة لو طولت في الكلام او كان كلامي مش مترتب , انا مش بعرف اكتب مواضيع وكتبت اللي جيه في دماغي )

**فادى محمد** · 21-12-2012 11:24 PM

ايه الكلام الكبير ده يا عمرو ؟؟
احنا كلنا بنتعلم من بعض ..
واتصل بي في اي وقت تحت امرك ..

**tananybasha** · 21-12-2012 11:26 PM

كلام جميل
و طالع من القلب

**haitham2011** · 22-12-2012 12:38 PM

ربنا يديم الود بيننا

**hesham ahmed** · 22-12-2012 02:52 PM

بصراحه ربنا يكرمهم و يجازيهم خيييير
يا جماعه احنا لازم نتقابل ... ان شاء الله

**hagagatc** · 22-12-2012 03:34 PM

كل سنه وانت طيب يا باشا وربنا يديم الخير بينا

**Driver101** · 23-12-2012 01:36 AM

ربنا يبارك لك في العربية يا عمرو باشا. بصراحة أنت واحد من الناس اللي بأسعد بقراءة مواضيعها أو مشاركاتها. يمكن لإحساسي إنك جدع ومش ممكن تتأخر عن حد في معلومة.

أخوك/ محمد

**Amrgamal1** · 23-12-2012 02:10 AM

المشاركة الأصلية كتبت بواسطة romiobasha

ربنا يباركلك فيها و فى كل الاوبيلات بتاعتنا
بصراحة الناس هنا كلها محترمين و مبيتأخروش بأى معلومة على حد و بالذات السادة المذكورين فى كلامك

آمين , شكراً يا باشا

المشاركة الأصلية كتبت بواسطة haitham2011

ربنا يديم الود بيننا

يارب

المشاركة الأصلية كتبت بواسطة hesham ahmed

بصراحه ربنا يكرمهم و يجازيهم خيييير
يا جماعه احنا لازم نتقابل ... ان شاء الله

ان شاء الله
انا قابلتهم مرة واحده
وفي ناس منهم بقوا صحابي وبشوفهم

المشاركة الأصلية كتبت بواسطة hagagatc

كل سنه وانت طيب يا باشا وربنا يديم الخير بينا

وانت طيب يا باشا

المشاركة الأصلية كتبت بواسطة Driver101

ربنا يبارك لك في العربية يا عمرو باشا. بصراحة أنت واحد من الناس اللي بأسعد بقراءة مواضيعها أو مشاركاتها. يمكن لإحساسي إنك جدع ومش ممكن تتأخر عن حد في معلومة.

أخوك/ محمد

ربنا يخليك يا محمد , دا شرف ليا والله
اهو بنحاول نبقي زي الناس الجامده دي

-

-

الموضوع: بقيت في سنه تانية أوبلاوي , سنه كاملة مع opel vectra b

LinkBack

أدوات الموضوع

عرض

بقيت في سنه تانية أوبلاوي , سنه كاملة مع opel vectra b - انشر الموضوع فى :

-

-

-

-

المواضيع المتشابهه

Opel Vectra

Used OPEL Vectra

Opel Vectra

opel vectra 97

الكلمات الدلالية لهذا الموضوع

المفضلات

المفضلات

ضوابط المشاركة