بخصوص الإنذار اللى بيركب على ريموت العربية

**salah_86** · 06-01-2013 04:11 PM

السلام عليكم ورحمة الله وبركاته
بصوا ياخونا انا كنت كتبت موضوع عن جهاز الانذار اللى بيركب على ريموت العربية
لفيت كتير وسالت على النت كتير واخواتنا هنا فى المنتدى كيا
بصوا ياجماعه الانذار اللى احنا مركبينا بيزمر علطول لما حد بيجى ناحية العربية اتفتحت متفتحتش
اما الانذار اللى اسمة ابجريد دا بيشتغل على السنتر بس
بمعنى ان العربية لو حد حاول يفتحها هتزمر اما لو نجح وفتحها هتبطل تزمر لانه هيفتح السنتر وهو متوصل بالسنتر ودا كلامى بعد سؤالى امبارح عند ادريان
فقررت انى اخلينى زى ما انا ماشى بريموتين واحد بفتح وبقفل بية والتانى بدور بيه العربية

**mesmes** · 07-01-2013 10:50 AM

مين اللى قال كده
بعد اذنك الكلام دا مش مظبوط
انا مركب الانذار ده من 3 شهور
لو حد خبط العربية بيزمر طبعا
لما افتح باب العربية الانذار بيشتغل حتى لو حاولت ابطلة بالرموت مش بيرضى
لغاية الباب لما يقفل ابطلة بالرموت

**salah_86** · 07-01-2013 11:39 AM

عنى هو كدا شغال على فتح وقفل الباب؟

**mesmes** · 07-01-2013 02:13 PM

طيب معلش ممكن اعرف ايه مميزات الرموت التانى اللى معاك ايه

**salah_86** · 07-01-2013 07:45 PM

اللى معايا دا لو حد جه جمب العربية وخبط بيزمر شوية صغيرة ويفصل خبط تانى يزمر شوية اكتر خبط تالت بقى وتنح يعنى بتزمر ومبيفصلش خااااااااااااااالص وجربت مرة افتح الباب بالمفتاح الخاص بالعربية وقفلت الباب ودورت مبتطلتش زمارة خااااااااااالص
غير لما ادوس على زرار فتح اللى موجود فى ريموت الانذار
وفية زرار فتح للشنطة ودا طبعا علشان يشتغل وصلى وحدة سنتر فى الشنطة وسلك من الشنطة لحد الحساس بتاع الجهاز تحت الدركسيون
وفيه زرار اشارة بمعنى انا ببقى ساعات راكن العربية فى شغلى فى المطار وبخلص شغل وبنسى انا ركنت العربية فيه يا اما ادوس على زرار الفل بيقعد يدى صوت مع اشارات انتظار يا اما ادوس على زرار اسمة اشارات يدى فلاش انتظار بس
هو دا الانذار اللى انا مركبة ومركب علية وحدتين رفع وبس واسمة سيمفونى
واعتقد ان فيه نوع تانى احسن اسمة ولف بس معرفش ايه امكانياته بس الناس هنا بتشكر فيه قوى

**mesmes** · 07-01-2013 08:10 PM

بص ياابو صلاح كل المميزات دى موجوده بس من غير زرار فتح الشنطة لان طبعا الرموت الاصلى مفهوش زرار لفتح الشنطه وبرضه مركب عليه 2 وحده رفع وشغال 100 100
بس فيه 3 مميزات انا شايف انهم مهمين
ان انا لو مقفلتش العربية بيدينى 3 صفارات ان العربية مفتوحه
انا لو دخلت العربية بالمفتاح حتى الاصلى من غير مافتح بالرموت العربية متدرش لانه معاه كتاوت فصل
الحاجه المهمه ان الانذار بتاعك ممكن تبطل صوته فى اى وقت حتى لو الباب مفتوح
عندى لأ بمعنى لو قدر الله والحرامى فتح باب العربية الانذار هيشتغل ومش هيبطل حتى لو ضغط على الرموت غير لما اقفل الباب

وعموما كلها حاجات بتقضى الغرض والحافظ هو الله

**salah_86** · 07-01-2013 11:53 PM

خلاص شكلى هنزلك المحلة واشترى الانذار دا ويركبهولى حد من عندك
ادريان قالى 300 بالتركيب وزى ما قلتلك على السنتر بس
الكهربائى اللى عندنا قالى 350 ومحسسنى انه هيعملى جميلة احنا بنتقلب فى المنوفيه دى والله

**mesmes** · 08-01-2013 10:46 AM

تشرف ياابو صلاح
وفعلا لو ناوى قولى وانا ابعتلك رقم التليفون

**salah_86** · 08-01-2013 09:58 PM

الشرف ليا انا ياباشا ربنا يسهل وانا نازل اجيب حاجات العربية بتاعة الصيانة العادية يعنى من مجدى موتورز اكلمك ونشوف حوار الانذار دا

**د.عمرعبدالفتاح** · 11-01-2013 11:11 PM

معلش هو الانذار ده بكام واسمه ابجريد صح كدا الاسم وبيتباع فين فى طنطا ومين احسن كهربائى يركبه فى طنطا او المحلة وكام المصنعية

الموضوع: بخصوص الإنذار اللى بيركب على ريموت العربية

LinkBack

أدوات الموضوع

عرض

بخصوص الإنذار اللى بيركب على ريموت العربية - انشر الموضوع فى :

-

-

-

-

المواضيع المتشابهه

الجهاز اللى بيركب فى العربية و يتوصل بالموبيل

ريموت الإنذار ال 2 way باظ

ام بي ثري اللى بيركب فى الولاعه بتاعه العربية

هل يمكن اصلاح اعوجاج المكان اللى بيركب فيه الكوريك وهوا بيرفع العربية

اشتريت النور اللى بيركب تحت العربية

الكلمات الدلالية لهذا الموضوع

المفضلات

المفضلات

ضوابط المشاركة